தயாரிப்பாளராக மாறும் ஜீவா

இதுவரை நடிகராக மட்டுமே இருந்து வந்த கோ பட நாயகன் ஜீவா புதிதாக தயாரிப்பாளராகவும் அவதரிக்க இருக்கிறார்.
பிரபல தயாரிப்பாளர் சூப்பர் குட் பிலிம்ஸ் ஆர்.பி.சவுத்ரியின் இரண்டாவது மகன் ஜீவா. ஆசை ஆசையாய் படத்தின் மூலம் ஹீரோவாக அறிமுகமாகி, ராம், ஈ, கற்றது தமிழ் உள்ளிட்ட பல வெற்றி படங்களின் நடித்து பிரபலமாய் தற்போது டாப்-10 நடிகர்கள் வரிசையில் சேர்ந்திருக்கிறார்.

சமீபத்தில் இவரது நடிப்பில் வெளியாகி சக்கபோடு போட்டு கொண்டு இருக்கும் "கோ" படம், இவருக்கு மேலும் பல பாராட்டுகளை பெற்று தந்துள்ளது. இந்நிலையில் இதுவரை நடிப்பில் மட்டுமே கலக்கி வந்த ஜீவா இப்போது தயாரிப்பாளராகவும் களமிறங்க இருக்கிறார்.

இதுகுறித்து ஜீவா கூறியதாவது: கடந்த இரண்டு ஆண்டுகளாகவே படத்தயாரிப்புகளில் ஈடுபடலாம் என திட்டமிட்டு இருந்தேன். ஆனால் அதற்கான வாய்ப்பு அமையவில்லை.

இப்போது தான் அதற்கு நேரம் பிறந்திருக்கிறது என்று நினைக்கிறேன். நானும், எனது அண்ணன் ஜித்தன் ரமேஷூம் சேர்ந்து படத்தயாரிப்புகளில் ஈடுபட இருக்கிறோம். இன்னும் ஓரிரு நாளில் எங்களின் படநிறுவனத்தின் பெயர் உள்ளிட்டவைகளை பதிவு செய்ய இருக்கிறோம்.

எங்களின் இந்த முயற்சிக்கு எங்களது அப்பாவும் ஆதரவு தெரிவித்து இருக்கிறார். தற்போது நான் ரெளத்திரம், நண்பன், வந்தான் வென்றான் உள்ளிட்ட படங்களில் நடித்து வருகிறேன். இப்படங்களை முடித்த பின்னர் தயாரிப்பு வேலைகளில் இறங்க இருக்கிறேன். விரைவில் நல்ல படங்களை தயாரித்து உங்களை சந்திக்கிறேன் என்று கூறினார்.

நடக்குறத்த மட்டும் பார் மாப்பு பறக்க ஆசைப்படாதே உனக்கு நடிப்பு மட்டும் போதும்
என்றும் உன்
நண்பன்.