சோனியாகாந்தியுடன் கருணாநிதி சந்திப்பு: இன்று மாலை கனிமொழியை பார்க்கிறார்

தி.மு.க. தலைவர் கருணாநிதி நேற்று மாலை 6.10 மணிக்கு ஏர்-இந்தியா
விமானம் மூலம் சென்னையில் இருந்து டெல்லி புறப்பட்டுச் சென்றார். அவருடன்
அவரது துணைவியார் ராஜாத்தி அம்மாள், கனிமொழி எம்.பி. யின் மகன் ஆதித்யா,
மத்திய மந்திரி பழனிமாணிக்கம் ஆகியோர் சென்றனர்.

டெல்லி
விமான நிலையத்தில் கருணாநிதியை டி.ஆர்.பாலு மற்றும் எம்.பி.க்கள்
வரவேற்றனர். பிறகு கருணாநிதியும், அவர் குடும்பத்தினரும் லீலா ஓட்டலுக்கு
சென்று தங்கினார்கள். இன்று (சனிக்கிழமை) காலை மத்திய மந்திரிகள்
ப.சிதம்பரம், சல்மான் குர்ஷித் ஆகியோர் லீலா ஓட்டலுக்கு வந்து கருணாநிதியை
சந்தித்தனர். அவர்கள் தற்போதைய அரசியல் நிலவரம் குறித்து பேசியதாகத்
தெரிகிறது.

11 மணியளவில் கருணாநிதி காரில் ஏறி
புறப்பட்டுச் சென்றார். ஜன்பத் சாலையில் உள்ள சோனியா வீட்டுக்கு 11.15
மணியளவில் சென்றடைந்தார். சோனியாகாந்தியுடன் கருணாநிதி நீண்ட நேரம்
பேசினார். சோனியாவிடம் கருணாநிதி உடல்நலம் விசாரித்தார். அமெரிக்க மருத்துவ
மனையில் சோனியாகாந்திக்கு சமீபத்தில் அறுவை சிகிச்சை நடந்தது. அது
தொடர்பான விவரங்களை கருணாநிதி கேட்டறிந்தார்.

பிறகு
கருணாநிதி லீலா ஓட்டலுக்கு திரும்பினார். இன்று மாலை கருணாநிதி டெல்லி
திகார் ஜெயிலுக்கு சென்று கனிமொழியை சந்தித்து பேசுகிறார். அவருடன்
ராஜாத்தி அம்மாளும் செல்கிறார். கனிமொழி மீதான கோர்ட்டு நடவடிக்கைகளை
பொறுத்து கருணாநிதி சென்னை திரும்புவார் என்று கூறப்படுகிறது.

தமிழ் நாட்டு காங்கிரசு தலைமைக்கும் .இளங்கோ வுக்கும் ஆப்பா ?

அன்னை தான் காங்கிரசுல எல்லாம் ...மத்த இளங்கோ கிழங்கோ வெல்லாம் சும்மா சும்பான்கள்...அவன் தொகுதியிலேயே அவனால ஒரு எம்பி யாக்கிக் காட்ட முடியல இவனெல்லாம் சும்மா எப்ப பாத்தாலும் வளவளன்னு கொலச்சிக்கிட்டு... இந்த ஆளு சீகிரமே ரிட்டையர் ஆயிடுவார்...

கூடா நட்பு கேடுதரும் என்று முழங்கிய முரசு நட்பு நாடி நங்கை சோனியாவை சந்தித்து இருக்கிறது ..கனிமொழியின் கைதும் சிறைவாசமும் கழகத்திற்கு விடப்பட்ட ஒரு எச்சரிக்கைதான் .இப்போது ஜெ அம்மையார் கோர்ட்டில் பதில் சொல்லிக்கொண்டு இருக்கிறார் ...