நிதிஷ்குமார் அரசை பாராட்டிய அமிதாப் பச்சனை எனக்கு கொஞ்சம் கூட பிடிக்காது

பாட்னா: ‘‘நடிகர் அமிதாப் பச்சனை எனக்கு கொஞ்சம் கூட பிடிக்காது’’ என்று லாலு பிரசாத் யாதவ் கூறினார்.
பீகார் தொழில்துறை மேம்பாட்டு ஆணையத்தில் நடந்ததாக கூறப்படும் நில முறைகேடு, பர்பிஸ்கஞ்ச் துப்பாக்கிச் சூடு சம்பவங்களை கண்டித்து பாட்னாவில் பீகார் முன்னாள் முதல்வரும், ராஷ்டிரிய ஜனதா தள கட்சி தலைவருமான லாலு பிரசாத் யாதவ் நேற்று போராட்டம் நடத்தினார்.
அப்போது பேட்டி அளித்தபோது, ‘நிதிஷ்குமார் ஆட்சியில் பீகார் வளர்ச்சி அடைந்துள்ளதாக நடிகர் அபிதாப் பச்சன் கூறி இருக்கிறாரே?’ என்று நிருபர்கள் கேட்ட கேள்விக்கு லாலு அளித்த பதில் வருமாறு:
இந்தி திரையுலகில் உள்ள நடிகர்களில் எனக்கு கொஞ்சம் கூட பிடிக்காதவர் அபிதாப் பச்சன். அதனால், நிதிஷ்குமார் அரசை அவர் பாராட்டியதை நான் பெரிதாக நினைக்கவில்லை.
பீகார் வளர்ச்சி நிதிஷ்குமார் காரணமல்ல. அவர் நிதி திரட்டி பீகாரை வளர்ச்சியடையச் செய்யவில்லை. கடந்த 6 ஆண்டில் பீகார் அடைந்துள்ள வளர்ச்சிக்கு மத்திய அரசு தாராளமாக ஒதுக்கிய நிதிதான் காரணம்.
நான் ரயில்வே அமைச்சராக இருந்தபோது, ஸி65 ஆயிரம் கோடி மதிப்பிலான ரயில் திட்டங்களை பீகாருக்காக அறிவித்தேன். அந்த திட்டங்களும் பீகாரின் வளர்ச்சிக்கு காரணம். மற்றபடி, நிதிஷ்குமார் அரசு எதையும் செய்யவில்லை.
இவ்வாறு லாலு கூறினார்.

{)) {))

இவரின் அரசியல் ஊழல் பற்றி தோழர் கலைநிலாக்கு நன்றாகவே தெரிந்திரிக்கனுமே..........

:() :()