30 அமெரிக்க வீரர்கள் பலி: ஹெலிகாப்டரை வீழ்த்திய தலிபான்கள் சுட்டுக்கொலை- அமெரிக்க படை பதிலடி

by **நண்பன்** Thu 11 Aug 2011 - 9:26

வாஷிங்டன், ஆக. 11-

ஆப்கானிஸ்தான் நாட்டில் தலிபான் தீவிரவாதிகளுக்கு எதிரான நடவடிக்கையில் அமெரிக்க ஹெலிகாப்டர் ஒன்று ஈடுபட்டிருந்தது. அந்த ஹெலிகாப்டர் மீது தலிபான் தீவிரவாதிகள் ராக்கெட் குண்டுவீசி தாக்குதல் நடத்தி னார்கள். இதில் ஹெலிகாப் டர் சேதம் அடைந்து தரையில் விழுந்து நொறுங்கியது.

அந்த ஹெலிகாப்டரில் பயணம் செய்த 30 அமெரிக்க வீரர்களும் பலியானார்கள். இவர்களது உடல்கள் அடையாளம் காண முடியாத அளவுக்கு கருகி சிதைந்து போனது. பலியான வீரர்களின் உடல்கள் நேற்று அமெரிக்காவுக்கு கொண்டு வரப்பட்டன.

டெலாவேர் விமான தளத்தில் வைக்கப்பட்டு இருந்த வீரர்களின் உடல்களுக்கு அதிபர் ஒபாமா மரியாதை செலுத்தினார். அமெரிக்க ராணுவ அதிகாரிகளும் வந்து அஞ்சலி செலுத்தினார்கள். ஹெலிகாப்டர் வீழ்த்தப் பட்டதற்கு பதிலடி கொடுக்க கூட்டுப்படையினர் திட்டமிட்டனர்.

வெடிகுண்டுகள் ஏற்றப்பட்ட எப்-16 ரக போர் விமானத்தில் கூட்டுப்படையினர் சென்று தலிபான் தீவிரவாதிகளை தேடும் பணியில் ஈடுபட்டனர்.அப்போது, ஒரு இடத்தில் தலிபான் தீவிரவாதிகள் பதுங்கி இருப்பதை அறிந்த னர். அந்த இடத்தில் வெடி குண்டுகளை வீசி தாக்கினர். இதில் அந்த பகுதியே முழுவ துமாக அழிந்தது. அந்த பகுதியில் பதுங்கி இருந்த தலிபான் தீவிரவாதிகள் அனைவரும் கொல்லப்பட்டனர்.

இவர்களில் அமெரிக்க ஹெலிகாப் டரை வீழ்த்திய தீவிரவாதி களும் அடங்குவார்கள். இந்த தகவலை, ஆப்கானிஸ்தானில் உள்ள அமெரிக்க தலைமையிலான கூட்டுப்படையின் புதிய தலைவர் ஜெனரல் ஜான் ஆலன் வெளியிட்டுள்ளார்.

மாலை மலர்