கொடிய வறுமையால் ஒரே குடும்பத்தைச் சேர்ந்த ஏழு பேர் நஞ்சருந்தி தற்கொலை!

by *சம்ஸ் Tue 19 Apr 2011 - 22:55

இந்தியாவின் ஒரிஸ்ஸா மாநிலத்தில் ஒரே குடும்பத்தைச் சேர்ந்த ஏழு பேர் நஞ்சருந்தி தற்கொலை செய்துள்ளனர்.

இந்தச் சம்பவம் அந்த மாநிலத்தையே அதிர்ச்சியில் ஆழ்த்தியுள்ளது. ஒரு தாயும் அவரின் ஆறு பிள்ளைகளுமே இவ்வாறு தற்கொலை செய்துள்ளனர்.

இதில் நான்கு பிள்ளைகள் பெண் பிள்ளைகள் ஆவர். ஒரிஸ்ஸாவின் கிஹோன்ஜிகார் மாவட்ட காடாகொஹான் பகுதியிலேயே இந்தச் சம்பவம் இடம்பெற்றுள்ளது.

இந்தச் சம்பவத்தில் தற்கொலை முயற்சியில் இருந்து உயிர் தப்பி மிகவும் ஆபத்தான நிலையில் 43 வயதான குடும்பத் தலைவர் உத்தர் மஹேர் ஆஸ்பத்திரியில் அனுமதிக்கப்பட்டுள்ளார்.

இவர்கள் மாநிலத்தின் மேற்குப் பகுதியைச் சேர்ந்தவர்கள் என்றும் இந்தப் பகுதிக்கு சுற்றுலா வந்தவர்கள் என்றும் தெரியவந்துள்ளது. கடும் வறுமையே தமது முடிவுக்குக் காரணம் என்று உத்தர் மஹேர் வாக்கு மூலமளித்து உள்ளார்.

ஆனால் இறந்தவர்களின் உடம்பில் கழுத்துப் பகுதியில் காணப்படும் சில அடையாளங்கள் பொலிஸாருக்கு இந்த ஏழு மரணங்களிலும் சந்தேகத்தை ஏற்படுத்தியுள்ளது