சுகப்பிரசவம் எப்படி?

வலி அதிகம் என்றாலும் சுகப்பிரசவத்தையே பெரும்பாலான கர்ப்பிணிகள் விரும்புவார்கள். இதற்குக் காரணம் சுகப்பிரசவம் என்றால் இரண்டு நாட்களில் எழுந்து நடமாடலாம் என்பதே. சிசேரியன் என்றால் பத்துநாள் படுக்கை வாசம். ஆறு மாதத்திற்கு பருமனான பொருட்களை தூக்கக் கூடாது என்று படுத்தி எடுத்துவிடுவார்கள்.

சுகப்பிரசவம் வேண்டும் என்று விரும்பும் கர்ப்பிணிகள் பின்பற்ற வேண்டிய விஷயம் இது. தினமும் காலையிலும் மாலையிலும் நடக்கவும். இவ்வாறு செய்வதால் உடல் சீரான நிலையோடு, நெகிழும் தன்மையுடன் அமையும். இது சுகப்பிரசவத்துக்கு முதல் அஸ்திவாரம். ஏழு மாதத்திற்கு பிறகு நீண்ட நேரம் நிற்பதை தவிர்க்கவும்.

தினமும் அதிக அளவு தண்ணீர் குடிக்கவும். இது கருப்பையில் நீரை தக்கவைக்க உறுதுணையாய் அமையும். அன்னாசி, பப்பாளி, மாம்பழத்தில் `ப்ரோ-மிலெய்ன்' என்சைம் அதிகம் உண்டு.இது கருப்பை வாயில் ஏற்படும் பாதிப்பை நீக்கும். கர்ப்பிணி-குழந்தையின் உடம்பில் ரத்தஅணுக்களை சீராக வைத்திருக்க, மாதுளைபழம் உதவும்.

இதுதவிர பிறக்கும் குழந்தை சிவப்பாகவும், அழகாகவும் இருக்கும். ஏழு மாதத்திற்கு பிறகு பாலில் சில பூண்டுகளை போட்டு கொதிக்க வைத்து குடிக்கவும். வயிற்றுவலி குறையும். தினமும் உறங்கும் முன்பாக அடிவயிற்றில் விளக்கெண்ணைய் தடவி, இளஞ்சூடான நீரில் குளித்தால், சருமம் தளர்ச்சிபெறும்.

இத்துடன் கூடவே மனஅழுத்தம்-உடல்சோர்வுகள் நீங்கும். தினசரி ஒரு டம்ளர் தண்ணீரில் சீரகம், பனங்கற்கண்டு போட்டு காய்ச்சி ஆறவைத்து கசாயமாக குடிக்கலாம். பிரசவ வலி வருகிறதா? ஒரு ஸ்பூன் தேன் ஊற்றி அதில் சீரகத்தூள் கலந்து சாப்பிடவும்.

பிரசவம் எளிதாகும். வெந்தையம் கால் ஸ்பூன், அரிசி அரை ஸ்பூன், வெள்ளைபூண்டு 5 பல் போட்டு, குழைய வேகவைத்து களி செய்து சாப்பிடலாம். இது சூட்டு வலியை தடுத்து நிறுத்தும்.