அரசியல் களம் - இலங்கை (தேர்தல் முடிவுகள் உடனுக்குடன்)

by **நேசமுடன் ஹாசிம்** Sat 20 Dec 2014 - 7:25

எதிர்வரும் 2015ம் ஆண்டு ஐனவெரி 08ம் திகதி இடம்பெற இருக்கின்ற ஜனாதிபதித்தேர்தல் சம்பந்தமான சூடான செய்திகளும் தகவல்களும் இன்று மிகவும் பேசம்படும் விடயமாக திகழ்கிறது.

அனைத்து செய்திகளையும் இங்கு ஒரே திரியில் இட்டு எமது கருத்துகளையும் பகிர்வோம்

by **நேசமுடன் ஹாசிம்** Sat 20 Dec 2014 - 7:29

வடக்கு கிழக்கு மக்கள் மைத்திரிபால சிறிசேனவையே ஆதரிக்கின்றனர்!– விக்ரமபாகு கருணாரட்ன

வடக்கு கிழக்கு வாழ் தமிழ் முஸ்லிம் மக்கள் எதிர்க்கட்சிகளின் பொது வேட்பாளர் மைத்திரிபால சிறிசேனவையே ஆதரிக்கின்றார்கள் என புதிய இடதுசாரி முன்னணியின் தலைவர் விக்ரமபாகு கருணாரட்ன தெரிவித்துள்ளார்.

எதிர்வரும் ஜனாதிபதி தேர்தலில் வடக்கு கிழக்கு வாழ் தமிழ், முஸ்லிம் மக்களின் வாக்குகள் யாருக்கு கிடைக்கும் மஹிந்தவிற்கா? அல்லது மைத்திரிக்கா என ஊடகமொன்று எழுப்பிய கேள்விக்கு பதிலளித்த போது அவர் இதனைக் குறிப்பிட்டுள்ளார்.

மைத்திரிபால சிறிசேனவிற்கு தெளிவாக வடக்கு கிழக்கு தமிழ், முஸ்லிம் மக்கள் ஆதரவளிக்கின்றனர்.

ஏற்கனவே மைத்திரிபால சிறிசேனவிற்காக வடக்கு கிழக்கில் பிரச்சாரப் பணிகள் ஆரம்பிக்கப்பட்டுள்ளன.

வடக்கு கிழக்கில் தமிழ் மக்களே பெரும்பான்மையாக வாழ்கின்றனர்.
எதிர்வரும் ஜனாதிபதி தேர்தலின் போது வடக்கு கிழக்கு வாழ் தமிழ், முஸ்லிம்கள் மைத்திரிபால சிறிசேனவிற்கு பூரண ஆதரவளிப்பார்கள் என்பதனை உறுதிபடக் கூற முடியும் என விக்ரமபாகு கருணாரட்ன தெரிவித்துள்ளார்.

by **நேசமுடன் ஹாசிம்** Sat 20 Dec 2014 - 7:30

முஸ்லிம் மக்கள் மைத்திரிபால சிறிசேனவையே ஆதரிக்கின்றனர்!– முஜிபுர் ரஹ்மான்

முஸ்லிம் மக்கள் மைத்திரிபால சிறிசேனவையே ஆதரிக்கின்றனர் என ஐக்கிய தேசியக் கட்சியின் மேல் மாகாணசபை உறுப்பினர் முஜிபுர் ரஹ்மான் தெரிவித்துள்ளார்.

கடந்த காலங்களில் தேசிய ஒற்றுமையை ஏற்படுத்த ஜனாதிபதி மஹிந்த ராஜபக்சவிற்கு சந்தர்ப்பம் காணப்பட்டது.

எனினும், ஜனாதிபதி மஹிந்த தேசிய ஒற்றுமையை ஏற்படுத்த முனைப்பு காட்டவில்லை.

பொதுபல சேனா அமைப்பின் ஊடாக இனவாதத்தை தூண்டினார்.
இதனால் முஸ்லிம் மக்கள் கடும் மன வேதனையுடன் இருக்கின்றார்கள்.
இந்த அரசாங்கம் தொடர்ச்சியாக இருந்தால் இலங்கையும் இன்னுமொரு மியன்மாராக மாற்றமடையும்.

எனவே முஸ்லிம் மக்களின் ஆதரவு எதிர்வரும் ஜனாதிபதி தேர்தலில் பொது வேட்பாளர் மைத்திரிபால சிறிசேனவிற்கேயாகும்.

மஹிந்தவை வெற்றியீட்டச் செய்ய எவரேனும் முஸ்லிம் இணைந்து கொண்டால் அவருக்கு மூளையில் ஏதேனும் பிரச்சினை இருக்கும் என முஜிபுர் ரஹ்மான் தெரிவித்துள்ளார்.

