ந.க. துறைவன் பித்தப் பூக்கள்...!!.

by **ந.க.துறைவன்** Mon 24 Nov 2014 - 6:38

பசலை நோய்…!!
*
உன்னை மனநோயாளி என்று
முத்திரைக் குத்தி
மனசாட்சியில்லாமல்
உறவுகள் இம்சை செய்வதைப்
பார்க்க மனம்
வேதனைப்படுகின்றது.
உன் காதலைப் பிரிக்க
எதையோ சொல்லி
நம்ப வைக்க
முயற்சிப்பவர்களின்
கட்டுக்கதை தானே இது.
உன்னை எப்படி
நம்ப வைப்பதென்று
காதலன் துடிக்கிறான்.
உன்னைச் சேர்த்து விடாமல்
தடுக்க ஊர் துடிக்கிறது.
யார் அறிகிறார்களோ? இல்லையோ?
உன் காதலன் மட்டுமே அறிவான்.
உன் பசலை நோய்க்கு மருந்து.

*

by **சுறா** Mon 24 Nov 2014 - 6:42

அந்த மருந்து திருமணத்திற்கு பின்பு சாப்பிட்டால் ஊரே ஏத்துக்கும். ஆனா ஜாதிமல்லி விடாது

by **ந.க.துறைவன்** Thu 27 Nov 2014 - 6:32

பாராட்டுக்கு மிக்க நன்றி சுறா...

by **ந.க.துறைவன்** Thu 27 Nov 2014 - 6:33

நித்திய வாழ்க்கை…!!
*
நல்ல காலம் பிறந்து விட்டதென்று
அவசர அவசரமாய் கல்யாணப்
பொறுப்புகளைப் படபடவென்று
பார்க்கத் தொடங்கினர்.
ஜாதகம் பார்ப்பதில் தொடங்கியது
ஒன்பது பொருத்தம் பார்த்தனர்.
இலட்சங்களை வாரி இரைத்து
இறுமாப்போடு ஊர்ப் போற்றும்
சீர்வரிசையோடு
திருமணம் செய்து முடித்தனர்.
எத்தனை நொடிகள்? நிமிடங்கள்?
எத்தனை நாள்கள்? மாதங்கள்?
எத்தனை வருடங்கள்?
தாம்பத்ய வாழ்க்கையில்
திருப்தியோடு வாழ்ந்தாய்.
சின்னச் சின்னச் சிணுங்களின்
சிக்கல்களில் விழுந்தாய்.
சிந்தைத் தடுமாறினாய்
மனஇறுக்கமானாய்
மனமுறிவு கேட்கும்
முயற்சிக்கு ஆளானாய்.
இப்பொழுது, இருவருமே
எந்த மனப் பொருத்தமும்
பொருந்தி வரவில்லையென்று
வருந்தி விலகியிருக்க
வழக்குத் தொடுத்து
வாங்கிக் கொண்டீர்கள்
விவாகரத்து.
விவாகரத்தில் இல்லை
மணவாழ்க்கை
விவேகத்தில் மட்டுமே
விதிக்கப்பட்டிருக்கிறது

நித்திய வாழ்க்கை…!!

by **ந.க.துறைவன்** Mon 1 Dec 2014 - 6:23

ரசிகன்….!!
*
சபா மண்டபத்தில்
நாட்டிய திருவிழாவில்
காலில் சலங்கைக் கட்டி
நாட்டியம் ஆடினாய்.
உன் அலங்கார அழகும்
அபிநய நளினமும்
ஆடிய ஓயிலும் இன்னும்
என் இதயக் கணினியில்
பதிவாகியிருக்குதடி…!.
பாடலுக்கு ஒலித்த – உன்
பாதச் சலங்கையொலி
சல்… சல்… என்று ஒலித்துக்
கொண்டேயிருக்குதடி…!.
மறக்க முடியாதது
இசைக்கேற்ற உதடசைவுகள்
அங்க அசைவுகள்
தாளத் துள்ளல்கள்
பார்வையின் துடிப்புகள்
உன் ரசிகனாகயிருந்து
அனுபவித்தேனடி…!.
வாழ்நாளெல்லாம்
மறக்கவே முடியாததாய்
வரலாற்றின் ஏடுகளில்
பதிவாகி விட்டதடி
இசையாய் இணைந்த
நம் காதல் நினைவலைகள்.

*

by **ந.க.துறைவன்** Sat 20 Dec 2014 - 6:13

ஆன் – ஆப்…!!
*
குடும்பத்திற்கு விளக்கேற்ற
வந்தவளென்று
உன்னை எல்லோரும்
வரவேற்கிறார்கள்.
ஆனால், நீயோ
பேசும் சொற்களின்
ஸ்விச் ஆப் – பில்
எல்லோரும்
அடங்கிவிடுகிறார்கள்.
நல்ல வேளை
ஆன் – ஆப் எபபொழுது
எங்கே எப்படி
உபயோகிப்பது என்று
சரியாகவே கற்றிருக்கிறாய்.

