உடல் ஆரோக்கியத்தை உற்று கவனிக்கும் ஆடைகள்

by **sadir** Sat 4 Jun 2011 - 10:04

ஐரோப்பிய தொழில்நுட்ப ஆராய்ச்சியாளர்கள் ஆடைகளை வடிவமைக்கத் தொடங்கி இருக்கிறார்கள் என்றால் ஆச்சரியமாக இருக்கிறதல்லவா?
ஆனால் இவை சாதாரணமாக நாம் பயன்படுத்தும் அலங்கார ஆடைகளோ அல்லது ஆடம்பர ஆடைகளோ அல்ல. இவை மின்னணு சென்சர்கள் கொண்ட ஆடைகள். இவற்றை அணிபவர்களின் ஆரோக்கியத்தை இந்த மின்னணு சென்சர் ஆடைகள் தொடர்ந்து கண்காணிக்கும் என்பது தான் இவற்றின் சிறப்பு.

உணர்திறன் ஆடைகள் எனப்படும் இந்த "இன்டலிஜெண்ட் டெக்ஸ்டைல்ஸ்" பல எம்பிடட் சென்சார்களைக் கொண்டிருக்கும். இவற்றின் துணையுடன் உடலில் நடக்கும் நீரோட்டத்தை அதாவது ரத்தம், வியர்வை ஓட்டத்தின் மாற்றங்களைத் தொடர்ந்து கண்காணித்து உடல் ஆரோக்கியத்தை கணிக்கும் வகையில் இவை அமைக்கப்பட்டு இருக்கின்றன.

மருத்துவமனை நோயாளிகளில் குறிப்பாக கோமா நிலையில் இருப்பவர்கள், மனநலம் குன்றியவர்களின் உள்ளார்ந்த மாற்றங்களைக் கவனிக்க இந்த நவீன ஆடைகள் மிகவும் பயன்படும் என்று தெரிவிக்கப்பட்டு இருக்கிறது.

மனதின் எண்ணங்களுக்கு ஏற்ப உடல் ரத்த ஓட்டம் மாறுபடுவதால், குற்றவாளிகளின் எண்ணங்களை ஆராய குற்றவியல் காவல்துறையினருக்கும் இந்த உணர்திறன் ஆடைகள் மிகுந்த பயனளிக்கும் என்று கூறப்படுகிறது.