நாட்டின் பொருளாதாரத்தை முடக்க வங்குரோத்து அரசியல்வாதிகள் சதி

by **நண்பன்** Fri 3 Jun 2011 - 10:01

வெளிநாடுகளில் தொழில்புரியும் இலங்கையரையும் வங்குரோத்து அரசியல்வாதிகளின் வலைக்குள் சிக்க ஒருபோதும் இடமளிக்கப் போவதில்லை என வெளிநாட்டு வேலைவாய்ப்பு உக்குவிப்பு அமைச்சர் டிலான் பெரேரா தெரிவித்தார்.

அரசியலில் வங்குரோத்து நிலையை அடைந்துள்ள ஜே.வி.பியினர் அண்மைக்காலத்தில் ஜோர்தானில் தொழில்புரியும் இலங்கையர் மத்தியில் தமது கைங்கரியத்தை அரங்கேற்ற முற்பட்டனர். எனினும் கட்டுநாயக்க சுதந்திர வர்த்தக வலயத்தில் அறங்கேற்றிவிட்டனர். அவர்களது இந்த செயலுக்கு பொலிஸாரும் துணை போய்விட்டனர். வெளிநாட்டில் தொழில்புரியும் இலங்கையர்கள் மத்தியில் இவ்வாறான குழப்பங்களை ஏற்படுத்த முயன்று வருவதை நாம் தொடர்ந்தும் அவதானித்தே வருகிறோம்.

தொழிலாளி ஒருவரையாவது, மாணவர் ஒருவரையாவது பலிகொடுத்து அவரது சடலத்தை தூக்கிக் கொண்டு தமக்கு ஆதாயம் தேடமுனைபவர்கள்தான் இவர்கள்.

ஜோர்தானில் இலங்கையர் ஒருவரை பலிகொடுப்பதே அவர்களது நோக்கம் எனினும் அது நிறைவேறாததால் சுதந்திர வர்த்தக வலயத்தில் அதனை நிறைவேற்றிக் கொண்டனர். அவர்களது நோக்கத்திற்கு பொலிஸாரும் துணை போய்விட்டனர்.

பொலிஸாரின் இந்த நடவடிக்கையை அரசு வெறுமனே பார்த்துக் கொண்டிருக்கவில்லை. சம்பந்தப்பட்ட பொலிஸாருக்கு எதிராக நடவடிக்கையும் எடுக்கப்பட்டுள்ளது.

இந்த வங்குரோத்து அரசியல்வாதிகள் இலங்கையின் பொருளாதாரத்தை வலுப்படுத்தக்கூடிய முதுகொலும்பாய் திகழக்கூடிய இடங்களை முடக்க முனைகிறார்கள். என்றும் அமைச்சர் டிலான் தெரிவித்தார்.

கொழும்பு 7 இல் அமைந்துள்ள ஒலிம்பிக் ஹவுஸ் மண்டபத்தில் நடைபெற்ற செய்தியாளர் மாநாட்டின் போதே அமைச்சர் டிலான் மேற்கண்டவாறு தெரிவித்தார்.

தினகரன்