பொதுபல சேனாவின் ஆதரவு ஜனாதிபதிக்கு வழங்கப்பட உள்ளதாம், முஸ்லிம்களின் வாக்கு யாருக்கு அளிக்கப்படும் கொழும்பு ஊடகமொன்று எழுப்பிய கேள்விக்கு பதிலளித்த போது முஜிபுர் ரஹ்மான் இதனைத் தெரிவித்துள்ளார்.

by **நேசமுடன் ஹாசிம்** Sat 20 Dec 2014 - 7:32

எதிரணியின் வாக்குறுதிகள் பாலர் வகுப்பின் செயற்பாட்டினை ஒத்தது
அரச ஊழியர்கள் தொடர்பில் பொது வேட்பாளர் மைத்திரிபால சிறிசேனவின் சிந்தனைகள் அனைத்தும் ஐ.தே.க.வின் கொள்கையை அடிப்படையாக கொண்டதாகும். மேலும் எதிரணியின் தேர்தல் வாக்குறுதிகள் அனைத்தும் பாலர் வகுப்பின் செயற்பாட்டினை ஒத்ததாகும் என உள்நாட்டு அலுவல்கள் அமைச்சர் ஜோன் செனவிரத்ன குற்றம் சுமத்தினார்.
அரசியல் களம் - இலங்கை (தேர்தல் முடிவுகள் உடனுக்குடன்) Jhon-senwirathne

அரசியல் களம் - இலங்கை (தேர்தல் முடிவுகள் உடனுக்குடன்) Jhon-senwirathne

நான் ஒரு போதும் கட்சியிலிருந்து விலக போவதில்லை. இதற்கு பிறகு அரசிலிருந்து எவரும் கட்சி தாவ போவதுமில்லை. எதிரணியின் பிரசாரப் பணிகளுக்கு விரைவில் சர்வதேசத்தின் நிதி உதவிகள் கிடைக்கபெறவுள்ளது என்றும் அவர் சாடினார்.
கொழும்பு ஸ்ரீலங்கா சுதந்திரக் கட்சி தலைமையகத்தில் நேற்று இடம்பெற்ற ஊடகவியலாளர் மாநாட்டின் போதே அமைச்சர் இவ்வாறு தெரிவித்தார்.
அங்கு அவர் மேலும் கருத்து தெரிவிக்கையில்,
அரச ஊழியர்களுக்கு பல சலுகைகளை வழங்கப் போவதாக பொது வேட்பாளர் மைத்திரிபால சிறிசேனவின் பத்திரிகை விளம்பரங்களில் குறிப்பிடப்படுகின்றன. எதிர்வரும் 23, 24 ஆம் திகதிகளில் நடத்தப்படவுள்ள தபால் மூல வாக்களிப்பினை இலக்காகக் கொண்டே இவ்வாறான வாக்குறுதிகள் வழங்கப்படுகின்றன.
அத்தோடு அரச ஊழியர்களுக்கு 10,000 ரூபா சம்பள உயர்வினை வழங்குவாக 2010 ஆம் ஆண்டு சரத் பொன்சேகா வழங்கிய வாக்குறுதிகளையே மைத்திரிபால சிறிசேனவும் வழங்கியுள்ளார்.
எனினும் 2010 ஆம் ஆண்டு ஜனாதிபதி தேர்தலின் போது 2,500 ரூபா சம்பள உயர்வினை வழங்குவதாக உறுதியளித்த மஹிந்த ராஜபக் ஷவிற்கே அரச ஊழியர்கள் வாக்கு அளித்தனர். எனவே இம்முறையும் அதே நிலைமைதான். எனினும் குறித்த 10,000 ரூபாவில் முற்கொடுப்பனவாக 5,000 ரூபாவை பெப்ரவரி மாதம் வழங்க இருப்பதாக கூறுகின்றனர்.
