சைப் அல் இஸ்லாம் தொடர்பில் விளக்கமில்லை

ஐ. சி. சி. தகவல்
கிளர்ச்சியாளர்களிடம் கைதான லிபிய முன்னாள் தலைவர் முஅம்மர் கடாபியின் மகன் சைப் அல் இஸ்லாமின் உடல் நிலை மற்றும் ஏனைய தகவல்கள் குறித்த விபரங்களை கோரிய போதும் அதற்கு லிபிய இடைக்கால அரசு விளக்கம் அளிக்கவில்லை என சர்வதேச குற்றவியல் நீதிமன்றம் (ஐ. சி. சி) குறிப்பிட்டுள்ளது.

சர்வதேச குற்றவியல் நீதிமன்றத்தினால் பிடியாணை பிறப்பிக்கப்பட்ட சைப் அல் இஸ்லாம் கடந்த நவம்பர் மாதம் கிளர்ச்சியாளர்களால் கைது செய்யப்பட்டார். அவர் தொடர்பான வழக்கு விசாரணை குறித்து ஐ. சி. சி. தொடர்ந்து ஆலோசித்து வருகிறது.

இந்நிலையில் சைப் அல் இஸ்லாமின் உடல் நிலை குறித்து லிபிய இடைக்கால் அரசிடம் கோரப்பட்டபோதும் அதற்கு இன்னும் பதில் கிடைக்கவில்லை என ஐ. சி. சி. கூறியுள்ளது. இந்நிலையில் இது குறித்து ஐ. நா. பாதுகாப்புச்சபையிடம் ஆலோசிக்க வுள்ளதாக ஐ. சி. சி. கூறியுள்ளது.

எனினும் மனித உரிமை கண்காணிப்பகம் கடந்த மாதம் சைப் அல் இஸ்லாமை சந்தித்து பேச்சுவார்த்தை நடத்திய போது தனக்கு மருத்துவ உதவிகள் வழங்கப்படுவதாக சைப் அல் இஸ்லாம் கூறியிருந்தமை குறிப்பிடத்தக்கது.

அடியோடி அழித்து விட்டார்கள் பாவிகள் {)) {))