18 வயசில் பாடிய சிம்பு

by **sadir** Mon 6 Jun 2011 - 18:23

தனது தந்தை டி.ராஜேந்தர் போலவே நடிப்பு, கதை, இயக்கம், பாடல், பாட்டு பாடுதல், நடனம் என்று பல துறைகளில் அசத்தி வருபவர் சிம்பு.
குறிப்பாக பாட்டு பாடுவதில் வல்லவர். மெல்லிசை பாடல்கள் முதல் குத்துப்பாட்டு வரை தன்னுடைய ரம்மியமான குரலில் பாடி அசத்தியிருக்கிறார்.

இப்போது "18 வயசு" படத்தில் ஒரு பாடல் ஒன்று பாடி அசத்தியிருக்கிறார். "ரேனிகுண்டா" படத்தை இயக்கிய அதே குழு மீண்டும் "18 வயசு" என்ற படத்தை இயக்கியுள்ளது. இதில் நாயகனாக "ரேனிகுண்டா" ஜானி நடிக்கிறார், பன்னீர்செல்வம் இயக்குகிறார். புதுமுகம் சார்லஸ் என்பவர் இசையமைத்து இருக்கிறார்.

அடர்ந்த காட்டு பகுதியில் "18 வயசு" ப‌டத்தை இயக்கி உள்ளனர். "ரேனிகுண்டா" படத்தை காட்டிலும், "18 வயசு" படம் ஆக்ஷன் படமாக உருவாக்கி இருக்கின்றனர். சில தினங்களுக்கு முன்னர் தான் இப்படத்தின் ஓடியோ வெளியானது. வ‌ிரைவில் இப்படம் திரைக்கு வர இருக்கிறது. ஏற்கனவே சிம்பு, "ரேனிகுண்டா" படத்திலும் ஒரு பாடல் பாடியிருக்கிறார் என்பது குறிப்பிடத்தக்கதது.