கலிங்கப்பட்டியில் இன்று நடக்கவிருந்த சாலை மறியல் போராட்டம் வாபஸ்

திருவேங்கடம் : கலிங்கப்பட்டியில் இன்று (14ம் தேதி) நடக்க இருந்த சாலை மறியல் போராட்டம் சமாதான கூட்டத்தின் அடிப்படையில் கைவிடப்பட்டது.சங்கரன்கோவில் தாலுகா கலிங்கப்பட்டி-2 கிராமத்தில் பஞ்.,சிற்குட்பட்ட குடிநீர் குழாய் இணைப்புடன் அனுமதியின்றி குடிநீர் இணைப்பு வைத்துள்ள தனிநபர் மீது நடவடிக்கை எடுக்ககோரி இன்று (14ம் தேதி) சாலை மறியல் செய்ய போலீசாரிடம் பொதுமக்கள் அனுமதி கோரினர். இதுசம்பந்தமாக நேற்று காலை கரிவலம்வந்தநல்லூர் போலீஸ் ஸ்டேஷனில் சங்கரன்கோவில் தாசில்தார் சந்திரசேகரன் தலைமையில் சமாதான கூட்டம் நடந்தது.கூட்டத்தில், கலிங்கப்பட்டி-2 பஞ்.,சிற்குட்பட்ட குடிநீர் குழாய் இணைப்புடன் அனுமதியின்றி எடுத்த குடிநீர் குழாய்கள் துண்டிக்கப்பட்டது என குருவிகுளம் வட்டார வளர்ச்சி அலுவலர் தெரிவித்துள்ளார்.

இனி இதுபோன்ற செயல்கள் தடுக்கப்படும் என தீர்மானிக்கப்பட்டது. இதையடுத்து கலிங்கப்பட்டி கிராமத்தில் இன்று நடக்க இருந்த சாலை மறியல் போராட்டம் கைவிட்டது.கூட்டத்தில் கரிவலம்வந்தநல்லூர் இன்ஸ்பெக்டர் விஜயகுமார், குருவிகுளம் ஊராட்சி ஒன்றிய ஆணையாளர் (கிராம ஊராட்சி) மோகன், திருவேங்கடம் வருவாய் ஆய்வாளர் கனகசபாபதி, கலிங்கப்பட்டி-2 விஏஓ சரவணக்குமார், ஏ.கே. சுப்பாராஜ், சவுந்தரராஜ் மற்றும் பலர் கலந்து கொண்டனர்.



தினமலர்

இதுமாதிரி தினமும் நூறு செய்திகள் வருது ராணி யாது