கிரிக்கட் மட்டும் தான் எனது வாழ்க்கை: சச்சின்

by **நேசமுடன் ஹாசிம்** Sat 4 Jun 2011 - 16:39

கிரிக்கட் இல்லாத வாழ்க்கையை நினைத்துப் பார்க்க முடியாது என்று சச்சின் டெண்டுல்கர் கூறியுள்ளார்.
இதுகுறித்து அவர் மேலும் கூறியது: எனது கிரிக்கட் வாழ்க்கையில் நான் இன்னும் மனநிறைவு அடையவில்லை. மனநிறைவு அடைந்து விட்டதாக தோன்றும் போது விளையாட்டில் தேக்கநிலை ஏற்பட்டுவிடும்.

வெற்றி பெற்றாலோ, சதம் அடித்தாலோ மகிழ்ச்சியடையலாம். ஆனால் மனநிறைவு அடையமுடியாது. மனநிறைவு அடைந்துவிட்டதாகக் கருதும் போது இயல்பாகவே நம்முடைய ஆட்டத்தில் பின்னடைவு ஏற்பட்டுவிடும் என்றார்.

20 ஆண்டுகளைக் கடந்துவிட்ட போதிலும் ஓய்வு குறித்து நினைத்ததில்லை என்று கூறிய சச்சின் இப்போதும் மிக அதிமாக கிரிக்கட்டை நேசிக்கிறேன். அதுதான் எனது வேலை. கிரிக்கட் இன்னும் என்னுடைய இதயத்தில் உள்ளது.

நான் சிறுவனாக இருந்த போது நாட்டுக்காக விளையாட வேண்டும் என்பதே எனது கனவு. இப்போதும் அதே கனவு தான் உள்ளது. அதை நினைத்தால் நகைச்சுவையாக இருக்கிறது என்றார்.

எனது தனிப்பட்ட சாதனை பயிற்சி மற்றும் ஒருநாள் போட்டியில் அதிக சதம், அதிக ரன்கள் இவையெல்லாம் ஒரு பொருட்டல்ல. உலகக் கோப்பையில் வெற்றிபெற வேண்டும்.

உலகக் கோப்பையில் வெற்றி பெறும் அணி வீரர்களுக்கு வழங்கப்படும் பதக்கத்தை கழுத்தில் அணிய வேண்டும். உலகக் கோப்பையை வென்ற இந்திய அணியில் ஒரு வீரராக இருக்க வேண்டும் என்பதே எனது விருப்பம். அது இப்போது நிறைவேறிவிட்டது.