புலிகளிடமிருந்து மீட்கப்பட்ட நகைகளை அரசு பகிர்ந்தளிப்பது சட்டவிரோதமானது

விடுதலைப் புலிகளிடமிருந்து கைப்பற்றப்பட்ட தங்க நகைகளை அதன் உரிமையாளர்களுக்குப் பகிர்ந்தளிப்பதற்கு அரசாங்கத்தால் மேற்கொள்ளப்பட்டுள்ள நடவடிக்கை சட்டவிரோதமானது என இலங்கை சட்டத்தரணிகள் சங்கம் தெரிவித்துள்ளது.  உரிமையாளர்கள் இல்லாத பொருட்கள் கண்டெடுக்கப்பட்டால் அவை நீதிமன்றத்தில் ஒப்படைக்கப்பட வேண்டும் என்றும் அப்படியான பொருட்கள் நீதிபதியின் உத்தரவின் பேரில் பாதுகாக்கப்பட வேண்டும் எனவும் கொழும்பில் இடம்பெற்ற  செய்தியாளர் கூட்டத்தில் சட்டத்தரணிகள் சங்கத் தலைவர் உபுல் ஜயசூரிய தெரிவித்தார்.  

அப்பொருட்களைப் பின்னர் உரிமையாளர்களுக்குப் பகிர்ந்தளிப்பதையும் நீதிமன்றத்தால் மாத்திரமே மேற்கொள்ள முடியும் என்றும் அதனைப் பகிர்ந்தளிக்க அரசாங்கத்துக்கு எந்தவித அதிகாரமும் இல்லை என்றும் உபுல் ஜயசூரிய சுட்டிக்காட்டியுள்ளார்.  மேலும் தேர்தலில் வாக்குகளைச் சேகரிக்கும் நோக்கில் கொழும்பிலுள்ள ஒரு பிரசித்தி பெற்ற மாளிகையில் வைத்து ஆயிரக்கணக்கானோருக்கு உணவுப் பொருட்கள் வழங்கப்படுகின்றன என்று குற்றஞ்சாட்டிய ஜயசூரிய, இது தேர்தல்  சட்டத்தை மீறும் செயல் எனவும் தெரிவித்தார்.

இது உடனடியாக நிறுத்தப்படாவிட்டால் இதனை எதிர்த்து வழக்குத் தாக்கல் செய்ய வழக்கறிஞர்கள் சங்கம் தீர்மானித்துள்ளதாகவும் தெரிவித்தார்.  சட்டவிரோதமான முறையில் கொழும்பில் நிறுவப்பட்டுள்ள தேர்தல் பிரசார பதாதைகள் நீக்கப்படாவிட்டால் கொழும்பு நகர மேயருக்கு எதிராக நாங்கள் வழக்குத் தொடருவோம் எனவும் உபுல் ஜயசூரிய சுட்டிக்காட்டியுள்ளார்

தினக்குரல்

இதெல்லாம் இலங்கையிலா நடக்குது? அரசினை எதிர்த்து  நீதிமன்றமா? நம்பவே முடியவில்லையே? ஏதேனும்  நாடகம் நடத்துறாங்களோ என்னமோ?

Nisha wrote:இதெல்லாம் இலங்கையிலா நடக்குது? அரசினை எதிர்த்து  நீதிமன்றமா? நம்பவே முடியவில்லையே? ஏதேனும்  நாடகம் நடத்துறாங்களோ என்னமோ?

இனி அப்படித்தான்.
என்று குடும்ப ஆட்சி மாறி ந ல்ல ஆட்சி மலருமோ அன்றுதான் இலங்கை சுதந்திர நாடு

நல்லது நடந்தால் சரி தான்

இதே நீதிமன்றம் தானே அவருக்கு மூன்றாவதாக தேர்தலில் நிற்க அனுமதி அளித்தது. அட ராமா

சுறா wrote:இதே நீதிமன்றம் தானே அவருக்கு மூன்றாவதாக தேர்தலில் நிற்க அனுமதி அளித்தது. அட ராமா

நீங்கள் நினைப்பது தவறு நீதியை அவன் பணம் கொடுத்து வாங்கி விட்டான் அல்லது ஆயுத முனையில் தீர்ப்பு அவன் பக்கம் தீர்ந்தது இதுதான் உண்மை சர்வதிகாரம் கொண்டான் இப்போது அதை உடனே மக்கள்தான் மாற்ற வேண்டும் நல்ல சந்தர்ப்பம் பொறுத்திருந்து பார்க்கலாம்