பிரசவிக்கும் வரை........ (எனது 46000 மாவது பதிவு)

by **நேசமுடன் ஹாசிம்** Tue 5 Mar 2013 - 15:44

என் வாழ்வின் கருவாகி
என் கருவின் தாயாகி
உலகத் தாய்மைகளுள் திலகமாய்
திகழ்கிறாய் என்னுள்.....

கருகொண்டு கலங்கினாய்
கலங்கி நின்று வருந்தினேன்
கருவுக்காய் உன்பொறுப்பில்
என்பங்கின்றித் தவிக்கிறேனே....

வெட்டவெளி உன்வயிற்றில்
வட்ட வட்ட முத்தமிட்டு
தேற்றினேன் எனைநொந்து
போற்றுகிறேன் உனக்காக
வேண்டுகிறேன் அவனிடமே....(allah)

என்நாளும் இணைந்திருக்க
நாதியற்ற என்வாழ்வில்
நானிட்ட கடைசி முத்தம்
என் நாட்களைக் கடத்துகிறது

என்தயவும் உன்னாலாகி
என்குழந்தை நிறைவுபெற
உன்தயவை குறையின்றி
காத்திடட்டும் வல்லோன்

பிரிவின் வெறுப்புகளைச் சுமந்து
சில வரவுகளின் நிறைவுக்காய்
உணர்வுகளைச் சிறைவைத்து
நீயின்றியதொரு தேசத்தில்
உறைந்துகிடக்கிறேன்

பல சுமைகளெம்மை
பரிதவிக்கச் செய்கின்றன
காலத்தோடு பயணித்து
சுமைகளைப் பிரசவிக்கும் வரை
பொறுத்திரு என் கண்மணியே...

by *சம்ஸ் Tue 5 Mar 2013 - 15:56

நண்பனின் உள்ளக்குமிறல்கள் வரிகளாய் இங்கு வலிதாங்கி நிக்கிறது வாழ்த்துக்கள் நண்பா.என்றும் தாய்க்கும் சேய்க்கும் எங்களின் துவா இருக்கும். :’|:

by **நண்பன்** Tue 5 Mar 2013 - 17:40

நிச்சியமாக ஈடு செய்ய முடியாது இது போன்ற சில இளப்புகளை“ உங்கள் மனது எவ்வாறு துடிக்கிறது என்பது இந்த வரிகளில் தெரிகிறது“ ஆறுதல் சொல்ல வார்த்தைகள் இல்லை உறவே“
இந்த உலகில் எதுவும் நிரந்தரமில்லை எல்லா வற்றுக்கும் ஒரு முடிவு இருக்கும் உறவே“
ஆறுதலான வாழ்த்துக்கள்.
#heart #heart #heart #heart

by **Muthumohamed** Tue 5 Mar 2013 - 21:57

46000பதிவுகள் கடந்து அசத்திக்கொண்டிருக்கும் நீங்கள் பல பதிவுகள் பதிந்து சேனையை சிறப்பிக்க வேண்டுகிறேன்

பிரசவிக்கும் வரை........ (எனது 46000 மாவது பதிவு) Congratulations-37-32472