டைட்டானிக் கப்பல் அனர்த்தத்தின் 100 ஆண்டு நினைவு தினம்

by **நண்பன்** Fri 3 Jun 2011 - 10:16

டைட்டானிக் கப்பல் வடக்கு அயர்லாந்து நாட்டில் உள்ள பெல்பாஸ்ட் நகரில் தான் கட்டப்பட்டது. இது கட்டி முடிக்கப்பட்டதும் 1911ம் ஆண்டு மே மாதம் 31 ம் திகதிதான் முதன் முதலாக கடலில் விடப்பட்டது.

அங்கு இருந்து இங்கிலாந்து நாட்டில் உள்ள சவுத்தாம்ப்டன்நகருக்கு சென்று அங்கு சுற்றுலா பயணிகளை ஏற்றிக்கொண்டு, அமெரிக்காவில் உள்ள நியூயோர்க் நகருக்கு புறப்பட்டது. ஆனால் யாரும் எதிர்பாராதவிதமாக நடுவழியில் அந்த கப்பல் பனிப் பாறையில் மோதி உடைந்தது. பின்னர் கடலில் மூழ்கியது. அதில் பயணம் செய்த 1500 க்கும் மேற்பட்ட பயணிகள் பலியானார்கள்.

இந்த கப்பல் பெல்பாஸ்ட் நகரில் கடலில் விடப்பட்ட தினத்தின் 100வது ஆண்டு கடந்த செவ்வாய்க்கிழமை கடைப்பிடிக்கப்பட்டது. 100 ஆண்டுகளுக்கு முன்பு 1911ம் ஆண்டு மே 31ம் திகதி பகல் 12.13 மணிக்கு இந்த கப்பல் புறப்பட்டது.

இதை நினைவு கூரும் வகையில், கடந்த செவ்வாய்க்கிழமை பகல் 12.13 மணிக்கு ஒற்றை சத்தத்துடன் ஒரு வாணம் வெடிக்கப்பட்டது. அப்போது அங்கு கூடி இருந்தவர்கள் 62 வினாடிகளுக்கு இடைவிடாமல் கைதட்டினார்கள். அதே நேரத்தில் அந்த பகுதியில் கடலில் சுற்றிக் கொண்டு இருந்த படகுகள் ஒரே நேரத்தில் சத்தம் எழுப்பி அந்த நாளை நினைவு கூர்ந்தன.

இந்த விழாவில் கப்பல் கட்டியவர்களின் வாரிசுகள் கலந்துகொண்டன