வித்தியாசமான கதாபாத்திரத்தில் கங்கனா

இதுவரை கவர்ச்சியாகவே பார்க்கப்பட்ட கங்கனா ரனாவத் முதல் முறையாக கவர்ச்சி அல்லாத வித்தியாசமான கதாபாத்திரத்தில், அதுவும் விதவை கதாபாத்திரத்தில் நடித்துள்ளார்.
பாலிவுட் இயக்கனர் இந்திரா குமார் "டபுள் தமால்" என்ற படத்தை இயக்கி வருகிறார். இப்படத்தில் சஞ்சய் தத், கங்கனா ரனாவத் உள்ளிட்ட பலர் நடித்து வருகின்றனர்.



1975 ல் இந்தியில் வெளியாகி சக்கபோடு போட்ட "ஷோலே" படத்தில் நடித்த ஜெயபாதுரி விதவை கோலத்தில் நடித்திருப்பார். கிட்டத்தட்ட அதே கதாபாத்திரத்தில் இந்த படத்தில் இருப்பதாலும், அதற்கு கங்கனா தான் பொருத்தமானவர் என்பதாலும் அவரை நடிக்க வைத்திருக்கிறார் இந்திரா குமார்.

இதுகுறித்து இந்திரா குமார் கூறியதாவது, இந்தபடம் ஒரு முழுநீள கொமெடி படம். படத்தில் ஒவ்வொரு காட்சி‌யும் பார்ப்பவர்களை வயிறு குலுங்க சிரிக்க வைக்கும். அதேசமயம் யாரையும் புண்படுத்தி விடாமல் இப்படத்தை எடுத்துள்ளோம்.

படத்தில் கங்கனாவின் கதாபாத்திரம், ஷோலேயில் ஜெயபாதுரி நடித்த கதாபாத்திரம் போன்று உருவாக்கப்பட்டுள்ளது. நிச்சயம் இதுவரை பார்த்திராத கங்கனாவை இந்த படத்தில் பார்ப்பீர்கள் என்றார்.