மேகி நூடுல்ஸ் விவகாரம்: நெஸ்ட்லே நிறுவனம் மீது வழக்கு

by **rammalar** Sun 31 May 2015 - 14:25

-லக்னோ:
மேகி நூடுல்ஸில் அளவுக்கு அதிகமாக
மோனோசோடியம் க்ளூட்டமேட்டை சேர்த்த நெஸ்ட்லே
நிறுவனம் உள்பட 6 பேர் மீது வழக்கு தொடரப்பட்டுள்ளது.
-
நெஸ்ட்லே நிறுவனத்தின் தயாரிப்பான மேகி நூடுல்ஸில்
அளவுக்கு அதிகமாக ரசாயன உப்பான மோனோசோடியம்
க்ளூட்டமேட் உள்ளதை உத்தர பிரதேச மாநில உணவு
மற்றும் மருந்து நிர்வாக அமைப்பு கண்டுபிடித்துள்ளது.
-
இதையடுத்து மேகி நூடுல்ஸுக்கு தடை விதிப்பது குறித்து
உத்தர பிரதேச மாநில அரசு ஆலோசித்து வருகிறது.
-
இந்நிலையில் நெஸ்ட்லே நிறுவனம் மீது வழக்கு
தொடரப்பட்டுள்ளது.
-
---------------------------------------

by **நண்பன்** Sun 31 May 2015 - 16:15

அப்போ அமிதாப் பச்சன் ப்ரிதிசிந்தா இவங்கல்லாம் வாங்கிய பணம் சுட்டுத்தள்ளு.!!

by **நண்பன்** Mon 1 Jun 2015 - 16:23

விளம்பரத்தில் தோன்றிய அமிதாப், மாதுரி, பிரீத்தி ஜிந்தா மீது வழக்கு

மேகி நூடுல்ஸ் விவகாரம்: நெஸ்ட்லே நிறுவனம் மீது வழக்கு I-2

உத்தரப் பிரதேச அரசின் வழிகாட்டுதலின்படி நூடுல்ஸ் தயாரிப்பு நிறுவனமான நெஸ்லே இந்தியா உள்ளிட்ட 5 நிறுவனங்கள் மீது அம்மாநில உணவு மற்றும் மருந்து கட்டுப்பாட்டு அமைப்பு நேற்று முன்தினம் வழக்கு தொடர்ந்துள்ளது.
இது தவிர நூடுல்ஸ் விளம்பரத்தில் தோன்றிய ஹிந்தி நடிகர் அமிதாப் பச்சன், நடிகைகள் மாதுரி தீட்சித், பிரீத்தி ஜpந்தா உள்ளிட்டோர் மீது வழக்கறிஞர் ஒருவர் பாரபங்கி நீதிமன்றத்தில் தனியாக ஒரு வழக்கை தொடர்ந்துள்ளார். அதில் பொதுமக்களின் உடல்நலனுக்கு தீங்கு விளைவிக்கும் பொருளின் விளம்பரத்தில் தோன்றியதுடன் அது உடலுக்கு நல்லது என்று கூறி மக்களை ஏமாற்றியுள்ளனர்.
மேலும் பணத்துக்காக இந்தியாவில் உள்ள சிறார்கள் மற்றும் இளைஞர்களின் உடல் நலனை கெடுக்கும் செயலில் ஈடுபட்டுள்ளனர் என்று அவர்கள் மீது குற்றம்சாட்டப்பட்டுள்ளது. ஹரோலியில் உள்ள நெஸ்லே தொழிற்சாலை, டெல்லியில் உள்ள நெஸ்டில் இந்தியா லிமிடெட், பாரபங்கியில் உள்ள ஈஸி டே அங்காடி மற்றும் டெல்லியில் உள்ள அதன் தலைமை நிறுவனங்கள், அதன் இரு மேலாளர்கள் மீது உத்தரப் பிரதேச மாநில உணவு மற்றும் மருந்து கட்டுப்பாட்டு அமைப்பு நீதிமன்றத்தில் வழக்கு தொடர்ந்துள்ளது.
நெஸ்லே தயாரிக்கும் அந்த நூடுல்ஸ் பக்கெட்களில் அனுமதிக்கப்பட்ட அளவை விட மோனோசோடியம் குளுடாமேட் என்ற இரசாயன உப்பு அதிகம் கலக்கப்பட்டுள்ளது சமீபத்தில் கண்டுபிடிக்கப்பட்டது. இந்த ஆய்வை அடுத்து அந்நிறுவன நூடுல்ஸை தடை செய்ய உத்தரப் பிரதேசம், மகாராஷ்டிரா மாநில அரசுகள் ஆலோசித்து வருகின்றன. இதனிடையே நூடுல்ஸில் இரசாயன உப்பு கலப்பு குற்றச்சாட்டு தொடர்பாக அந்த நிறுவனம் எந்த கருத்தும் தெரிவிக்கவில்லை

