மியான்மரில் தொடரும் முஸ்லிம்களுக்கு எதிரான கலவரம்

சிட் குவின், மார்ச் 30-

உலகிலேயே புத்த மதத்தைப் பின்பற்றும் நாடுகளில் குறிப்பிடத்தக்கது மியான்மர் ஆகும். ஆயினும், அந்நாட்டின் 60 மில்லியன் மக்கள்தொகையில் 5 சதவிகிதத்தினர் முஸ்லிம் மக்களாவர். முக்கிய நகரங்களான யாங்கூன், மாண்டலே தவிர நாட்டின் பல இடங்களிலும் முஸ்லிம் இன மக்கள் பெருவாரியான அளவில் வசித்து வருகின்றனர்.

கடந்த 20ஆம் தேதியன்று, மேக்திலா என்ற இடத்தில், புத்தமத விற்பனையாளர்களுக்கும், முஸ்லிம் வியாபாரி ஒருவருக்கும் ஏற்பட்ட தகராறு, இனக்கலவரமாக மாறி, 42 பேரின் சாவுக்கும் காரணமாக அமைந்தது. இது மேலும் 10 நகரங்களுக்கு மேல் பரவியது.

969 இயக்கம் என்று புத்தரின் கோட்பாடுகளைக் குறிக்கும் எண்களைத் தங்கள் இயக்கத்திற்கு வைத்துக்கொண்ட புத்த மதத்தினர், அதனை முஸ்லிம் மக்களுக்கு எதிரான தீவிரவாத செயல்களுக்குப் பயன்படுத்துகின்றனர். மேலும் , முஸ்லிம்களின் வீடுகள், கடைகள் மற்றும் மசூதிகள் அடித்து நொறுக்கப்பட்டுள்ளன. அவர்கள் நண்பர்கள் மற்றும் உறவினர் வீடுகளிலோ, அல்லது அகதிகள் முகாம்களிலோ தஞ்சம் புகுந்துள்ளனர்.

நேற்று, வர்த்தகத் தலைநகரமான யான்கூனுக்கு மிக அருகில் இருக்கும் சிட் குவின் பகுதியில் உள்ள முஸ்லிம்களுக்கு எதிராகத் தாக்குதல் தொடர்ந்தது. அங்கிருந்த நூற்றுக்கும் மேற்பட்ட முஸ்லிம் மக்கள், வெளியேறியுள்ளனர்.

அரை நூற்றாண்டுக்கும் மேலாக நடந்துவந்த ராணுவ ஆட்சி முடிவுக்கு வந்து, கடந்த 2011ஆம் ஆண்டு பதவிக்கு வந்த சீர்திருத்தவாத அரசுக்கு, இந்த இனப்பிரச்சினைகளை அடக்குவது என்பது ஒரு சவாலாகவே இருக்கின்றது.

இறைவா எங்கள் இன மக்களை இந்த கொடியவர்களிடம் இருந்து பாதுகாப்பாயாக

யா அல்லாஹ்...
எங்கள் சகோதர, சகோதரிகளுக்கு பொறுமையை கொடுப்பாயாக...
யா அல்லாஹ்...
எங்கள் சகோதர, சகோதரிகளை பாதுகாப்பாயாக...
யா அல்லாஹ்...
எங்கள் சகோதர, சகோதரிகளுக்கு மனவலிமையை கொடுப்பாயாக...
யா அல்லாஹ்...
எங்கள் சகோதர, சகோதரிகளை அழிக்க துடிக்கும் இந்த காபிர்களுக்கு எதிராக நீ உதவி செய்வாயாக...
யா அல்லாஹ் நாங்கள் எல்லோரும் உன் மீதே முழு நம்பிக்கை வைத்துள்ளோம்...
யா அல்லாஹ் நீ மட்டுமே எங்கள் பாதுகாவலன்....
யா அல்லாஹ் நீதான் பாதுகப்பவரில் எல்லாம் சிறந்த பாதுகாவலன்...

யா அல்லாஹ் எங்கள் அனைவரையும் பாதுகாப்பாயாக