நகைச்சுவைப் படம் 'பத்தாயிரம் கோடி'

நகைச்சுவைப் படம் 'பத்தாயிரம் கோடி'









தமிழ்
சினிமாவில் பல நல்லப் படங்களைக் கொடுத்த தயாரிப்பாளரும் இயக்குநருமான
முக்தா சீனிவாசன், நீண்ட நாட்களுக்குப் பிறகு மீண்டும் திடம்
தயாரிக்கிறார். மாயா கிரியேஷன்ஸ் சார்பில் உருவாகும் இப்படத்திற்கு
'100000000000' (பத்தாயிரம் கோடி) என்று தலைப்பு வைக்கப்பட்டுள்ளது.


தலைப்பை போலவே படத்தின் திரைக்கதையையும் வித்தியாசமாக அமைத்து காட்சிக்கு
காட்சி நகைச்சுவை நெடியை தூக்கலாக சேர்த்து இயக்குகிறார் சீனிவாசன்
சுந்தர். கோடை மழை, எதிர்க்காற்று, சின்ன சின்ன ஆசைகள், கண்களின்
வார்த்தைகள் போன்ற பட்டங்களை முக்தா சுந்தர் என்ற பெயரில் இயக்கியவர் தான்
இந்த சீனிவாசன் சுந்தர்.


தரு என்ற புதுமுகம் ஹீரோவாக நடிக்க,பல்ஜித்கவுர், ஷீத்தல் ஆகிய இருவரும்
ஹீரோயின்களாக நடிக்கிறார்கள். இவர்களுடன் விவேக் முக்கிய வேடத்தில்
நடிக்கிறார். மேலும் செல் முருகன், அல்வா வாசு, தியாகு, கோகுல் மற்றும் பல
காமெடி நடிகர்கள், நடிகைகள் நடிக்கிறார்கள்.


படத்தைப் பற்றி கூறிய இயக்குநர் சீனிவாசன் சுந்தர், "இன்று பணம் கொழிக்கும்
நல்ல தொழில் என்று அனைவராலும் கை காட்டப்படுவது அரசியல் தான். அப்படி
அரசியலில் நுழைந்து, தரகராகி கமிஷனாக சம்பாதித்த தொகையான 100000000000
(பத்தாயிரம் கோடி) பணத்தை ரகசிய இடத்தில் பதுக்கி வைத்திருக்கிறார் ஒரு
முக்கியப் பெண்மணி. அதைக் கொள்ளையடிக்க நால்வர் குழு ஒன்று திட்டம்
போடுகிறது. அவர்கள் பணத்தை கொள்ளையடித்தார்களா? இல்லையா? என்பதை
நகைச்சுவையாக சொல்லப்போகிறேன். நகைச்சுவை காட்சிகளுடன் கலக்கலான கிராபிக்ஸ்
காட்சிகளும் இப்படத்தில் இடம்பெறுவது இப்படத்தின் மற்றொரு சிறப்பு."
என்றார்.


இப்படத்தின் துவக்க விழா மற்றும் படப்பிடிப்பு சமீபத்தில் புதுச்சேரியில்
நடைபெற்றது. இதில் புதுச்சேரி முதல்வர் ரங்கசாமி கலந்துகொண்டு படப்பிடிப்பை
துவக்கி வைத்தார்.

படம் தலைப்பு இன்றைய அரசியலுக்கு ஏற்றதுதான்