மொசுலில் இரு அமெரிக்க இராணுவ வீரர்கள் ஈராக் இராணுவ வீரரினால் சுட்டுக்கொலை

மொசுல் நகரத்தில் பயிற்சியில் ஈடுபட்டுக்கொண்டிருந்த அமெரிக்க இராணுவ வீரர்களின் மீது ஈராக் இராணுவ வீரர் துப்பாக்கிப் பிரயோகம் மேற்கொண்டதனால் இருவர் இறந்ததுடன் மற்றொருவர் படுகாயமடைந்துள்ளார் என அமெரிக்க இராணுவம் தெரிவித் துள்ளது.

பக்தாத்திலிருந்து 390 கி.மீ. தூரத்தில் அமைந்துள்ள தென் மொசுல் நகரத்தில் அல் கஸ்லானியில் அமைந்திருக்கும் அமெரிக்க இராணுவ முகாமிலேயே ஈராக் இராணுவ வீரரினால் இரு அமெரிக்க இராணுவ வீரர்கள் சுட்டுக் கொல்லப்பட்ட சம்பவம் இடம்பெற்றுள்ளது.

சனிக்கிழமை காலை 8.30 மணியளவில் தென் மொசுலில் அல் கஸ்லானியில் அமைந்திருக்கும் அமெரிக்க இராணுவ முகாமில் இரு அமெரிக்க இராணுவ உறுப்பினர்கள் ஈராக் இராணுவ வீரரால் சுட்டுக்கொல்லப்பட்டுள்ளதாக அமெரிக்க இராணுவத் தரப்பு தெரிவித்துள்ளது.

அமெரிக்க இராணுவத் தரப்பு மேலும் கருத்துத் தெரிவிக்கையில் ஈரான் இராணுவ வீரரால் கண்மூடித்தனமான துப்பாக்கிச் சூட்டின் போது மற்றுமொரு இராணுவ வீரர் படுகாயமடைந்துள்ளதாகத் தெரிவித்திருந்தனர்.

ஈராக் இராணுவ வீரர் அமெரிக்க இராணுவ வீரர்கள் மீது கண்மூடித்தனமாக சுட்டு அவர்களைச் சுட்டுக்கொன்றார் என்பது தொடர்பாக எமக்கு இதுவரையும் எதுவிதமான தகவல்களும் கிடைக்கவில்லை என பெடர் குறிப்பிடவிரும்பாத ஈராக்கின் சிரேஷ்ட பொலிஸ் அதிகாரி தெரிவித்திருந்தார்.