கள்ளக்காதலியுடன் நண்பர் வீட்டிற்கு சென்றவர் மரணம்

by **நேசமுடன் ஹாசிம்** Thu 8 Dec 2011 - 23:29

கிருஷ்ணகிரி மாவட்டம் காவேரிப்பட்டணம் தேவசமுத்திரம் பகுதியை சேர்ந்தவர் சுந்தரம். இவரது மகன் சுகந்தன் (26). பெயின்டர். இன்னும் திருமணமாகவில்லை. திருவண்ணாமலை சாலையில் உள்ள ஜெகதேவி கிராமத்தை சேர்ந்தவர் நாகேந்திரன். இவரது மனைவி நதியா (26). தேவசமுத்திரத்தில் நாகேந்திரன் சலவைக் கடை வைத்துள்ளார்.
நதியா தனது கணவருக்கு தினமும் சாப்பாடு எடுத்துச் செல்வார். அப்போது சுகந்தனுக்கும், நதியாவுக்கும் பழக்கம் ஏற்பட்டது. நாளடைவில் அது கள்ளக்காதலாக மாறியது. இது வீட்டுக்கு தெரியவரவே, சுகந்தன் நேற்று கள்ளக்காதலி நதியாவை அழைத்துக் கொண்டு கிருஷ்ணகிரி அருகே கார்வேபுரத்தில் உள்ள நண்பர் ரமேஷ் வீட்டுக்கு சென்றார். இரவில் நண்பர் வீட்டில் இருவரும் சாப்பிட்டனர். பின்னர் ரமேசின் நண்பரான ஜெயராமுக்கு சொந்தமான குடிசை வீட்டில் இருவரும் இரவில் தங்கியுள்ளனர். அப்போது கள்ளக்காதலியுடன் சுகந்தன் தன் வீட்டு பிரச்னையை கூறி வேதனைபட்டதாக கூறப்படுகிறது.

இன்று அதிகாலை நதியா எழுந்து பாத்ரூம் சென்றார். பின்னர் திரும்பி வந்து பார்த்தபோது, சுகந்தன் தூக்கில் தொங்கிய நிலையில் சடலமாக கிடந்தார். நதியா அதிர்ச்சியடைந்து கூச்சலிட்டார். இதனால் அங்கு அக்கம்பக்கத்தினர் திரண்டனர். பின்னர் இது குறித்து கிருஷ்ணகிரி போலீசுக்கு தகவல் தெரிவிக்கப்பட்டது. போலீசார் சம்பவ இடத்துக்கு சென்று விசாரித்தனர். சடலத்தை கைப்பற்றி பிரேத பரிசோதனைக்காக கிருஷ்ணகிரி அரசு ஆஸ்பத்திரிக்கு அனுப்பிவைத்தனர். குடும்ப பிரச்னையில் சுகந்தன் தற்கொலை செய்து கொண்டாரா? அல்லது விஷம் வைத்து கொன்று தூக்கில் தொங்க விடப்பட்டரா? போன்ற பல்வேறு கோணங்களில் போலீசார் விசாரிக்கின்றனர். இது குறித்து போலீசார் வழக்குப்பதிந்து நதியாவிடம் தீவிர விசாரணை நடத்தி வருகின்றனர்.