by **நண்பன்** Mon 1 Jun 2015 - 16:24

விளம்பரத்தில் மட்டுமே நடிப்போம் சாப்பிட மாட்டோம் படுபாவிங்க பாவம் என்ன செய்வாங்க அது அவங்க பொளப்பாச்சே

by **Nisha** Tue 2 Jun 2015 - 18:23

இந்தியாவில் மட்டும் அல்ல உலகெங்கும் தடை செய்தாலும் நல்லது. இந்த பாக்கட் செய்வதற்கு இலகு , சூடு நீரில் போட்டு எடுத்தால் ரெடி என ரெம்ப ஈசியாய் இருப்பதனால் பெரும்பாலான தாய்மார்கள் தம் சிறு குழந்தைகளுக்கு இதை வாங்கி ஊட்டுவதை கவனித்திருக்கின்றேன். நான் அப்படி கண்டால் உடனே இப்படி பிள்ளைகளுக்கு ஊட்டாதீர்கள். காய்கறி வாங்கி உடனே அவித்து அரைத்து கொடுங்க என சொல்வேன். என் பிள்ளைகளுக்கு அப்படித்தான் செய்தேன். நாங்கள் இதை எங்கள் வீட்டில் வாங்குவதே இல்லை.

by **பானுஷபானா** Wed 3 Jun 2015 - 12:36

அதுல உப்பும் அஜினமோட்டோ தான் மற்ற எந்த சுவையும் இல்ல இதை தடை செய்தால் நல்லா irukkum

by **Nisha** Wed 3 Jun 2015 - 13:02

ஆமாம்! அதே போல் இந்த சின்ன குழந்தைகளுக்கான பாட்டிலில் அடைத்து வரும் அனைத்து உணவுகளையும் தடை செய்யணும்பா..

இங்கே நிரம்ப பேர் இந்த மேகி நூடில்ஸை ஒரு உணவென நினைச்சு குழந்தைகளுக்கு கொடுப்பார்கள். குழந்தைகளுக்கு முதல் நிறை உணவில் உப்பும் சர்க்கரையும் அதிகம் சேர்க்க கூடாது. இந்த வகை உணவில் உப்பு அதிக்மாய் இருப்பதால் அவர்களும் சப்புக்கொட்டி பெரிய டப்பாவில் கொடுத்தாலும் அத்தனையையும் முழுங்கி விடுவார்கள்.

நான் என் பசங்களுக்கும் எத்தனை வேலை என்றாலும் பிரெஷாய் காய் வாங்கி அவித்து தான் கொடுத்தேன். பழங்களும் அப்படித்தான். பாட்டில் உணவு பாவிச்சதே இல்லை.

by **கமாலுதீன்** Fri 5 Jun 2015 - 15:36

வேடிக்கை பழமொழி:

இடியாப்பத்தின் வாழ்வதனை "மேகி" கவ்வும்
மீண்டும் இடியாப்பமே வெல்லும்.

by **நண்பன்** Sun 7 Jun 2015 - 9:39

கமாலுதீன் wrote:வேடிக்கை பழமொழி:

இடியாப்பத்தின் வாழ்வதனை "மேகி" கவ்வும்
மீண்டும் இடியாப்பமே வெல்லும்.

அருமை அருமை

by **ahmad78** Thu 11 Jun 2015 - 10:44

வரவேற்கவேண்டிய விஷயம்

இதுபோன்று தடைசெய்யவேண்டிய விஷயங்கள் நிறைய இருக்கு அனைத்தையும் தடைசெய்தால் நன்றாகத்ததான் இருக்கும்.

by Sponsored content

மேகி நூடுல்ஸ் விவகாரம்: நெஸ்ட்லே நிறுவனம் மீது வழக்கு