கத்ரீனாவிடம் சிக்கிய இம்ரான் கான்

by **முனாஸ் சுலைமான்** Fri 12 Aug 2011 - 14:53

பொலிவூட் நடிகர் இம்ரான் கானை நடிகை கத்ரீனா கைப் ஒன்றல்ல இரண்டல 16 முறை கன்னஙகள் சிவக்க அறைந்துள்ளார்.

ஆனால் இது நடந்தது நிஜத்தில் அல்ல செப்டம்பர் 9 ம் திகதி வெளியாகவுள்ள ஹிந்தி திரைபடமான 'மேரே பிரதர் கி துல்ஹன்' என்ற படத்திற்காகத்தான். இந்த படத்தில் ஆமீர் கான் மருமகன் இம்ரான் கான், கத்ரீனா கைப், பாகிஸ்தானிய நடிகர் அலி ஜாபர் ஆகியோர் நடிக்கின்றனர். இப்படத்திற்காக ஒரு காட்சியில் இம்ரான் கானுக்கு கத்ரீனா கைப் அறைவது போல காட்சி அமைக்கப்பட்டுள்ளது.

இக்காட்சியைப்ப படமாக்குவதற்காக எடுக்கப்பட்ட காட்சிகள் எதிர்பார்த்த திருப்தியை தராததால் மீண்டும் மீண்டும் என 16 டேக்குகள் வரை சென்றுள்ளது. இதில் இம்ரான் கான் கன்னம் சிவக்க சிவக்க அறைவாங்கி நடித்துள்ளாராம்.

மறுநாள் படப்பிடிப்புக்கு வந்த இம்ரானுக்கு அதிர்ச்சி காத்திருந்தது. செட்டில் நுழைந்ததும், நுழையாததுமாய் நேற்று எடுத்த காட்சியில் கத்ரீனாவுக்கு திருப்தி இல்லையாம். அதனால் இன்றும் கன்னதில் அறையும் காட்சி தான் என்று சொல்லியிருக்கின்றனர். பாவம் இம்ரான் என்ன சொல்ல முடியும் அமைதியாக அறை வாங்கினாராம்.

காதல் படங்களுக்குப் புகழ்பெற்ற யாஷ் ராஜ் பிலிம்சின் 'மேரே பிரதர் கி துல்ஹன்' ஒரு முக்கோணக் காதல் கதை. சகோதரனுக்காக பெண் பார்க்கச் சென்றவன் அந்த பெண் மீது காதல் கொள்கிறான். இறுதியில் அந்த பெண் யாருக்கு என்பது தான் கதை.