எவ்வாறாயினும் எமது அரசாங்கம் இம்முறை வரவு செலவுத் திட்டத்தினூடாக 5000 ரூபா கொடுப்பனவுகளை வழங்கியதுடன் அடிப்படை சம்பளத்தை 15000 ரூபாவாக மாற்றியுள்ளது.
அத்தோடு 2005 ஆம் ஜனாதிபதி தேர்தலின் இலங்கையின் மீள் எழுச்சி என்ற கொள்கை பிரகடனத்தில் அரச ஊழியர்களின் தொகையை 3 இலட்சமாக குறைக்க திட்டமிட்டனர். மேலும் அரச நிறுவனங்களை தனியார் மயப்படுத்தவும் முனைந்துள்ளனர்.
எனினும் மஹிந்த ராஜபக் ஷ அரச ஊழியர்களின் தொகையை 14 இலச்சமாக அதிகரித்தார். எனவே எதிரணியினர் சிங்கப்பூர் நாட்டின் கொள்கையை இங்கே அமுல்படுத்த பார்க்கின்றனர். அரச ஊழியர்கள் தொடர்பில் பொது வேட்பாளர் மைத்திரிபால சிறிசேனவின் சிந்தனைகள் ஐ.தே.க. வின் கொள்கையை அடிப்படையாக கொண்டது. அரச ஊழியர்களுக்கு அதிகளவில் நிவாரணங்களை வழங்கியது மஹிந்த ராஜபக் ஷவின் அரசாங்கமாகும்.
கட்சி தாவப்வில்லை
நான் கட்சி தாவ போவதாக வதந்திகள் வெளியான வண்ணம் உள்ளன. எனினும் நான் ஒரு போதும் கட்சி தாவபோவதில்லை. அரசிலிருந்து எவரும் இனிமேல் கட்சி தாவப்போவதுமில்லை.இதேவேளை மைத்திரிபால சிறிசேன வெற்றி பெற்றவுடன் நிறைவேற்றுவதாக உறுதிமொழி அளித்த வாக்குறுதிகள் அனைத்து பாலர் பாடசாலையின் செயற்பாட்டினை ஒத்தது. குறித்த வாக்குறுதிகளை எந்த தருணத்திலும் நிறைவேற்ற இயலாது. இவையணைத்தும் சர்வேசத்தின் விருப்பின் படி அளிக்கும் வாக்குறுதிகளாகும்.
எதிரணியில் தேர்தல் பிரசார பணிகளுக்கு விரைவில் சர்வதேசதிடமிருந்து நிதி உதவி கிடைக்கப் பெறும்.
மேலும் மைத்திரிபால நிறைவேற்று அதிகாரம் கொண்ட ஜனாதிபதி முறைமையின் சில அதிகாரங்களை தன்வசம் வைத்து கொள்வேன் என கூறியுள்ளார். இதற்கமைய நிறைவேற்று ஜனாதிபதி அதிகாரங்களை பெறும் நிலைபாட்டியிலேயே அவர் உள்ளார்.அத்தோடு ரணில் விக்கிரமசிங்க உப பிரதமர் பதவியை கொண்டு வருவதாக கூறியுள்ளார். எனவே இலங்கை நாட்டை சீரழிக்க முனையும் சர்வதேச சதித்திட்டத்தின் ஓர் அங்கமாகும் என்றார்.

