ஒரே குடும்பத்தைச் சேர்ந்த நபர்கள் கத்தியால் குத்திக் கொலை

ஒரே குடும்பத்தைச் சேர்ந்த நான்கு பேர் கத்தியால் குத்தப்பட்டு இறந்த சம்பவம் பொலிசார் இடையே பெரும் அதிர்ச்சியை ஏற்படுத்தி உள்ளது.
பல்கலைகழக விரிவுரையாளர் ஜிபேங் டிங் மற்றும் அவரது ஆசிரியர் மனைவி ஹெலன் ஆகியோர் கீழ்தளத்தில் கத்தியால் குத்தப்பட்டு இறந்து கிடந்தனர். அவர்களது மகள்கள் நான்சி மற்றும் அலைஸ் மேல்தளத்தில் கத்தியால் குத்தப்பட்டு இறந்து கிடந்தனர்.

ஒட்டு மொத்த குடும்ப உறுப்பினர்களும் கொலை செய்யப்பட்டது தொடர்பாக 30 பொலிஸ் அதிகாரிகள் விசாரணையைத் துவக்கினர். மர்மமான முறையில் கொல்லப்பட்டது குறித்து அதற்கான ஆதாரங்களை தேடுவதற்கு பொலிசார் வீட்டை முழுமையாக சோதனையிட்டனர். கொலை வழக்கு விசாரணை அதிகாரி கிளன் டிமின்ஸ் தலைமையில் நடைபெறுகிறது.

இது குறித்து அவர் கூறுகையில்,"கொள்ளை அல்லது திருட்டு நடவடிக்கை தொடர்பாக இந்த கொலைகள் நடந்ததாக தெரியவில்லை. கண்மூடித்தனமாகவும் தாக்குதல் நடந்ததாக தெரியவில்லை. அப்பகுதியில் பொது மக்களுக்கு பெரும் அச்சுறுத்தல் ஏதும் இல்லை. இருப்பினும் குடும்ப உறுப்பினர்கள் கொலை செய்யப்பட்டது தொடர்பாக தீவிரவிசாரணை மேற்கொள்கிறோம்" என்றார்.

நார்த்தம்டனில் உள்ள ஆட்டன் நகரில் உள்ள வீட்டிற்கு பொலிசார் ஞாயிற்றுக்கிழமை விரைந்து சென்றனர். குடும்ப உறுப்பினர்களை காணாது குறித்து அருகாமையில் உள்ள வீடுகளைச் சேர்ந்த நபர்கள் எச்சரித்ததைத் தொடர்ந்து அங்கு பொலிசார் விரைந்தனர். கொலை செய்யப்பட்ட குடும்ப உறுப்பினர்கள் சீனாவை சேர்ந்தவர்கள் ஆவர்.

{)) {))