இனி ஜெய்யுடன் நடிக்க மாட்டேன் – அஞ்சலி அதிரடி

by **நேசமுடன் ஹாசிம்** Tue 22 Nov 2011 - 13:59

அஞ்சலி, எங்கேயும் எப்போதும் படத்தில் ஜெய்யுடன் இணைந்து நடித்தாலும் நடித்தார் எங்கேயும் எப்போதுமே இந்த ஜோடியைப் பற்றிய பேச்சுதான் உலவியது. சும்மா இருந்தாலே ரெக்கை கட்டி பறக்கும் கிசுகிசு இந்த ஜோடிகளையும் விட்டு வைக்கவில்லை. அதற்கு காரணம் இல்லாமலும் இல்லை, இந்த படத்தில் காட்சிக்கு காட்சி அஞ்சலிக்கும் ஜெய்க்கும் உருவான கெமிஸ்ட்ரிதான் இதற்கு காரணம். இது ஒரு கட்டத்தில் திருமணம் என்ற ரீதியில் உலாவர மிரண்டே போய்விட்டார் அஞ்சலி. இதையடுத்து அஞ்சலி, தனக்கும் ஜெய்க்கும் காதல் இல்லை என்றும் விரைவில் திருமணம் என்று வருவதெல்லாம் வதந்தி அதை நம்பாதீர்கள் என்று ரசிகர்களுக்கு வேண்டுகோள் விடுத்துள்ளார். ஐந்து வருடங்களுக்கு மேல் தமிழ் சினிமாவில் கஷ்டப்பட்டு தனக்கென ஒரு இடத்தை உருவாக்கி வைத்திருக்கும் அஞ்சலி, ‘இன்னும் ஏராளமான படங்களில் நடிக்க வேண்டும் என்பதே என்னுடைய ஆசை… இது போன்ற கிசுகிசுக்களை யாரும் நம்பிவிட வேண்டாம்… இது போன்ற வதந்திகளுக்கு முற்றுப்புள்ளி வைக்கும் விதமாக இனிமேல் ஜெய்யுடன் இணைந்து இனிமேல் நடிக்கமாட்டேன்…’ என்று சீரியஸான வேண்டுகோளை ரசிகர்களுக்கு வைத்துள்ளார்.