ஊழலில் ஈடுபடாதவர்கள் ஐ.தே.கவில் போட்டியிட அனுமதி

by **நண்பன்** Mon 1 Jun 2015 - 9:25

ஊழலில் ஈடுபடாதவர்கள் ஐ.தே.கவில் போட்டியிட அனுமதி
எதிர்க்கட்சியினர் பலர் விருப்பம்

ஊழலில் ஈடுபடாதவர்கள் ஐ.தே.கவில் போட்டியிட அனுமதி Ajith-p-perera

எவ்வித ஊழல் மோசடியிலும் ஈடுபட்டிராத எதிர்க்கட்சியினரை எதிர்வரும் பாராளுமன்றத் தேர்தலின் போது ஐ.தே.க.வுடன் இணைந்து கொள்வதற்கான சாத்தியக்கூறுகள் காணப்படு வதாக ஐ.தே.க.வைச் சேர்ந்த பிரதி வெளிவிவகார அமைச்சர் அஜித் பி. பெரேரா தெரிவித்தார்.

பாராளுமன்றத் தேர்தல் நெருங்கிவரும் சந்தர்ப்பத்தில் ஸ்ரீலங்கா சுதந்திரக் கட்சியைச் சேர்ந்த பல பாராளு மன்ற உறுப்பினர்கள் ஐ.தே.க.வில் இணைந்து கொள்வதற்கான விருப்பத்தை பிரதமர் ரணில் விக்கிரமசிங்கவிடம் நேரில் தெரிவித்துள்ளனர்.

இவர்களைத் தவிர்த்த வேறு பலரும் எதிர்வரும் பாராளுமன்றத் தேர்தலில் ஐ.தே.க.வின் கீழ் வேட்பு மனுத்தாக்கல் செய்வதற்காக முண்டியடிக்கின்றனர். கட்சி மாறுவதாக இருந்தாலும் புதிதாக கட்சியில் இணை ந்து கொள்வதானாலும் அவர்களது தனிப்பட்ட ஊழல் மோசடி விடயங்கள் குறித்து நாம் கூடுதல் கவனம் செலுத்துவோமென்றும் பிரதியமைச்சர் தெரிவித்தார்.

பாராளுமன்றத் தேர்தலிற்குப் பின்னரும் தேசிய அரசாங்கம் ஒன்று வேண்டு மென்பதில் அக்கறை செலுத்தி வரும் நிலையில் ஐ.தே.க.விலும் அரசாங்கத்திலும் ஊழல் மோசடிக்கு எதிரானவர்கள் மாத்திரம் இருக்க வேண்டுமென்பதே எமது குறிக்கோளாகும் என்றும் கூறினார்.

மேலும் பாராளுமன்றம் கலைக்கப் படுவதற்கு முன்னர் அரசியலமைப்பில் 20வது திருத்தம் கொண்டு வரப்பட வேண்டும் என்ற நிலைப்பாட்டில் ஐ.தே.க. உறுதியாகவிருப்பதாகவும் அவர் சுட்டிக்காட்டினார்.

தினகரன்