கொஸ்லந்தை மீட்பு பணிகள் நேற்றும் தீவிரம்: 25 அடி ஆழத்திலிருந்து ஆணின் சடலம் மீட்பு

கொஸ்லந்தை மீட்பு பணிகள் நேற்றும் தீவிரம்:

25 அடி ஆழத்திலிருந்து ஆணின் சடலம் மீட்பு

லயன் குடியிருப்புக்குச் செல்லும் பாதையும் நேற்று கண்டுபிடிப்பு


பாரிய மண்சரிவு இடம்பெற்றுள்ள கொஸ்லந்த மீரியபெத்த பிரதேசத்தில் ஐந்தாவது நாளாக நேற்றும் மீட்புப் பணிகள் முன்னெடுக்கப்பட்டன.


இதன்போது ஆணொருவரின் சடலம் கிடைக்கப்பெற்றதாக இராணுவப் பேச்சாளர் பிரிகேடியர் ஜயநாத் ஜயவீர தெரிவித்தார்.
இத்துடன் மீரியபெத்த பிரதேசத்திலிருந்து மீட்கப்பட்ட சடலங்களின் எண்ணிக்கை 06 ஆக அதிகரித்துள்ளது.
சுமார் 25 முதல் 30 அடி ஆழத்திலிருந்தே இந்த சடலம் தோண்டி எடுக்கப்பட்டதாக இராணுவத்தினர் தெரிவித்தனர். கண்டுபிடிக்கப்பட்டுள்ள சடலத்தை அடையாளம் காண்பதற்கான பணிகள் தற்போது முன்னெடுக்கப்பட்டுள்ளன.
இதேவேளை மண்ணிற்குள் புதையுண்ட லயன் குடியிருப்புக்குச் செல்வதற்கான பாதை நேற்றைய தினமே கண்டறியப்பட்டதாகவும் இராணுவப் பேச்சாளர் கூறினார்.
அப்பகுதி முழுவதும் தொடர்ந்து சேறாக காணப்படுவதனால் மீட்பு பணிகளை முன்னெடுப்பதில் சிக்கல்கள் தோன்றி யுள்ளன. எனினும் சுமார் 800 முப்படையினர் மோப்ப நாய்கள் மற்றும் கனரக இயந்திரங்களின் உதவியுடன் தொடர்ந்தும் மீட்புப் பணிகளை முன்னெடுத்து வரு கின்றனர்.
நேற்று முன்தினம் பெண் ஒருவரின் சடலமொன்று மீட்கப்பட்டுள்ளது. அத்துடன் பெருமளவிலான கால் நடைகளின் சடலங்கள் கண்டெடுக்கப் பட்டதுடன், தங்க நகைகளின் ஆபரணத் தொகுதியும் மீட்கப்பட்டுள்ளது.
மேலும், வீட்டுத்தளபாடங்கள் பலவும் கண்டு பிடிக்கப்பட்டுள்ளன.
மீட்கப்பட்ட சடலத்துடன் ஏழு சடலங்கள் இதுவரை கண்டெடுக்கப் பட்டுள்ளதாக மத்திய பாதுகாப்பு கட்டளை அதிகாரி மனோ பெரேரா தெரிவித்தார்.
மேலும் சில நாட்களில் மீட்பு பணிகள் நிறைவுற்று விடுமென்றும், அவர் கூறினார்.
மீட்புப் பணிகளின் தாமதத்தை நிவர்த்தி செய்யும் பொருட்டும் பார்வையாளர்களின் பாதுகாப்பு கருதியும், மீறியபெத்தை மண்சரிவுப் பிரதேசத்திற்கு மக்கள் நடமாட்டங்கள் பூரணமாக தடை செய்யப்பட்டுள்ளன.
மேற்படி அனர்த்தத்தில் பாதிக்கப் பட்டவர்கள் தஞ்சம் அடைந்திருக்கும் அகதிகளுக்கு தேவையான நிவாரணப் பொருட்கள் கிடைத்திருப்பதாக அகதி முகாம் பொறுப்பாளர்கள் தெரிவித்து வருகின்றனர்.
இது குறித்து பதுளை மாவட்ட அரச அதிபர் ரோகன கீர்த்தி திசாநாயக்க விடம் வினவிய போது, அகதிகள் கூறவது போன்று நிவாரணப் பொருட்களின் பற்றாக்குறையில்லை என்றும், கூடுதலானவர்கள் அகதிகளாக இருப்பதால் உணவுப் பொருட்கள் பகிர்ந்தளிப்பதில் தாமதங்கள் ஏற்படலாம்.
அவைகளை நிவர்த்தி செய்ய நடவடிக்கைள் எடுக்கப்பட்டுள்ளதென்றும் அவர் கூறினார்.
அத்துடன் எல்லப் பகுதியில் இடம்பெற்று வரும் மண்சரிவு அபாயங்களினால் 176 குடும்பங்களைச் சேர்ந்த 2710 பேர் பொது இடங்களில் தங்க வைக்கப்பட்டு பராமரிக்கப்பட்டு வருகின்றனர்.
ஒகிய, உடலேறியா, கெல்பன் போன்ற பெருந்தோட்டப் பகுதிகளில் மண்சரிவு அபாயங்கள் தொடர்வ தினால் அத்தோட்டங்களின் ஆயிரத்திற்கும் மேற்பட்ட தொழிலாளர் குடும்பங்கள் பாடசாலைகளிலும் ஆலயங்களிலும் தங்க வைக்கப் பட்டுள்ளனர்.

தினகரன்

அடடா! இன்னும் பாதிப்புக்கள் தொடருகின்றதா?  வெளியேறும் மக்கள் தொகை அதிகமாகிகொண்டே செல்கின்றதே! 

பாடசாலைகளுக்கும், ஆலயங்களுக்கும் மண் சரிவு பாதிப்பு இல்லையாமா?