தாய்லாந்து மன்னரை அவமதித்ததற்கு இரண்டரை ஆண்டு சிறை

by *சம்ஸ் Fri 9 Dec 2011 - 10:53

தாய்லாந்து மன்னரின் தடை செய்யப்பட்ட வாழ்க்கை வரலாற்றை இணையதளத்தில் இணைத்த குற்றத்திற்காக அமெரிக்க பிரஜை ஒருவருக்கு தாய்லாந்து நீதிமன்றம் இரண்டரை ஆண்டு சிறைத்தண்டனை விதித்துள்ளது.

அமெரிக்காவின் கொலொரோடோவைச் சேர்ந்த வாகன விற்பனையாளரான ஜோ கோர்டன் என்பவருக்கே சிறைத் தண்டனை விதிக்கப்பட்டது. இவர் அமெரிக்காவில் இருந்த போது தாய்லாந்து மன்னர் புமிபோல் அடுல்யா டெஜ்ஜின் தடை செய்யப்பட்ட வாழ்க்கை வரலாற்றை இணையத்தளத்தில் இணைத்துள்ளார். இந்நிலையில் அவர் தாய்லாந்து வந்தபோது கைது செய்யப்பட்டார். முன்னதாக மன்னரை அவமதித்த குற்றத்திற்காக இவருக்கு 5 ஆண்டு சிறைத்தண்டனை விதிக்கப்பட்டது. எனினும் கோர்டனின் நீதிபதி விடுத்த கோரிக்கையைத் தொடர்ந்து அந்த தண்டனை பாதியாகக் குறைக்கப் பட்டுள்ளது. இந்தத் தீர்ப்புக்கு மனித உரிமை ஆர்வலர்கள் கடும் எதிர்ப்பைத் தெரிவித்துள்ளனர். இதற்கு முன்னர் தாய்லாந்து மாகாராணியை அவமதித்து குறுஞ் செய்தி அனுப்பியதற்காக 61 வயது முதயவருக்கு 20 ஆண்டு சிறைத் தண்டனை விதிக்கப்பட்டது. எனினும் தனக்கு குறுஞ் செய்தியே அனுப்பத் தெரியாது என அந்த முதியவர் குறிப்பிட்டுள்ளார்.