அதிமுக்கிய பிரமுகர்களின் பயணங்களுக்கான ஹெலிகொப்டர் கொள்வனவு; 360 கோடி ரூபா மோசடி

அதிமுக்கிய பிரமுகர்களின் பயணங்களுக்கான ஹெலிகொப்டர் கொள்வனவு; 360 கோடி ரூபா
மோசடி



முன்னாள் இந்திய விமானப்படை தளபதி ஒருவர் உட்பட இரு இந்தியர்கள் சிக்கினர்

ஜனாதிபதி, பிரதமர் உட்பட மிக முக்கிய பிரமுகர்களுக்கான (விவிஐபி) பயணத்துக்காக
அதிநவீன பாதுகாப்புகளுடன் கூடிய 12 ஹெலிகப்டர்கள் வாங்க கடந்த 2012 ஆம் ஆண்டு
இந்திய மத்திய அரசு முடிவு செய்தது.
இதையடுத்து இத்தாலி நாட்டில் உள்ள போர் விமான தயாரிப்பு நிறுவன மான
பின்மெக்கானிக்கா நிறுவனத்துக்கும் மத்திய இராணுவ அமைச்சகத்துக்கும் இடையே ரூ. 3600
கோடிக்கு ஒப்பந்தம் செய்யப்பட்டது.
பின்மெக்கானிக்கா நிறுவனம் தன் துணை நிறுவன
அகஸ்டா வெஸ்ட்லே யண்ட் உதவியுடன் இந்திய விவிஐபிக்களுக்கான ஹெலிகப்டர்களை
தயாரித்தது. இதில் 3 ஹெலிகப்டர்கள் ஏற்கனவே இந்தியாவிடம் ஒப்படைக்கப் பட்டுவிட்டன.
மீதமுள்ள 9 ஹெலிகப்டர்களையும் அடுத்த ஆண்டுக்குள் வழங்க பின்மெக் கானிக்கா நிறுவனம்
உறுதியளித்திருந்தது.
இந்த நிலையில் பின்மெக்கானிக்கா நிறுவனத்துக்கும் மத்திய இராணுவ அமைச்சகத்துக்கும்
இடையே நடந்த ஒப்பந்தத்தில் ஊழல் நடந்து இருப்பதாக பரபரப்பு குற்றச்சாட்டுக்கள்
எழுந்தன.
ரூ. 3600 கோடி ஒப்பந்தத்தைப்பெற பின்மெக்கானிக்கா நிறுவனம் அதில் 10 சதவீதத்தை
அதாவது ரூ. 360 கோடியை இலஞ்சமாக இந்தியர்களுக்கு கொடுத்து இருப்பதாக கூறப்பட்டது.
இதுபற்றி கடந்த ஒரு மாதமாக இத்தாலி அரசு விசாரணை நடத்தி வந்தது.

நேற்று முன்தினம்
இந்த விவகாரத்தில் இத்தாலி அரசு திடீரென அதிரடி நடவடிக்கையை மேற்கொண்டது. பின்
மெக்கானிக்கா நிறுவனத் தலைவர் கியூசெப் ஒர்சியை இத்தாலி பொலிஸார் கைது செய்தனர்.
அகஸ்டா வெஸ்ட் லேண்ட் நிறுவன தலைவர் புருனோ வீட்டுக்காவலில் வைக்கப்பட்டார். மேலும்
2 இடைத்தரகர்களை இத்தாலி அரசு கைது செய்துள்ளது. இது இந்திய அரசியலில் கடும் புயலை
ஏற்படுத்தியுள்ளது.
பின்மெக்கானிக்கா நிறுவனத்திடம் இருந்து ரூ. 360 கோடி லஞ்சம் வாங்கிய இந்தியர்கள்
யார், யார் என்பதை அறிய நாடெங்கும் எதிர்பார்ப்பு ஏற்பட்டுள்ளது. ஆனால் இலஞ்சம்
பெற்ற இந்தியர்கள் பற்றிய எந்த விபரத்தையும் தர இத்தாலி அரசு தயங்கியபடி உள்ளது.
யாரையோ காப்பாற்றவே இத்தாலி அரசு முயல்வதாக கூறப்படுகிறது.
ஹெலிகப்டர் பேரம் விவகாரத்தில் நடந்துள்ள எல்லா முறைகேடுகளையும் கண்டுபிடித்து
இத்தாலியில் நடவடிக்கை எடுக்கப்பட்டிருப்பதுபோல இந்தியா விலும் நடவடிக்கை
எடுக்கப்பட வேண்டும் என்று பாரதீய ஜனதா வலியுறுத்தியுள்ளது. இதைத் தொடர்ந்து
இதுபற்றி விசாரணை நடத்த மத்திய இராணுவ அமைச்சர் ஏ.கே. அந்தோணி உத்தர விட்டுள்ளார்.
சிபிஐயுடன் அமுலாக்கப் பிரிவும் சேர்ந்து விசாரணை நடத்தும் என்று
அறிவிக்கப்பட்டுள்ளது. நடத்தப்பட்ட விசாரணைகளில் இடைத்தரகர்களாக
செயல்பட்டவர்களுக்கும் இந்தியாவில் முக்கிய அரசியல் கட்சியினருக்கும் நெருங்கிய
தொடர்பு இருக்கும் அதிர்ச்சி தகவல்கள் கண்டுபிடிக்கப் பட்டுள்ளன.
ரூ. 360 கோடி இலஞ்ச பணத்தில் கணிசமான ஒரு தொகையை இந்திய அரசியல்வாதிகளுக்கு
பிரித்து கொடுத்ததில் கிறிஸ்டியன் மைக்கேல், கியூடோ, கார்லோ ஆகிய 3 பேருக்கும்
டெல்லி வக்கீல் கவுதம் கெய்தான் உதவி இருப்பது கண்டுபிடிக்கப் பட்டுள்ளது.
முறைகேடுகளில் அடிபடும் வெளிநாட்டவர்களுடன் கவுதம் பல தொழில்களில் பார்ட்னராக
உள்ளார். இவர் தவிர முன்னாள் விமானப்படை தலைமை தளபதி எஸ்.பி. தியாகியின் உறவினர்
சஞ்சீவ்குமார் தியாகிக்கும் இந்த முறைகேட்டில் நெருங்கிய தொடர்பு இருப்பது தெரிய
வந்துள்ளது.
சொகுசு பண்ணை வீட்டில் வசித்து வரும் சஞ்சீவ்குமார் தியாகி டெல்லிக்கு வெளியில்
இருந்தபடி இத்தகைய திரைமறைவு மோசடிகளை செய்திருப்பது முதல் கட்ட விசாரணையில்
உறுதிப்படுத்தப் பட்டுள்ளது. ரூ. 360 கோடி ஊழலில் தொடர்புடைய கியூடோவும்
சஞ்சீவ்குமார் தியாகியும் சண்டிகாரில் உள்ள ஏரோ மெட்ரிக்ஸ் நிறுவனத்தில்
பங்குதாரர்களாக இருப்பது குறிப்பிடத்தக்கது. இந்த நிறுவனமும் விசாரணைக்கு
உட்படுத்தப் பட்டுள்ளது.

நன்றி தினகரன்

:pale: :pale: