இறுதி மூச்சு உள்ள வரை நடனம் ஆடுவேன்: சுஷ்மா சுவராஜ்

by **நேசமுடன் ஹாசிம்** Tue 7 Jun 2011 - 19:20

டெல்லியில் ராம்லீலா மைதானத்தில் உண்ணாவிரதம் இருந்த பாபா ராம்தேவ் அங்கு இருந்து போலீசாரால் அகற்றப்பட்டார். இதை எதிர்த்து பாரதீய ஜனதா கட்சி காந்தி சமாதியில் 24 மணி நேர சத்தியாகிரக போராட்டத்தை நடத்தியது. இந்த சத்தியாகிரக போராட்டத்தின் போது தேசபக்தி பாடல்களுக்கு சுஷ்மா சுவராஜ் நடனம் ஆடினார். சுஷ்மா சுவராஜின் நடனத்துக்கு காங்கிரஸ் கட்சி எதிர்ப்பு தெரிவித்தது , இதற்காக அவர் எதிர்க்கட்சி தலைவர் பதவியை ராஜினாமா செய்ய வேண்டும் என்றும் தெரிவித்தது .

இது குறித்து எதிர்க்கட்சி தலைவர் சுஷ்மா சுவராஜ் தெரிவித்துள்ள செய்தியில்

அதில் காங்கிரஸ் கட்சிக்கு கண்டனம் தெரிவிப்பதாகவும் நான் தேசபக்திபாடல்களுக்கு தான் நடனமாடினேன் , எனது இறுதி மூச்சு உள்ளவரை தேசபக்தி பாடல்களை பாடுவேன். நடனமாடுவேன். தேசபக்திபாடல்களுக்கு நடனமாடுவதற்கு யாருடைய அனுமதியும் தேவையில்லை. இது பிடிக்காதவர்கள் மனதில் கோளாறு ஏற்பட்டுள்ளது. முக்கிய பிரச்னைகளை திசை திருப்பவே காங்கிரஸ் கட்சி இந்த பிரச்னையை எழுப்பியுள்ளது. இது குறித்து காங்கிரஸ் கட்சி தலைவர் சோனியா தனது கருத்தை தெரிவிக்க வேண்டும் என கூறினார்.