ஆர்யா, அனுஷ்கா, தமன்னா உட்பட 76 பேருக்கு கலைமாமணி விருது: முதல்வர் வழங்கினார்

சென்னை : நடிகர்கள் ஆர்யா, கருணாஸ், சின்னி ஜெயந்த், நடிகைகள் அனுஷ்கா, தமன்னா உள்பட 76 பேருக்கு கலைமாமணி விருதை முதல்வர் கருணாநிதி நேற்று வழங்கினார். அதே போல் பாரதி, எம்.எஸ்.சுப்புலட்சுமி, பாலசரசுவதி மற்றும் சின்னத்திரை விருதுகளையும் முதல்வர் வழங்கினார்.

ஒவ்வொரு ஆண்டும் கலைத்துறையில் சிறப்பாக பணியாற்றி வரும் கலைஞர்களை பாராட்டி, தமிழ்நாடு இயல் இசை நாடக மன்றம் சார்பில் கலைமாமணி விருதுகள், சின்னத்திரை விருதுகள் வழங்கப்பட்டு வருகிறது. 2008, 2009, 2010ம் ஆண்டுக்கான கலைமாமணி விருதுக்குரிய கலைஞர்களை தேர்வு செய்து தமிழக அரசு அறிவித்தது. இதே போன்று 2007,2008ம் ஆண்டுக்கான சின்னத்திரை விருதுகளும் அறிவிக்கப்பட்டன.

இதன்படி, கலைமாமணி மற்றும் சின்னத்திரை விருது வழங்கும் விழா சென்னை வள்ளுவர் கோட்டத்தில் நேற்று மாலை நடந்தது. விழாவுக்கு முதல்வர் கருணாநிதி தலைமையேற்று விருதுகளையும், பரிசுகளையும் வழங்கி பேசினார். அமைச்சர் பரிதி இளம்வழுதி வாழ்த்தி பேசினார். இதில் மத்திய, மாநில அமைச்சர்கள், நடிகர், நடிகைகள், சின்னத்திரை கலைஞர்கள் உள்பட பலர் பங்கேற்றனர்.

விழாவில், பாரதி விருது &எழுத்தாளர் ஜெயகாந்தன், எம்.எஸ்.சுப்புலட்சுமி விருது &இசையமைப்பாளர் இளையராஜா, பாலசரசுவதி விருது&பரத நாட்டிய கலைஞர் பத்மாசுப்ரமணியம் ஆகியோர் பெற்றனர். 2008ம் ஆண்டுக்கான கலைமாமணி விருது நகைச்சுவை நடிகர்& கருணாஸ், ஒளிப்பதிவாளர்&ராஜீவ்மேனன், இசையமைப்பாளர்&பரத்வாஜ், இயக்குனர்& திருமுருகன் உள்பட 27 பேருக்கும், 2009ம் ஆண்டுக்கான கலைமாமணி விருது நகைச்சுவை நடிகர்& சின்னி ஜெயந்த், குணச்சித்திர நடிகைகள் ரோகிணி, சரண்யா, நடிகைகள் மாளவிகா, ரேவதி சங்கரன், நாட்டுப்புற பாடகி தஞ்சை சின்னப்பொன்னு உள்பட 23 பேருக்கும் வழங்கப்பட்டது.

அதே போல, 2010ம் ஆண்டுக்கான கலைமாமணி விருது நடிகர்&ஆர்யா, நடிகைகள்&அனுஷ்கா, தமன்னா, பட்டிமன்ற பேச்சாளர்& திண்டுக்கல் ஐ.லியோனி உள்பட 26 பேர் பெற்றனர். சிறந்த கலை நிறுவனத்திற்கான விருதை மதுரை தமிழ்நாடு கிராமியக் கலைகள் வளர்ச்சி மையம், சிறந்த நாடகக்குழுக்கான விருதை சென்னை முகவை கலை மன்றத்திற்கும் வழங்கப்பட்டது.

2007ம் ஆண்டிற்கான சின்னத்திரை விருதுகளில், சிறந்த நெடுந்தொடருக்கான விருது கோலங்கள் சீரியலுக்கும்,
சிறந்த சாதனையாளர் விருது& நடிகை ராதிகா, சிறந்த கதாநாயகன் விருது& விஜய் ஆதிராஜ் (லட்சுமி), சிறந்த கதாநாயகி விருது& நடிகை தேவயானி (கோலங்கள்), சிறந்த வில்லி நடிகை& நளினி (பந்தம்) ஆகியோர் உள்பட 20 பேருக்கு விருதுகள் வழங்கப்பட்டது.

2008ம் ஆண்டுக்கான சின்னத்திரை விருதுகளில், நெடுந்தொடருக்கான முதல் பரிசு விருது&ஆனந்தம் சீரியலுக்கும், 2ம் பரிசு விருது&நம்ம குடும்பம் சீரியலுக்கும், வாழ்நாள் சாதனையாளர் விருது& ஒய்.ஜி.மகேந்திரா, சிறந்த கதாநாயகன் விருது& சஞ்சீவ் ( திருமதி செல்வம்), சிறந்த கதாநாயகி& சுகன்யா (ஆனந்தம்) ஆகியோர் உள்பட 21 பேருக்கு விருதுகள் வழங்கப்பட்டன. விருதுகள் பெற்றவர்களுக்கு தங்கப்பதக்கம், ரொக்கம், நினைவு பரிசு மற்றும் சான்றிதழ்கள் வழங்கப்பட்டன.

நன்றி தினகரன்