அழகு கலையகத்தில் காலாவதியான கிறீம், பவுடர், உபகரணங்கள் மீட்பு

by **நண்பன்** Fri 5 Sep 2014 - 12:15

அழகு கலையகத்தில் காலாவதியான கிறீம், பவுடர், உபகரணங்கள் மீட்பு
* ரூபா பத்து இலட்சம் பெறுமதி
* 30 நிலையங்களுக்கு எதிராக நடவடிக்கை
கொழும்பு, இசிபதன பகுதியில் அமைந்துள்ள பிரபல அழகுக் கலை நிலையமொன்றில் மேற்கொள்ளப்பட்ட சுற்றிவளைப்பு தேடுதலில் 10 இலட்சம் ரூபா பெறுமதியான காலாவதியான அழகுக் கலை பூச்சுக்கள் மற்றும் உபகரணங்கள் என்பன மீட்கப்பட்டதாக கூட்டுறவு உள்நாட்டு வர்த்தக அமைச்சு தெரிவித்தது.

அமெரிக்கா, இத்தாலி போன்ற நாடுகளில் இருந்து இறக்குமதி செய்யப்பட்ட மேற்படி கிaம் வகைகள் அதிக விலையானவை எனவும் அவற்றில் சில விற்பனைக்காக தயார் நிலையில் வைக்கப்பட்டிருந்ததாகவும் நுகர்வோர் பாதுகாப்பு அதிகார சபை தெரிவித்தது. இவற்றில் சில கிaம் வகைகளின் லேபல்கள் அகற்றப்பட்டுள்ளதோடு, சிலவற்றில் காலாவதி திகதி மாற்றப்பட்டி ருந்ததாக சுற்றிவளைப்பு அதிகாரி ஜசூர் தெரிவித்தார்.

கடந்த காலங்களில் அழகுக் கலை நிலையங்கள் தொடர்பாக அதிகளவில் முறைப்பாடுகள் கிடைத்திருந்தன. அமைச்சர் ஜோன்ஸ்டன் பெர்னாண்டோவின் ஆலோசனைக்கமைய கடந்த ஒரு மாத காலத்தில் 110 அழகுக் கலை நிலையங்கள் பரிசோதிக்கப்பட்டுள்ளன. இதில் நுகர்வோர் சட்டத்தை மீறும் வகையில் செயற்பட்ட 30 அழகுக்கலை நிலையங்க ளுக்கு எதிராக சட்ட நடவடிக்கை எடுக்க இருப்பதாக நுகர்வோர் பாதுகாப்பு அதிகார சபை தெரிவித்தது.

நுகர்வோரை ஏமாற்றும் வகையில் பாவனையாளர்களுக்கு தரமற்ற, பாவனைக்குதவாத பொருட்களை விற்பனை செய்யும் இடங்களையும் நபர்களையும் பிடிப்பதற்கு நாடு பூராவும் தொடர்ந்து சுற்றிவளைப்புகளை முன்னெடுக்குமாறும், அவ்வாறான வியாபாரிகளுக்கு எதிராக தராதரம் பாராது நடவடிக்கை எடுக்குமாறும் நுகர்வோர் பாதுகாப்பு அதிகார சபை தலைவருக்கு அமைச்சர் ஜோன்ஸ்டன் பெர்னாந்து உத்தரவிட்டுள்ளார்.

தினகரன்