நீயும் பழகிவிடு

by **அப்துல்லாஹ்** Sun 7 Aug 2011 - 9:27

பூமியின் சுற்றில் ஒரு சிறிய தடுமாற்றம்
உறவுகளாய் ஆன உடலில் ஒரு அங்கம்
வெட்டப்பட்டநிலையில் குருதியுடன் நான்...

விறகாய் காய்ந்துபோன மனசு
வெட்டையாய் காய்ந்த நிலம் போல
வாடி வதங்கிய என்முன்னில்
எல்லாம் சூனியமாய் தெரிய ...

மணம் முடித்து மாலையும் கழுத்துமாய்
மனை விட்டுப் பிரியும் மகள்
மருட்சியுடன் கண்களில் ஏக்கத்தை
சூடிக்கொண்டு

ஒரு கையில் கணவனையும்
மறு கையில் தனது உடைமைகளை
பற்றிக்கொண்டு ....

இருபது ஆண்டுகளாய் வலம் வந்த வீதி
வளைய வந்த வீடு
வாசம் செய்த தோட்டம்
வளர்த்து வந்த மரம் செடிகள்
வளைந்து நின்ற உறவுகளை
உதறிக்கொண்டு...

மகளின் நினைவுகள் சுழற்காற்றாய்...

பிஞ்சு வயதில் அவள் நடை பழகிய வண்டி
பள்ளியில் பெற்ற மிதிவண்டி
சேர்த்த புளியங்கொட்டைகள் கோலி
ஸ்பரிசம் காயாத பாத்திரங்கள்
அவள் மடியில் தவழ்ந்த பூனைக்குட்டி
அவள் உறங்கிய பாய் தலையணை

இன்று புதிதாய் வெள்ளையடித்த போது
அவளின் இருப்பும் சேர்த்துத் தான்
காயக் காய வெள்ளையானதோ
பின்னர் வெறுமையானதோ...

உறவுகளும் பிணைப்புகளும்
காகிதத்தால் ஆன சங்கிலி என்றால்
விட்டுப் பிரியும் அவர்களின் நினைவுகள்
இரும்புச்சங்கிலியாய் இறுக்கமாய்...

தன்னைக் கருணையுடன் தாய் போல வளர்த்து
தோழியாய் தாதியாய் தன் நிழலாய் நின்ற
தமக்கை இழந்த தம்பி தேம்பிக்கொண்டு

தேற்ற நினைத்து அவனிடத்தில் சொன்னேன்...

புல்லாங்குழலைக் கொடுத்த
மூங்கிலின் முனகலைக் கேட்டிருக்கிறாயா
மலர்களை வழங்கிய வனத்தில்
மருகுதல் கண்டிருக்கின்றாயா
பொன்னைப் புறம் தந்த
மண்ணின் துன்பம் தான் கண்டாயா

மரத்தினைப் பிரிந்து தானே முங்கில்
புல்லாங்குழலாய் புனர்சென்மம் எடுக்கும்
செடியை மறந்த மலர்கள் தானே மாலையைச் சேரும்
மண்ணைவிட்டால்தானே பொன் ஆபரணம் ஆகும்
பாழும் உலகில் இது பழகிய ரணம் தான்...
நீயும் பழகிவிடு

அப்துல்லாஹ்

by **நண்பன்** Sun 7 Aug 2011 - 9:40

அந்தப்பெண் வாழ்வுக்காய் பிரியும் பிரிவென்றாலும்
உறவுகளுக்கு இது ஒரு வலிதான் பிரிவின் துயர்தான்
இந்த வரிகளில் வரும் கருக்கள் மிகவும் பிரமாதம்

மரத்தினைப் பிரிந்து தானே முங்கில்
புல்லாங்குழலாய் புனர்சென்மம் எடுக்கும்
செடியை மறந்த மலர்கள் தானே மாலையைச் சேரும்
மண்ணைவிட்டால்தானே பொன் ஆபரணம் ஆகும்
பாழும் உலகில் இது பழகிய ரணம் தான்...
நீயும் பழகிவிடு

வாழ்த்துக்கள் அப்புதுல்லா வலிகள் நிறைந்த அருமையான வரிகள்
உறவுகளும் பிணைப்புகளும்
காகிதத்தால் ஆன சங்கிலி என்றால்
விட்டுப் பிரியும் அவர்களின் நினைவுகள்
இரும்புச்சங்கிலியாய் இறுக்கமாய்...

by **அப்துல்லாஹ்** Sun 7 Aug 2011 - 9:43

:];: நண்பன்

by **நேசமுடன் ஹாசிம்** Sun 7 Aug 2011 - 9:55

பிரிவு நிதர்சனம் என்ற எடுத்துக்காட்டுகளும் தேற்றும் முறையும் அருமை ஒரு திருப்தியான கதையினை படித்த உணர்விருக்கிறது
கவிதை அருமை கருவோடு வரிகளாய் மேய்ந்து படைத்தமை வலிமை

by **நண்பன்** Sun 7 Aug 2011 - 10:42

@. @.

சாதிக் wrote:பிரிவு நிதர்சனம் என்ற எடுத்துக்காட்டுகளும் தேற்றும் முறையும் அருமை ஒரு திருப்தியான கதையினை படித்த உணர்விருக்கிறது
கவிதை அருமை கருவோடு வரிகளாய் மேய்ந்து படைத்தமை வலிமை

@. @. @. @.

by **jasmin** Sun 7 Aug 2011 - 13:35

அப்துல்லாஹ்வின் கவிதை வரிகள் அற்புதம் பாராட்டுகள்

by **kalainilaa** Sun 7 Aug 2011 - 13:39

படமும் சொல்லும் கவிதை ,
அதை அழகிய வரிகளில்,
நிஜத்தை ,காடும் கவிதை ,உண்மை ,அருமை !
தொடருங்கள் தோழரே .இன்னும் ..............

by **நிலா** Sun 7 Aug 2011 - 13:44

by **அப்துல்லாஹ்** Sun 7 Aug 2011 - 13:59

அன்புள்ளம் கொண்ட அனைத்து உறவுகளுக்கும் என் அன்பும் நன்றியும்... :”@:

by *சம்ஸ் Sun 7 Aug 2011 - 14:15

வலிகள் நிறம்பி வரிகள் நிதர்சன உண்மையை கண்முன்னே காண்பது போல் உங்களின் வரிகளின் மகிமை நாவல் படித்த உணர்வு தோழரே எனக்கு.

உங்களின் வரிகளுக்கு வாழ்த்து சொல்ல என்னிடம் வார்தை இல்லை நன்றி தொடரட்டும் உங்களின் பயணம்

by Sponsored content

நீயும் பழகிவிடு

நீயும் பழகிவிடு

Re: நீயும் பழகிவிடு

Re: நீயும் பழகிவிடு

Re: நீயும் பழகிவிடு

Re: நீயும் பழகிவிடு

Re: நீயும் பழகிவிடு

Re: நீயும் பழகிவிடு

Re: நீயும் பழகிவிடு

Re: நீயும் பழகிவிடு

Re: நீயும் பழகிவிடு

Re: நீயும் பழகிவிடு