நடிகர்கள் சரத்குமார், சத்யராஜ் உட்பட எட்டு பேருக்கு பிடிவாரன்ட்!

by **rammalar** Wed 24 May 2017 - 5:09

Enlarge this image Click to see fullsize
நடிகர்கள் சரத்குமார், சத்யராஜ் உட்பட எட்டு பேருக்கு பிடிவாரன்ட்! VTJjHIAQQMqNuKILRTiU+sathyaraj-_sarath_12290

பத்திரிகையாளர்களை அவதூறாகப் பேசிய வழக்கில்
ஆஜராகாததால், நடிகர்கள் சரத்குமார், சூர்யா,
நடிகை ஸ்ரீபிரியா உட்பட எட்டு பேருக்கு, நீலகிரி
குற்றவியல் நீதிமன்றம் பிணையில் வெளிவர முடியாத
பிடிவாரன்ட் பிறப்பித்து உத்தரவிட்டுள்ளது.

சென்னையில் 2009ஆம் ஆண்டு நடிகர் சங்கக் கூட்டம்
நடைபெற்றது. இந்தக் கூட்டத்தில் நடிகர்கள் சரத்குமார்,
சத்யராஜ், சூர்யா, விவேக், விஜயகுமார், சேரன்,
அருண் விஜய், நடிகை ஸ்ரீபிரியா ஆகியோர்
பத்திரிகையாளர்களை அவதூறாகப் பேசினர்.

இதைத் தொடர்ந்து, பத்திரிகையாளர்களை அவதூறாகப்
பேசிய நடிகர், நடிகைகள் எட்டு பேர்மீது நடவடிக்கை
எடுக்கக்கோரி, ரொசாரியோ என்பவர் நீலகிரி குற்றவியல்
நீதிமன்றத்தில் வழக்குத் தொடர்ந்தார். இந்த வழக்கு,
விசாரணைக்கு வரும்போதெல்லாம் இவர்கள் ஆஜராவதில்லை.

இந்த நிலையில், இந்த வழக்கு நீலகிரி நீதிமன்றத்தில்
இன்று விசாரணைக்கு வந்தது. அப்போதும், எட்டு பேரும்
ஆஜராகவில்லை. இதையடுத்து, எட்டு பேருக்கும் பிணையில்
வெளிவர முடியாத பிடிவாரன்ட் பிறப்பித்து நீதிபதி
உத்தரவிட்டார்.
-
------------------------------
விகடன்