by **நேசமுடன் ஹாசிம்** Sat 20 Dec 2014 - 7:45

ஜனாதிபதி மஹிந்த ராஜபக்ஷவின் அரசாங்கம் தோற்கடிக்கப்பட்ட பின்னர் புதிதாக அமைக்கப்படும் எமது ஆட்சியில் யுத்தம் ஒன்று ஏற்படவும் புலிகள் மீண்டும் தலைதூக்கவும் ஒருபோதும் இடமளிக்கமாட்டோம் என்று பொது எதிரணியின் பொது வேட்பாளர் மைத்திரிபால சிறிசேன தெரிவித்தார்.
அரசியல் களம் - இலங்கை (தேர்தல் முடிவுகள் உடனுக்குடன்) Maithri_2

அரசியல் களம் - இலங்கை (தேர்தல் முடிவுகள் உடனுக்குடன்) Maithri_2

நாட்டில் சுதந்திரத்தையும் ஜனநாயகத்தையும் உறுதிபடுத்தி பசி பட்டினி அவலத்தை போக்கி சட்டத்தின் ஆட்சியைஉறுதிபடுத்தி சிறந்த செயற்திறனான பக்கச்சார்பற்ற அரச சேவையை உருவாக்கி தொழில் வாய்ப்புக்களை உருவாக்கி நாட்டை கட்டியெழுப்புவோம் என்றும் அவர் குறிப்பிட்டார்.
நாங்கள் ஆட்சிக்கு வந்தால் நாட்டில் அரசியல் ஸ்திரமற்றத்தன்மை எற்படும் என்று கூறுகின்றனர். இந்த நாட்டில் தற்போதுதான் அரசியல் ஸ்திரமின்மை ஏற்பட்டுள்ளது. எமது ஆட்சியில் நாட்டில் அரசியல் ஸ்திரத்தை ஏற்பபுடுத்த்த நடவடிக்கை எடுப்போம் என்றும் அவர் குறிப்பிட்டார்.
கொழும்பு விஹாரமகாதேவி பூங்காவில் நேற்று இடம்பெற்ற பொது எதிரணியின் தேர்தல் விஞ்ஞாபனத்தை வெளியிடும் நிகழ்வில் கலந்துகொண்ட பொது வேட்பாளர் விஞ்ஞாபனத்தை வெளியிட்ட பின்னர் உரையாற்றுகையிலேயே மேற்கண்டவாறு குறிப்பிட்டார்.
எதிர்க்கட்சித் தலைவர் ரணில் விக்ரமசிங்க மற்றும் ஐக்கிய தேசிய கட்சியின் பாராளுமன்ற உறுப்பினர்கள் மாகாண சபை உறுப்பினர்கள் அரசியல் கட்சிகளின் தலைவர்கள் சிவில் அமைப்புக்களின் பிரதிநிதிகள் உள்ளிட்ட பலர் இந்த நிகழ்வில் கலந்துகொண்டனர்.
பொது வேட்பாளர் மைத்திரிபால சிறிசேன அங்கு மேலும் உரையாற்றுகையில்,
மக்கள் ஆதரவு அதிகரிப்பு
பொது வேட்பாளர் என்ற ரீதியில் இன்றைய தினம் எனக்கு மிகவும் மகிழ்ச்சிக்குரியதாகும். எதிர்வரும் எட்டாம் திகதி எமது வெற்றி உறுதி செய்யப்பட்டுள்ளது. மிகவும் வெற்றிகரமான தேர்தல் பிரசார செயற்பாட்டை முன்னெடுத்துச் செல்லும் எமக்கு மக்களின் அமோக ஆதரவு கிடைத்துவருகின்றது. அந்த ஆதரவு எதிர்வரும் 8 ஆம் திகதி பாரிய வெற்றியாக பரிணமிக்கும்.
1948 ஆம் ஆண்டிலிருந்து பதவிக்கு வந்த பல அரசாங்கங்கள் நாட்டை அபிவிருத்தி செய்யவும் வேலைத்திட்டங்களை முன்னெடுக்க முயற்சித்தன. ஆனால் ஜனாதிபதி மஹிந்த ராஜபக்ஷவின் அரசாங்கமானது நாட்டின் சுதந்திரத்தையும் ஜனநாயகத்தையும் அழித்துவருகின்றது. அரச .வளங்களை ஒரு குடும்பம் அனுபவித்துவருகின்றது.
மக்கள் பதலிளிப்பார்கள்
அதனால் தான் பொது நோக்கத்துடன் நாங்கள் களமிறங்கியுள்ளோம். தர்மத்துடன் வாழ்பவன் தர்மத்தினால் பாதுகாக்கப்படுவான். அதனடிப்படையிலேயே எங்கள் தேர்தல் பயணத்.தையே நாங்கள் ஆரம்பித்துள்ளோம். எமது தேர்தல் பயணத்தை தடுப்பதற்கும் இடையூறு செய்வதற்கும் தேர்தல் சட்டங்களை மீறியும் மேலும் பல செயற்பாடுகளையும் மேற்கொண்டும் முயற்சிக்கின்றனர். இவற்றுக்கு எதிர்வரும் எட்டாம் திகதி நாட்டு மக்கள் பதலிளிப்பார்கள். ஜனாதிபதி மஹிந்த ராஜபக்ஷ தலைமையிலான அரசாங்கத்தை மக்கள் எதிர்வரும் எட்டாம் திகதி தோற்கடிப்பார்கள்.
