முல்லைப் பெரியாறு விவகாரத்தில் மக்கள் போராட்டம் தீவிரம்

முல்லைப் பெரியாறு அணை விவ காரத்தில் கேரள அரசை கண்டித்தும், கேரளாவில் தமிழர்கள் தாக்கப்படுவதற்கு கண்டனம் தெரிவித்தும் மக்கள் போராட்டம் முற்றுகிறது.

தேனி மாவட்டத்தில் 14 வது நாளாக நேற்று போராட்டம் தொடர்ந்தது. கேரள எல்லையை நோக்கி 75 ஆயிரம் பேர் பங்கேற்ற பேரணியை கம்பம், கூட லூரில் பொலிஸார் தடுத்து நிறுத்தினர். இதனால் தள்ளுமுள்ளு ஏற்பட்டது. பதற் றம் நிலவுதால் 3 ஆயிரத்திற்கும் அதிகமான பொலிஸார் குவிக்கப்பட்டுள்ளனர்.

முல்லைப் பெரியாறு அணை விவகாரத் தில் உச்ச நீதிமன்ற உத்தரவை பின்பற்றாதது, அப்பாவி தமிழர்களை அடித்து விரட்டியடிப் பது, சபரிமலைக்கு செல்லும் ஐயப்ப பக்தர்களின் வாகனங்களை தாக்குவது அடிப்பது ஆகியவை தொடர்பாக கேரள அரசை கண்டித்து தேனி மாவட்டத்தில் 14வது நாளாக நேற்று முன்தினம் போராட்டம் நடந்தது.

கூடலூரில் அனைத்து சமுதாய மக்கள் 60 ஆயிரத்திற்கும் அதிகமானோர் பங்கேற்ற பிரமாண்ட பேரணி நடந்தது. பழைய பஸ் ஸ்டாண்ட் அருகே துவங்கிய இந்த பேரணி கேரள எல்லையை நோக்கி சென்றது.

தேவாரம் அருகே பண்ணைப்புரம், கோம்பை, மலிகாபுரம் உள்ளிட்ட கிராம மக்கள் 15 ஆயிரம் பேர் குமுளி நோக்கி பேரணியாக புறப்பட்டனர். அவர்களை கம்பத்தில் பொலிஸார் தடுப்புகள் அமை த்து மறித்தனர். மீறி செல்ல முயன்றதால், தள்ளுமுள்ளு ஏற்பட்டது.

பஸ்கள் நிறுத் தம் போராட்டங்களால் தேனி மாவட்டத்தி லிருந்து குமுளி வழியாக கேரளாவிற்கு கடந்த 14 நாட்களாக பஸ் உள்ளிட்ட வாகன போக்குவரத்து முற்றிலும் நிறுத்தப்பட்டது. உத்தமபாளையம் அருகே ராயப்பன் பட்டி யில் நுகர்வோர் அமைப்பினர் உண்ணா விரதம் இருந்தனர். கேரளாவில் இருந்து தாக்குதலுக்கு பயந்து மலைப் பகுதி வழியாக தப்பி வரும் தமிழர்களை பாதுகாப்பாக அழைத்து வரும் பணியில் ஈடுபட்டுள்ளனர்.

சத்தியமங்கலத்தில் இருந்து வந்துள்ள இவர்கள் நேற்று முன்தினம் தேவாரம் அருகே சதுரங்கப்பாறை மலைப் பகுதி வழியாக வந்த மக்களை பாதுகாப்பாக அழைத்து வந்தனர். விரதம் முடித்த பக்தர்கள், தேனி, திண்டுக்கல் பகுதியை சேர்ந்த ஐயப்ப பக்தர்கள் ஆயிரக்கணக்கானோர் சபரிமலை செல்ல முடியாததால் கூடலூர் அருகே உள்ள தம்மணம்பட்டி அடிவார ஐயப்பன் கோயிலில் நேற்று முன்தினம் தங்கள் விரதத்தை முடித்தனர்.

கேரளாவுக்கு செல்லும் 13 சாலைகளில் வரும் நாளை முற்றுகை போராட்டம் நடைபெறும் என்று அரசியல் கட்சிகள் பல்வேறு அமைப்புகள் அறிவித்துள்ளன. இந்த போராட்டத்தில் பொதுமக்கள் அதிக அளவில் பங்கேற்க தயாராகி வருகின்றனர்.

எப்பத்தான் முடியும் இந்த பிரச்சனை .....மத்திய அரசு இப்படி மனுனம் காக்க கூடாது