*

by **Nisha** Sat 20 Dec 2014 - 14:09

மார்கழி மாதம் அல்லவா! சங்கீதக்கச்சேரி ஆரம்ப மாகி விட்டது போலும். கவிதையில் உணர முடிகின்றதே!

ஆனும் ஆப்பும் ஆணுக்கு ஆப்பு வைக்காமல் இருந்தால் சரி!

by **ந.க.துறைவன்** Mon 22 Dec 2014 - 6:41

மிக்க நன்றி நிஷா...

by **சுறா** Mon 22 Dec 2014 - 8:59

பெண்கள் பேச ஆரம்பித்தால் ஆஃப் அடிச்சாலும் பட்டுன்னு இறங்கிடும். அந்த அளவுக்கு ஆப்பு அடிச்சிவிட்டுருவாங்க ஹாஹா.

அருமையான ஆன் ஆப் வரிகள்

by **நேசமுடன் ஹாசிம்** Mon 22 Dec 2014 - 9:27

அருமையான கவிதைகள் மிக்க நன்றி ஐயா

by **ந.க.துறைவன்** Mon 22 Dec 2014 - 13:34

நன்றி ஹாசி்ம்...

SUPER
நன்றி

by **ந.க.துறைவன்** Mon 5 Jan 2015 - 13:52

ஏமாற்றம்….!!
*
உன்
சொல் உரைக் கேட்டு
ஏமாந்தவன்
இன்று
கல்லறையில்
உறங்குகிறான்
ஏமாற்றாதப் பறவைகள்
அஞ்சலி செய்கின்றன.

*

by **ந.க.துறைவன்** Wed 7 Jan 2015 - 6:37

அஃக் மார்க்….!!
*
நீ என்னை
மதிப்பீடு செய்தாய்.
நான் உன்னை
மதிப்பீடு செய்தேன்.
இருவரும் இணைவதற்கு
அம்மதிப்பீட்டு
மார்க் தான்
நம் காதலுக்கான
அஃக் மார்க்கோ….?
*

by **ந.க.துறைவன்** Mon 12 Jan 2015 - 6:46

அணைந்தச் சுடர்…!!.
*
குடும்பத்திற்கு
விளக்கேற்ற வந்தக்
குலமகள் என்று
உன்னை
வரவேற்று புகழ்ந்தார்கள்.
என்ன விவகாரத்திற்காக?
உன்
உயிர்ச் சுடரை
அணைத்து விட்டார்கள்?
*

by **ந.க.துறைவன்** Thu 5 Feb 2015 - 7:18

அறிதல்….!!
*
உன்னிதயச் சுவரில்
சித்திரமாய் வரைந்து
வைத்திருக்கிறாயே?
அவன் உருவம்.
அது யாருக்குமே
வெளியில் தெரியாமல்
வழிப்பட்டு, நீயெங்யோ?
வாழ்ந்துக் கொண்டிருப்பது
அனுமானிக்க முடிகிறது.
அறிந்தவனுக்குத் தெரியும்
அது உனக்கும் புரியும்….!!

*

by **ந.க.துறைவன்** Thu 5 Feb 2015 - 7:18

அறிதல்….!!
*
உன்னிதயச் சுவரில்
சித்திரமாய் வரைந்து
வைத்திருக்கிறாயே?
அவன் உருவம்.
அது யாருக்குமே
வெளியில் தெரியாமல்
வழிப்பட்டு, நீயெங்யோ?
வாழ்ந்துக் கொண்டிருப்பது
அனுமானிக்க முடிகிறது.
அறிந்தவனுக்குத் தெரியும்
அது உனக்கும் புரியும்….!!

*

by **நண்பன்** Thu 5 Feb 2015 - 9:31

கவிப்புயல் இனியவன் wrote:SUPER
நன்றி

இன்னும் எதிர் பார்கிறேன் கவிஞரே

by **ந.க.துறைவன்** Thu 5 Feb 2015 - 9:45

பாராட்டுக்கு மிக்க நன்றி இனியவன்...

by **ந.க.துறைவன்** Thu 5 Feb 2015 - 9:46

பாராட்டுக்கு நன்றி நண்பன்...

by **Nisha** Thu 5 Feb 2015 - 23:51

ந.க.துறைவன் wrote:அறிதல்….!!
*
உன்னிதயச் சுவரில்
சித்திரமாய் வரைந்து
வைத்திருக்கிறாயே?
அவன் உருவம்.
அது யாருக்குமே
வெளியில் தெரியாமல்
வழிப்பட்டு, நீயெங்யோ?
வாழ்ந்துக் கொண்டிருப்பது
அனுமானிக்க முடிகிறது.
அறிந்தவனுக்குத் தெரியும்
அது உனக்கும் புரியும்….!!

*

இது சரி!

யாரை வரைந்தேன்னு நான் தேடித்தான் கண்டு பிடிக்கணும்!

by **ந.க.துறைவன்** Fri 6 Feb 2015 - 9:42

தேடிக் கண்டு பிடிங்க மேடம்... பாராட்டுக்கு நன்றி.

by **ந.க.துறைவன்** Sun 22 Feb 2015 - 6:58

துக்கப் பால்…!!
*
உன் மரணச் செய்தி
உடனடியாய் அறிந்து
பரபரப்பாய் சுடலைக்கு வந்து
புன்னகைச் சிந்திய
உன் வாய்க்கு
வாக்கரிசிப் போட்டான்.
நன்றியோடு
இன்பத்துப் பால்
ஊட்டிய உனக்குத்
துக்கப் பால்
ஊற்றுகிறான் பார்….!!

*

by **ந.க.துறைவன்** Sat 7 Mar 2015 - 4:47

சுமுகமானத் தீர்வு…!!
*
எப்பொழுதுப் பிரச்சினைகள் எவரால் வெடித்து
எழுமென்று யாரும் எதிர்ப்பார்க்க முடியாது
எதிர்ப்பார்த்து நிகழ்வதுமல்ல பிரச்சினைகள்
எதிர்பாராமல் நொடியில் நடந்தேறி
எல்லோரையும் கதிகலங்கச் செய்து
எல்லோர் முகங்களிலும் துயர ரேகை
படர விட்டு மற்றவர்கள் எள்ளி நகையாட
செவ்வாய்க்கு கிடைக்கும் அவலாய்
அமைந்து விடுகின்றது பிரச்சினைகள்.
தேடினால் கிடைப்பதில்லை
பிரச்சினைக்குத் தீர்வு
தேடாமலேயே சுயமாய் உதிக்கிறது
சுமுகமானத் தீர்வு….!!
*

by **சே.குமார்** Sun 8 Mar 2015 - 18:56

தேடினால் கிடைப்பதில்லை
பிரச்சினைக்குத் தீர்வு
தேடாமலேயே சுயமாய் உதிக்கிறது
சுமுகமானத் தீர்வு….!!

உண்மையான வரிகள் ஐயா.

by Sponsored content

ந.க. துறைவன் பித்தப் பூக்கள்...!!.

ந.க. துறைவன் பித்தப் பூக்கள்...!!.

Re: ந.க. துறைவன் பித்தப் பூக்கள்...!!.

Re: ந.க. துறைவன் பித்தப் பூக்கள்...!!.

Re: ந.க. துறைவன் பித்தப் பூக்கள்...!!.

Re: ந.க. துறைவன் பித்தப் பூக்கள்...!!.

Re: ந.க. துறைவன் பித்தப் பூக்கள்...!!.

Re: ந.க. துறைவன் பித்தப் பூக்கள்...!!.

Re: ந.க. துறைவன் பித்தப் பூக்கள்...!!.

Re: ந.க. துறைவன் பித்தப் பூக்கள்...!!.

Re: ந.க. துறைவன் பித்தப் பூக்கள்...!!.

Re: ந.க. துறைவன் பித்தப் பூக்கள்...!!.

Re: ந.க. துறைவன் பித்தப் பூக்கள்...!!.

Re: ந.க. துறைவன் பித்தப் பூக்கள்...!!.

Re: ந.க. துறைவன் பித்தப் பூக்கள்...!!.

Re: ந.க. துறைவன் பித்தப் பூக்கள்...!!.

Re: ந.க. துறைவன் பித்தப் பூக்கள்...!!.

Re: ந.க. துறைவன் பித்தப் பூக்கள்...!!.

Re: ந.க. துறைவன் பித்தப் பூக்கள்...!!.

Re: ந.க. துறைவன் பித்தப் பூக்கள்...!!.

Re: ந.க. துறைவன் பித்தப் பூக்கள்...!!.

Re: ந.க. துறைவன் பித்தப் பூக்கள்...!!.

Re: ந.க. துறைவன் பித்தப் பூக்கள்...!!.

Re: ந.க. துறைவன் பித்தப் பூக்கள்...!!.

Re: ந.க. துறைவன் பித்தப் பூக்கள்...!!.

Re: ந.க. துறைவன் பித்தப் பூக்கள்...!!.

Re: ந.க. துறைவன் பித்தப் பூக்கள்...!!.