மத்திய அமைச்சராக அஜித் சிங் பதவியேற்பு விமான போக்குவரத்து துறை ஒதுக்கப்பட்டது

by *சம்ஸ் Tue 20 Dec 2011 - 6:26

உத்தர பிரதேசத்தை சேர்ந்த ராஷ்டிரிய லோக்தளம் கட்சியின் தலைவர் அஜித் சிங் நேற்று முன்தினம் காலை மத்திய மந்திரியாக பதவியேற்றார். அவருக்கு சிவில் விமான போக்குவரத்து துறை ஒதுக்கப்பட்டது.

உத்தரபிரதேசத்தில் அடுத்த ஆண்டு ஏப்ரல் மாதம் சட்டசபை தேர்தல் நடை பெற உள்ளது. அங்கு வலுவற்ற நிலையில் இருக்கும் காங்கிரஸ் கட்சியை வலுப்படுத்த ராகுல் காந்தி முயற்சி செய்து வருகிறார். அதன் ஒரு அங்கமாக, உத்தர பிரதேசத்தின் மேற்கு பகுதியில் கணிசமான செல்வாக் குடன் உள்ள ராஷ்டிரிய லோக்தளம் கட்சியை காங்கிரஸ் கூட்டணிக்குள் கொண்டு வந்தார்.

அந்த கட்சியின் 5 எம்.பி க்களும் பிரதமர் மன்மோகன் சிங்கை கடந்த வாரம் சந் தித்து காங்கிரஸ் கூட்டணி யில் சேர்ந்தனர். 2009ம் ஆண்டு இரண்டாவது முறையாக காங்கிரஸ் ஆட்சியை பிடித்த பிறகு, அந்த கூட்டணியில் சேரும் முதல் கட்சி இதுவா கும். இதனால், பாராளுமன் றத்தில் காங்கிரஸ் கூட்டணி யின் பலம் 277 ஆக உயர்ந்தது. இதைத் தொடர்ந்து, கட்சியின் தலைவர் அஜித் சிங்குக்கு மத்திய மந்திரி பதவி தர காங்கிரஸ் முடிவு செய்தது.

அதன்படி, அஜித் சிங் நேற்று முன்தினம் மத்திய மந்திரியாக பதவியேற்றார். ஜனாதி பதி மாளிகையில் உள்ள அசோகா அரங் கில் நடந்த விழாவில் அஜித் சிங்குக்கு ஜனாதிபதி பிரதீபா பட்டீல் பதவி பிர மாணம் செய்து வைத்தார். இதனால், மத்திய அமைச்சர் சபையில் அமைச்சரவை அமைச்சர்கள் எண்ணிக்கை 33 ஆனது, மொத்த அமைச்சர்களின் எண்ணிக்கை 77 ஆக உயர்ந்தது. மத்திய அமைச்சரவை அமைச்சராக அஜித் சிங்குக்கு சிவில் விமான போக்குவரத்து துறை ஒதுக்கப்பட்டுள்ளது.

பதவியேற்பு விழாவில் துணை ஜனாதி பதி ஹமீது அன்சாரி, சோனியா, ராகுல் காந்தி, மத்திய அமைச்சர்கள், காங்கிரஸ் தலைவர்கள், அஜித் சிங்கின் மகனும் எம்.பி.யுமான ஜெயந்த் சவுத்திரி உள்ளிட் டோர் கலந்து கொண்டனர். அஜித் சிங் மத்திய அமைச்சராக பதவி ஏற்றதை தொடர்ந்து, அவருடைய கட்சித் தொண்டர் கள் பட்டாசுகளை வெடித்தும் இனிப்புகளை வழங்கியும் கொண்டாடினார்கள்.

இந்தியாவின் முன்னாள் பிரதமர் சரண் சிங்கின் புதல்வாரான அஜித் சிங்குக்கு வயது 72. ஏற்கனவே, நரசிம்மராவ் பிரதம ராக இருந்தபோது காங்கிரஸ் அரசில் மத்திய உணவுத் துறை மந்திரியாக இருந் துள்ளார். இதுபோல், முன்னாள் பிரதமர் வி.பி.சிங். தலைமையிலான எதிர்க்கட்சிகள் கூட்டணி அரசிலும், வாஜ்பாய் தலைமை யிலான பா. ஜனதா அரசிலும் மத்திய மந்திரியாக இருந்துள்ளார்.

இதுபோல, உத்தரபிரதேசத்திலும் பிர தான கட்சிகளான பா.ஜனதா, சமாஜ்வாடி, பகுஜன் சமாஜ் ஆகிய கட்சிகளுடன் முன்பு கூட்டணி வைத்துள்ளார்.

கடந்த 2009ம் ஆண்டு பாராளு மன்ற தேர்தலில் கூட பா. ஜனதா கூட்டணியில் தான் இருந்தார்.