குரோதம் வைராக்கியம் இல்லை
எமக்கு என்னதான் தடைகளை ஏற்படுத்தினாலும் எவ்வளவு எதிர்ப்புக்களை செய்தாலும் நாங்கள் யாருக்கும் வைராக்கியம் செய்யமாட்டோம். நாங்கள் யாருக்கும் குரோதமாக செயற்படமாட்டோம். இந்த நாட்டை அகிம்சை வழியில் முன்கொண்டு செல்வோம்.
நாட்டில் சுதந்திரத்தையும் ஜனநாயகத்தையும் உறுதிபடுத்தி பசி பட்டினி அவலத்தை போக்கி சட்டத்தின் ஆட்சியைஉறுதிபடுத்தி சிறந்த செயற்திறனான பக்கச்சார்பற்ற அரச சேவையை உருவாக்கி தொழில் வாய்ப்புக்களை உருவாக்கி நாட்டை கட்டியெழுப்புவோம். இதற்காக நாங்கள் அர்ப்பணிப்புடன் செயற்படுவோம்.
புலி வர முடியாது
நாங்கள் எதிர்வரும் எட்டாம் திகதி தேர்தலில் வெற்றிபெற்றுவிட்டால் நாட்டில் மீண்டும் யுத்தம் வரும் என்று ஜனாதிபதி மஹிந்த ராஜபக்ஷ அரசாங்கம் கூறிவருகின்றது. ஆனால் யுத்தத்தை வெற்றிக்கொண்ட சரத் பொன்சேகா எம்முடன் இருக்கின்றார். எனவே அவர் ஒருபோதும் புலிகள் மீண்டும் தலைதூக்குவதற்கு இடமளிக்கமாட்டார். மீண்டும் யுத்தம் ஏற்படுவதற்கும் இடமளிக்கமாட்டோம்.
ஐந்து தடவை பதில் பாதுகாப்பு அமைச்சர்
நான் இந்த நாட்டில் ஐந்து தடவைகள் பதில் பாதுகாப்பு அமைச்சராக இருந்துள்ளேன். யுத்தத்தின் இறுதிக் கட்டத்தில் பதில் பாதுகாப்பு அமைச்சராக இருந்துள்ளேன். புலிகளின் ஐந்து தாக்குதல் முயற்சிகளுக்கு இலக்காகியுள்ளேன். மேலும் முன்னாள் ஜனாதிபதி சந்திரிகா குமாரதுங்க 1999 ஆம் ஆண்டு புலிகளின் குண்டுத் தாக்குதலுக்கு உள்ளானார். அவர் அதில் ஒரு கண்ணை இழந்தார். இவ்வாறு பாதிப்புக்களை சந்தித்துள்ள நாங்கள் புலிகளினதும் சர்வதேச சக்திகளினதும் சதி முயற்சிகளுக்கு துணைபோவோமா? இல்லை. ஒருபோதும் அவ்வாறு இடம்பெறமாட்டாது.
பொறுப்புடன் கூறுகின்றோம்
இந்த நாட்டுக்கு பாரிய சேவையாற்றியுள்ள ரணில் விக்ரமசிங்கவும் ஒருபோதும் புலிகள் மீண்டும் தலைதூக்க இடமளிக்கமாட்டார். எனவே இந்த விடயத்தை இங்கு பொறுப்புடன் கூறுகின்றோம். அதாவது ஜனாதிபதி மஹிந்த ராஜபக்ஷவின் அரசாங்கம் நீக்கப்பட்டு அமைக்கப்படும் எமது புதிய ஆட்சியில் யுத்தம் ஒன்றும் ஏற்படவும் புலிகள் மீண்டும் தலைதூக்கவும் இடமளிக்கமாட்டோம்.
நாங்கள் ஆட்சிக்கு வந்தால் நாட்டில் அரசியல் ஸ்திரமற்றத்தன்மை எற்படும் என்று கூறுகின்றனர். இந்த நாட்டில் தற்போதுதான் அரசியல் ஸ்திரமின்மை ஏற்பட்டுள்ளது. இந்த நாட்டை பாராளுமன்றமோ அமைச்சரவையோ நிர்வகிக்கவில்லை. மாறாக ஒரு குடும்பமே நிர்வகிக்கின்றது. "எனவே எமது ஆட்சியில் நாட்டில் அரசியல் ஸ்திரத்தை ஏற்பபுடுத்த்த நடவடிக்கை எடுப்போம்.
விஞ்ஞாபனம்
