'குஷ்புக்கு மரியாதை: எங்களுக்கு இல்லை'

தி.மு.க., விவசாய அணிச் செயலரும், ராஜ்யசபா எம்.பி.,யுமான கே.பி. ராமலிங்கம், கட்சி விரோத நடவடிக்கைகளில் ஈடுபட்டதாக, இரு நாட்களுக்கு முன், 'சஸ்பெண்ட்' செய்யப்பட்டார்.

இந்நிலையில், அவர் 'தினமலர்' நாளிதழுக்கு அளித்த சிறப்பு பேட்டியில் கூறியிருப்பதாவது: லோக்சபா தேர்தலில் எனக்கு எந்த பொறுப்பும் கொடுக்கவில்லை; பணியாற்ற அழைப்பும் இல்லை. ஆனால், நான் தேர்தல் தோல்விக்கு காரணமாகி விட்டேனாம். கட்சிக்காக உழைத்தவர்கள் எல்லாம் ஓரங்கட்டப்படுகின்றனர். அந்த வகையில் குஷ்பூவும் ஓரங்கட்டப்பட்டதால், விலகிக் கொண்டு விட்டனர். எங்களை நீக்கி இருக்கின்றனர். ஆனால், குஷ்பு கட்சியில் இருந்து விலகிய போது, சில முன்னணி தலைவர்கள், அவரை சமாதானப்படுத்தும் முயற்சியில் ஈடுபட்டிருக்கின்றனர். ஆனால், அவரைவிட நாங்கள் மோசமாக நடத்தப்பட்டிருக்கிறோம். தி.மு.க., வேட்பாளர்கள் தேர்வில் நடந்த கூத்துக்களால்தான், கட்சி தோல்விடைந்தது என்பது ஊருக்கே தெரியும். அதனால்தான், வேட்பாளர்கள் மீது எந்த நடவடிக்கையும் இல்லை. வேட்பாளர்களை தேர்வு செய்தவர்கள்தான், இதற்கு பொறுப்பேற்க வேண்டும். கட்சி வேட்பாளர்கள் குறித்து சொல்ல வேண்டும் என்றால், நாமக்கல் லோக்சபா தொகுதியில், தி.மு.க., 4.25 லட்சம் ஓட்டுகளை இழந்துள்ளது. வேட்பாளராக களம் இறக்கப்பட்ட காந்திச் செல்வன், அவர் வசிக்கும் வார்டிலேயே, மூன்றாவது இடத்திற்கு தள்ளப்பட்டுள்ளார். இவ்வாறு, அவர் கூறினார்.

- நமது சிறப்பு நிருபர் -

_*  _*

தொடரட்டும் செய்திகள்