தலாய் லாமாவுடனான சந்திப்பை ஒபாமா இரத்து செய்ய வேண்டும் : சீனா கோரிக்கை

by **நேசமுடன் ஹாசிம்** Sat 16 Jul 2011 - 17:03

திபெத்தின் ஆன்மீக தலைவர் தலாய் லாமாவை சந்திக்கும் திட்டத்தை, உடனடியாக கைவிட வேண்டுமென அமெரிக்க அதிபர் பாரக் ஒபாமாவுக்கு சீனா அறிவுறுத்தியுள்ளது.

இன்று (சனிக்கிழமை) பாரக் ஒபாமா - தலாய் லாமாவுக்கு இடையிலான சந்திப்பு ஒன்று ஒழுங்கு செய்யப்பட்டிருந்தது.

இதற்கு சீனாவின் வெளியுறவு செயலகம் விடுத்துள்ள கண்டன அறிக்கையில், திபெத்திய தலைவர் தலாய லாமாவை சந்திக்கும் திட்டம் ஒன்றை, பாரக் ஒபாமா கொண்டிருக்கிறார். உடனடியாக இந்த எண்ணத்தை கைவிட வேண்டும். எந்தவொரு நாட்டு அரசினதும் மூத்த அரசியல் தலைவர்களும், தலாய் லாமாவை சந்திப்பதை நாங்கள் வன்மையாக எதிர்க்கிறோம் என தெரிவித்துள்ளது.

இறுதியாக கடந்த 2010 பெப்ரவரியில் பாரக் ஒபாமா, தலாய் லாமாவை சந்தித்த போதும் சீனா கடும் எதிர்ப்பு வெளியிட்டிருந்தது.
எனினும் சீனா தற்போது முன் கூட்டியே விடுத்துள்ள எச்சரிக்கை விடுத்துள்ளதால் அமெரிக்காவுக்கு புதிய நெருக்கடியை ஏற்படுத்தியிருக்கிறது.

தலாய் லாமாவின் பிரதிநிதிகளுக்கும் சீன அரசாங்கத்திற்கும் இடையிலான வேறுபாடுகளை பேச்சுவார்த்தை மூலம் தீர்ப்பதற்கு அமெரிக்கா தொடர்ந்து நீடித்த ஆதரவை வழங்கும் என ஒபாமாவின் வெள்ளை மாளிகை நிர்வாகம் முன்னர் தெரிவித்திருந்தது குறிப்பிடத்தக்கது.