எமது தேர்தல் விஞ்ஞாபனத்தில் எவ்வாறு செயற்பாடுகளை முன்னெடுப்பது என்று குறிப்பிட்டுள்ளோம். 100 நாட்களில் நிறைவேற்று அதிகாரம் கொண்ட ஜனாதிபதி முறையை எவ்வாறு நீக்குவது அதன் பின்னர் எனது பணி எ்வ்வாறு அமையும்? 100 நாட்களின் பின்னரான அரசாங்கம் எவ்வாறு அமையும் என்பது உள்ளிட்ட பல்வேறு விடயங்கள் தெளிவான முறையில் முன்வைக்கபபட்டுள்ளன. இந்த விவகாரங்களில் இதுவரை நிலவிவந்த குழப்பங்களுக்கு இன்று தீர்வு கிடைத்துள்ளது. இந்த கொள்கை பிரகடனத்தில் உள்ள விடயங்களை முழுமையான நடைமுறைப்படுத்துவேன் என்று உங்கள் முன் வாக்குறுதியளிக்கின்றேன்.
தேர்தல் சட்டங்களை மீறுகின்றனர்
ஜனாதிபதி மஹிந்த ராஜபக்ஷ தலைமையிலான அராசங்கம் தேர்தல் சட்டதிட்டங்களை அப்பட்டமாக மீறிவருகின்றது. ஆனால் அது அவர்களுக்கு தீமையாக அமையப்போகின்றது. நான் இரண்டாவது தடவை ஜனாதிபதியாக வருவதற்காக இம்முறை போட்டியி்டவில்லை. நாட்டில் ஜனநாயகத்தை ஏற்படுத்தவும் பண்பான சமூகத்தை கட்டியெழுப்பவுமே பொது வேட்பாளராக களமிறங்கியுள்ளேன்.
மத நல்லிணக்கம்
பௌத்த மதம் உள்ளிட்ட அனைத்து மதங்களுக்கு இடையில் நலலிணக்கம் ஏற்படுத்தப்படும. இனங்களுக்கு இடையில் நல்லிணக்கம் ஏற்படுத்தப்படும். அனைத்து இன மக்களையும் ஒன்றிணைத்து நாட்டை முன்கொண்டு செல்வோம். எமது எதிர்கால அரசாங்கம் சுத்தமான வெளிநாட்டுக் கொள்கையை நடைமுறைப்படுத்தும். இன்று உலகளவில் எமது நாடு ஓரம்கட்டப்பட்டுள்ளது. எனவே சிறந்த முறையில் இதனை திட்டமிட்டு முன்னெடுப்போம்.
ரணிலின் தியாகம்
என்னை பொதுவேட்பாளராக ஏற்றதன் மூலம் ஐக்கிய தேசிய கட்சியின் தலைவர் ரணில் விக்ரமசிங்க பாரிய அர்ப்பணிப்பையும் தியாகத்தையும் செய்துள்ளார். இதனை நாம் மறக்கக்கூடாது. அதற்காக நான் எனது நன்றியை தெரிவிக்கின்றேன். மேலும் என்னுடன் கைகோர்த்துள்ள அரசியல் கட்சிகள் சிவில் அமைப்புக்கள் மற்றும் தொழிற்சங்கங்களுக்கும் நன்றி தெரிவிக்கின்றேன்.
பக்கசார்பாக அரச ஊடகங்கள்
அரச ஊடகங்கள் மிகவும் பக்கச்சார்பான முறையில் செயற்பட்டுவருகின்றன. என்னை கேவலப்படுத்தி சேறுபூசும் நடவடிக்கைகளில் ஈடுபட்டுள்ளன. எனது குரலை பயன்படுத்தி உண்மைக்கு புறம்பான விடயங்களை வெளியிடுகின்றனர். ஆனால் அந்த அரச ஊடகங்களில் பணியாற்றும் ஊடகவியலாளர்களுக்காக நானங அனுதாபப்படுகின்றேன். அவர்களை நான் வெறுக்கவில்லை. அரச ஊடகங்களில் பணியாறறுகின்றவர்களுக்கு உள்ள அழுத்தங்கள் எனக்குத் தெரியும்.
எனது பழைய குரல்
மேலும் தற்போது நான் முன்னர் பேசிய விடயங்களை ஜனாதிபதியின் தேர்தல் பிரசாரத்துக்காக பயன்படுத்துகின்றனர். ஜனாதிபதி தனது வெறறிக்காக எனது குரலை பயன்படுத்துவது குறித்து நான் மகிழ்ச்சியடைகின்றேன். கடந்த 10 வருடங்களாக ஜனாதிபதியின் ஆடசி பலமடைய எனது குரல் தேவைப்பட்டது. இந்நிலையில் தற்போதும் எனது குரல் அவர்களுக்கு தேவைப்பட்டுள்ளமை குறித்து மகிழ்ச்சியடைகின்றேன். அவர்கள் தற்போது எனது குரலை பயன்படுத்துகின்றனர். ஆனால் அவை பழைய கதைகள் என்று மக்களுக்கு தெரியும். எனது புதிய கதை மற்றும் புதிய கொள்கை குறித்துமக்கள் தெரிந்துகொண்டுள்ளனர்.

by **நேசமுடன் ஹாசிம்** Sat 20 Dec 2014 - 7:51

மைத்திரியின் தேர்தல் வாக்குறுதிகள்
பொது எதிரணியின் வேட்பாளர் மைத்திரி பால சிறிசேன நேற்று தனது தேர்தல் விஞ்ஞாபனத்துடன் 100 நாள் வேலைத்திட்டம் ஒன்றை முன்வைத்துள்ளார். அந்த 100 நாள் திட்டத்தில் செயற்படுத்தப்படும் பொருளாதார சமூகம் சார் செயற்பாடுகளின் விபரம் வருமாறு.
1. அரச ஊழியர்களுக்கு 10000 ரூபா சம்பள அதிகரிப்பினை வழங்குதல் மற்றும் அதன் ஆரம்பமாக உடன நடைமுறைக்கு வரும் வகையில் பெப்ரவரி மாத சம்பளத்திற்கு 5000 ரூபா சம்பள அதிகரிப்பை வழங்குதல். அனைத்து கொடுப்பனவுகளையும் உள்ளடக்கி ஒன்றிணைந்த சம்பளம் நிர்ணயிக்கப்பட்டதன் பின்னர் மிகுதி தொகையுடன் மிகுதி சம்பள அதிகரிப்பை வழங்குதல்.
2. மோட்டார் சைக்கிள் வழங்கும் போது அசாதாரணத்திற்கு உள்ளான அரச ஊழியர்கள் தொடர்பில் ஆராய்ந்து பார்த்து அவர்களுக்கும் நிவாரணம் வழங்குதல்.
3. அரசியல் அடிமை வேலைகளுக்கு உட்படுத்தப்பட்டுள்ள பட்டதாரிகளை அரச சேவைக்கு உள்ளீர்த்து அவர்களின் தகைமைகளுக்கு ஏற்ற பதவி உயர்வு திட்டத்தை ஏற்படுத்தல்.
4. ஓய்வூதியதாரர்களின் வேற்றுமையை அகற்றும் வகையில் அவர்களுக்கு 3500 ரூபா மாதாந்த மேலதிக கொடுப்பனவை பெற்றுக்கொடுத்தல்.
5. அரச வங்கிகளில் உள்ள சிரேஷ்ட பிரஜைகளின் நிலையான வைப்புக்களில் முதல் 10 இலட்சத்திற்காக செலுத்தப்ப டும் வட்டியை 15% வரை அதிகரித்தல்.
6. சமுர்த்தி கொடுப்பனவை அதிகப்பட்சம் 200 ரூபா வரை அதிகரித்தல்.
7. குழந்தையை பிரசவிக்கும் அனைத்து தாய்மாருக்கும் போசணைமிகு உணவை பெற்றுக்கொள்வதற்காக 20000 ரூபா வரையான கொடுப்பனவை பெற்றுக்கொடுத்தல்.
8. அத்தியாவசியப்பொருட்கள் பத்துக்காக அறவிடப்படும் அதிக வரியை அகற்றி விலையை குறைத்தல். அதற்கு இணையாக அத்தியாவசிய உணவு உற்பத்தியில் ஈடுபட்டுள்ள உள்நாட்டு உற்பத்தியாளர்களை பாதுகாப்பதற்கு தேவையான நடவடிக்கை எடுத்தல்.
9. எரிபொருட்களினால் அரசு அறவிடும் 4000 கோடிக்கும் அதிகமான வரியை அகற்றி, எரிப்பொருட்களின் விலையை குறைத்து அதன் பலனை பொது மக்களுக்கு பெற்றுக்கொடுத்தல்.
10. போக்குவரத்து கைத்தொழிலுக்கு தேவையான ஊக்குவிப்பு கொடுப்பனவு பெற்றுக்கொடுத்து அரசு மற்றும் தனியார் துறையின் பொது போக்குவரத்து சேவையின் வினைத்திறனை உயர்த்த நடவடிக்கை எடுத்தல்.
11. வீட்டு கேஸ் சிலின்டரின் விலையை 300 ரூபாவால் குறைத்தல்.
12. நெல் கொள்வனவுக்கான உத்தரவாத விலை ஒரு கிலோவுக்கு50 ரூபா வரை அதிகரித்தல்.
13. உருளைக்கிழங்கு ஒருகிலோவுக்கான கொள்வனவுக்கான உத்தரவாத விலை 80 ரூபா வரை அதிகரித்தல்.
14. பச்சை தேயிலை கொழுந்து ஒரு கிலோ வுக்கு 80 – -90 ரூபா வரையான மிதக்கும் விலையை பேணுதல்.
15. இறப்பருக்கு 350 ரூபா மிதக்கும் விலையைப் பேணுதல்.
16. பாற்பண்ணையாளர்களுக்கு ஒரு லீற் றர் பாலுக்கு தற்போது செலுத்தப்படும் 60 ரூபா உத்தரவாத விலையை 10ரூபாவால் அதிகரித்தல்.
17. அனைத்து விவசாய கடன்களையும் 50%த்தால் கழித்து செலுத்தவுள்ள மிகுதி தொகையை மீளாய்வு செய்து செலுத் துவதற்கு சலுகைக்காலம் வழங்குதல்.
18. தற்போது வழங்கப்படும் மண்ணுக்கும் பயிர்ச்செய்கைக்கும் மனிதனுக்கும் தீங்கு விளைவிக்கும் தரம் குறைந்த உரத்திற்காக உயர் நிலையிலான மற்றும் தரத்திலான உரத்தை வழங்குதல்.
19. தற்போது வழங்கப்படும் தரம் குறைந்த உரத்திற்குப் பதிலாக தரத்திலான உரத் தை சிறிய தேயிலை தோட்ட உரிமையாளர்களுக்கும் பெற்றுக்கொடுக்க நடவடிக்கை எடுத்தல்.
20. நடுக்கடலில் உயிரிழக்கும் மீனவருக்காக பத்து இலட்சம் வரையான காப்புறுதியினை அரச பங்களிப்புடன் பெற்றுக்கொடுத்தல்.
21. விவசாயிகளுக்கு பயிர்சேத காப்புறுதியினை அரச பங்களிப்புடன் பெற்றுக்கொடுத்தல்.

