கடாபி, மகனின் உடல்கள் இரகசிய இடத்தில் அடக்கம்

கடாபி, மகனின் உடல்கள் இரகசிய இடத்தில் அடக்கம்


லிபிய முன்னாள் தலைவர் முஅம்மர் கடாபி மற்றும் அவரது மகன் முதஸ்ஸிம் கடாபியின்
உடல்கள் ரகசியமான இடத்தில் நேற்று அடக்கம் செய்யப்பட்டது.
பாலைவனப் பகுதியில் ரகசியமான இடத்தில் கடாபியின் உடல் அடக்கம் செய்யப்பட்டதாக
இடைக்கால அரசு அறிவித்துள்ளது.
சிர்த் நகரில் கடந்த வியாழக்கிழமை இடம்பெற்ற கடைசி கட்ட மோதலின் போது
சுட்டுக்கொல்லப்பட்ட முஅம்மர் கடாபியின் உடல் கடந்த நான்கு நாட்களாக மிஸ்ரட்டாவில்
உள்ள இறைச்சி சேமிக்கும் அறை ஒன்றில் வைக்கப்பட்டிருந்தது.
இந்நிலையில் நேற்று முன்தினம் மாலை அடக்கத்திற்காக கடாபி மற்றும் அவரது மகனின்
உடல்கள் கொண்டு செல்லப்பட்டதாக அங்கு பாதுகாப்பு பணியில் ஈடுபட்டிருந்த
கிளர்ச்சிப்படை வீரர்கள் தெரிவித்தனர். இது குறித்து பாதுகாப்புப் பணியில்
ஈடுபட்டிருந்த கிளர்ச்சிப் படை வீரர் சல்மான் அல் மொஹன்டஸ் கூறும்போது எமது வேலை
முடிந்து விட்டது. கடாபியின் உடல் இராணுவ கெளன்ஸில் அதிகாரிகளினால் கொண்டு
செல்லப்பட்டது.
அவரது உடல் ரகசிய இடத்தில் புதைக்கப்பட்டது. எங்கு அடக்கப்பட்டது என்பது எமக்கு
தெரியாது என்றார்.
இதனிடையே நேற்று அதிகாலை 5 மணி அளவில் கடாபியின் உடல் இஸ்லாமிய முறைப்படி பாலைவனப்
பகுதியில் ரகசியமாக அடக்கப்பட்டதாக இடைக்கால அரசு கூறியுள்ளது. இந்த இறுதிக்
கிரியையில் இஸ்லாமிய மதத் தலைவர் ஒருவரும் கடாபியின் நெருங்கிய உறவினர்கள் சிலரும்
பங்கேற்றதாக கூறப்பட்டுள்ளது.
எதிர்காலத்தில் பார்வை தளமாகவோ அல்லது வழிபாட்டு தளமாகவோ உருவாவதைத் தவிர்க்கவே
அவரது உடல் மறைமுகமான இடத்தில் அடக்கப்பட்டதாக கிளர்ச்சியாளர்கள் குறிப்பிட்டுள்ளனர்.
கடாபியின் மரணம் குறித்து தொடர்ந்தும் சர்ச்சை நீடித்து வருகிறது. அவர்
கிளர்ச்சியாளர்களிடம் பிடிபட்டதன் பின்னரே சுட்டுக்கொல்லப்பட்டது வீடியோ ஆதாரங்களின்
மூலம் தெரியவந்துள்ளது. இந்நிலையில் இது குறித்து விசாரணை நடத்த விசாரணைக்குழு
அமைக்கப்பட்டுள்ளதாக இடைக்கால அரசின் தலைவர் முஸ்தபா அப்தல் ஜலீல்
குறிப்பிட்டுள்ளார்.

இறைவன் அன்னாருக்கு உயர்ந்த சுவர்கக்த்தை அளித்திடட்டும்
இன்ஷா அல்லாஹ் .

இறைவன் அன்னாருக்கு உயர்ந்த சுவர்கக்த்தை அளித்திடட்டும்!
எனது மறுமொழியும் இதே!

இஸ்லாமிய முறைப்படி பாலைவனப்
பகுதியில் ரகசியமாக அடக்கப்பட்டதாக இடைக்கால அரசு கூறியுள்ளது. இந்த இறுதிக்
கிரியையில் இஸ்லாமிய மதத் தலைவர் ஒருவரும் கடாபியின் நெருங்கிய உறவினர்கள் சிலரும்
பங்கேற்றதாக கூறப்பட்டுள்ளது.
எதிர்காலத்தில் பார்வை தளமாகவோ அல்லது வழிபாட்டு தளமாகவோ உருவாவதைத் தவிர்க்கவே
அவரது உடல் மறைமுகமான இடத்தில் அடக்கப்பட்டதாக கிளர்ச்சியாளர்கள் குறிப்பிட்டுள்ளனர்.

என்ன இருந்தாலும் நாட்டை ஆண்ட ஒரு தலைவனை இம்மாதிரி அவர்கள் செய்து இருக்க கூடாது ....அல்லாஹ் கடாபியின் பாவங்களை மன்னித்து விடுவானாக

jasmin wrote:என்ன இருந்தாலும் நாட்டை ஆண்ட ஒரு தலைவனை இம்மாதிரி அவர்கள் செய்து இருக்க கூடாது ....அல்லாஹ் கடாபியின் பாவங்களை மன்னித்து விடுவானாக

ஆமின் .