ஈரான் அணு ஆயுதம் தயாரிக்க பல மாதங்களாக முயற்சி

ஈரான் அணு ஆயுதம் தயாரிக்க பல மாதங்களாக முயற்சி


அணு சக்தி முகவர் அமைப்பு அறிக்கை

ஈரான் அணு குண்டு தயாரிப்பதற்கான முயற்சியில் பல மாதங்களாக ஈடுபட்டு வருவதாக ஐ. நா.
வின் சர்வதேச அணு சக்தி முகவர் நிலையம் குறிப்பிட் டுள்ளது.
எனினும் அரசியல் காரணங்களை நோக்காக கொண்டு இட்டுக்கட்டப்பட்ட தகவல் என ஐ. நா.
அறிக்கைக்கு ஈரான் மறுப்புத் தெரிவித்துள்ளது.
ஈரான் அணு ஆயுதம் தயாரிக்கும் முயற்சியில் ஈடுபட்டிருப்பதாகவும் அதற்கான ஆதாரங்கள்
கிடைக்கப்பெற்றுள்ளதாகவும் ஐ. நா. வின் அணு ஆயுத கண்காணிப்பகம் கடந்த ஒரு சில
தினங்களாக குறிப்பிட்டு வருகிறது. இந் நிலையில் ஐ. நா. வின் சர்வதேச அணு சக்தி
முகவர் நிலையம் இது தொடர்பில் நேற்று புதிய அறிக்கை ஒன்றை வெளியிட்டுள்ளது.
அதில் அணு ஆயுதம் தயாரிப்பதற்கான உபகரணங்கள் அனைத்தும் ஈரானிடம் இருப்பதாகவும், அது
அணு குண்டு தயாரிக்க பல மாதங்களாக முயற்சித்து வருவதாகவும் கூறப்பட்டுள்ளது.
அஹ்மதி திஜாத் அரசு அணு ஆயுத சோதனைக்காக பார்ச்சின் என்ற இடத்தில் ரகசிய ஆய்வு
கூட்டத்தை நிறுவியுள்ளது. இதில் அணு ஆயுத உற்பத்திக்கான நடவடிக்கைகள்
முன்னெடுக்கப்பட்டு வருகின்றன. அணு ஆயுதங்களை தயாரிப்பதற்கு மாத்திரமே
பயன்படுத்தக்கூடிய கணனிகள் மற்றும் தொழில்நுட்பம் ஆகியன ஈரான் வசம் இருப்பதாகவும்
அந்த அறிக்கையில் கூறப்பட்டுள்ளது.
சர்வதேச அணு சக்தி முகவர் நிலையம் வெளியிட்டுள்ள 13 பக்கங்கள் கொண்ட இந்த அறிக்கை
ஈரானுக்கு எதிராக வெளியிடப்பட்ட மிகக் கடுமையான அறிக்கை என கூறப்பட்டுள்ளது.
இதனிடையே அமெரிக்காவின் நோக்கத்துக்கு அமைய இந்த அறிக்கை வெளியிடப்பட்டுள்ளதாக ஈரான்
விமர்சித்துள்ளது. சர்வதேச அணு சக்தி முகவர் நிலையத்தின் ஈரானுக்கான தூதுவர் அலி
அஸ்கார் சுல்தானியா கூறும்போது; “இந்த அறிக்கை அடிப்படை அற்றது. அரசியல் காரணங்களை
கருத்தில் கொண்டு தயாரிக்கப்பட்டது. இதில் கூறப்பட்டுள்ள பல விடயங்கள் அமெரிக்காவின்
குறிக்கோளை நிறைவேற்றுவதாக அமைந்துள்ளன” என குறிப்பிட்டுள்ளார். இந் நிலையில் ஈரான்
தனது அணு திட்டம் குறித்து தெளிவான விளக்கம் அளிக்காத பட்சத்தில் அதன் மீது மேலும்
அழுத்தங்கள் பிரயோகிக்கப்படும் என வெள்ளை மாளிகை எச்சரிக்கை விடுத்துள்ளது.

ஈரானையும் கௌத்திட வலை வீசுகிறார்கள் என்பது மட்டும் உண்மை

நேசமுடன் ஹாசிம் wrote:ஈரானையும் கௌத்திட வலை வீசுகிறார்கள் என்பது மட்டும் உண்மை

அப்படி நடக்காது அது நடந்தால் நிறைய அழிவுகள் ஏற்படும் நாமும் பாதிக்கப்படுவோம் :!#: