பழனி கோவிலில் ரோப்கார் பழுது: பேராசிரியர் குழு ஆய்வு

பழனி, ஜூன்.11-

திண்டுக்கல் மாவட்டம் பழனி முருகன் கோவிலில் பக்தர்கள் மலைக்கோவிலுக்கு செல்வதற்காக வின்ச் மற்றும் ரோப்கார் இயக்கப்படுகிறது.

கடந்த வாரம் ரோப்கார் மேல்தளத்தில் உள்ள ஷாப்ட் உடைந்ததால் நடுவழியில் பக்தர்களுடன் நின்றது. இதில் அந்தரத்தில் தொங்கிய ரோப்கார் பெட்டியில் தவித்த 23 பக்தர்கள் 3 மணி நேர போராட்டத்திற்கு பின்பு மீட்கப்பட்டனர். அன்று முதல் ரோப்கார் இயக்கம் நிறுத்தப்பட்டது.

தற்போது அந்தரத்தில் நிற்கும் ரோப்கார் பெட்டிகளை கீழே இறக்கும் பணியில் கோவில் ஊழியர்கள் ஈடுபட்டுள்ளனர். பழனி கோவிலில் ரோப்கார் வசதி ஏற்படுத்திய கொல்கத்தாவை சேர்ந்த ரோப்கார் ரிசர்ட்ஸ் நிறுவனத்தின் சார்பில் கோவையில் உள்ள தனியார் பொறியியல் கல்லூரி இயந்திரவியல் துறை பேராசிரியர்கள் ஸ்ரீதரன், பாலச்சந்தர், கோபால கிருஷ்ணன் ஆகியோர் அடங்கிய குழுவினர் நேற்று பார்வையிட்டு ஆய்வு செய்தனர்.

கீழ்தளம் மற்றும் மேல்தளத்தில் ஆய்வு செய்த இக்குழுவினர் உடைந்த ஷாப்ட்டின் பாகத்தை கோவிலில் உள்ள ஆய்வகத்திற்கு சோதனைக்கு அனுப்பி வைக்குமாறு கோவில் ஊழியர்களிடம் கூறினர்.

மேலும் ஆய்வுக்குழுவினர் கூறும்போது, ரோப்காரில் பழுதான ஷாப்ட் பாகங்களை ஆய்வு செய்ய உள்ளோம். எந்த வகையான மெக்கானிசம் உள்ளது. திடீரென பழுதாக காரணம் என்ன என ஆய்வு செய்ய உள்ளோம். அதன்பின் எங்கள் அறிக்கை கொல்கத்தா நிறுவனத்திடம் சமர்பிக்கப்படும் என்று கூறினர்.

எப்படியோ விரைவில் சரி ஆனால் பக்தர்களுக்கு வசதியாக இருக்கும்