22. விவசாய,மீனவ சமூகத்திற்காக புதிய ஓய்வூதிய சம்பள திட்டத்தை ஆரம்பித் தல்.
23. முச்சக்கர வண்டி சாரதிகள், மேசன் அல்லது தச்சு, சிறிய வர்த்தகம் உள்ளிட்ட தொழிற்றுறைகளில் ஈடுபட்டுள் ளவர்களுக்காக ஓய்வூதிய திட்டம் ஒன்றை ஆரம்பித்தல்.
24. வெளிநாட்டில் தொழில் புரியும் ஊழியர்களுக்கு ஓய்வூதிய திட்டம் ஒன்றை ஆரம்பித்தல் மற்றும் அவர்களின் இந்நாட்டு வதியாதோர் கணக்குக்கு 2.5% வட்டியினை தற்போது வழங்கப்படும் வட்டி வீதத்திற்கு சேர்த்தல்.
25. மத்திய கிழக்கு உள்ளிட்ட வெளிநாடுகளில் தொழில் புரியும் இலங்கையர் களின் குடும்பத்தை பார்த்துக்கொள் வதற்காக விஷேட குடும்ப காப்பு வேலைத்திட்டத்தை ஆரம்பித்தல்.
26. அதிகபட்சம் இரண்டு இலட்சம் ரூபா பெறுமதி வரை அடகு வைத்துள்ள தங்க நகைகளுக்கு செலுத்த வேண்டிய அதிக வட்டி மற்றும் தண்ட பணத்தை அகற்றுதல்.
27. பல்வேறு நிதி நிறுவனங்களினால் வழங்கப்பட்ட உறுதி, கடனட்டை திட் டம் மற்றும் பிரமிட் திட்டம் மூலம் ஏமாற்றத்திற்கு உள்ளானமையினால் சிக்கியுள்ள கடனுக்கு மேல் கடனை அகற்ற தேவையான நடவடிக்கை எடுத் தல்.
28. பெண்களுக் எதிரான வன்முறை, சிறு வர் துஷ்பிரயோகம் மற்றும் பெண்களுக்கு எதிரான பாலியல் துஷ்பிரயோகங்களை கட்டுப்படுத்தி பெண்களுக்கு மற்றும் சிறுவர்களுக்கு எமது நாட்டில் சுதந்திரமாக வாழும் வகையில் புதிய சட்டத்தை உருவாக்குதல் மற்றும் சட் டத்தை வலுவாக நடைமுறைப்படுத் தல்.
29. யுத்தத்தால் விதவைகளான அனைத்து சமூக பெண்களுக்கும் மற்றும் அவர்களில் தங்கி வாழ்பவர்களுக்கு விஷேட காப்புறுதி திட்டத்தை அறிமுகப்படுத் தல்.
30. அரசியல் தீர்மானம் எடுப்பதற்கு பெண்களின் பங்களிப்பை அதிகரிப்பதற்காக மாகாண நிர்வாக மற்றும் மாகாண சபைகளில் பெண் அங்கத்துவத்தை குறைந்த பட்சம் 25%மாவது இருத்தல் வேண்டும் என்பதனை சட்டமாக்குதல்.
31. எமது இளைஞர்கள் எதிர்நோக்கும் வேலையில்லா பிரச்சினையை முழுமையாக இல்லாதொழிக்கும் நோக்கில் உள்நாட்டு மற்றும் வெளிநாட்டு தொழில் மற்றும் சுய தொழில் பத்து இலட்சத்தை உருவாக்கும் வேலைத்திட்டத்தை உருவாக்குதல்.
32. இளைஞர் – யுவதிகளுக்கு தாம் விரும் பிய கருத்தை முன்வைக்கவும் அதனை தெரிவிக்கவும் மற்றும் அதனை வினைத்திறன் மிக்கதாக உருவாக்க சுதந்திரமான இளமை காலத்தை அனுபவிக்க உள்ள உரிமையை உறுதிப்படுத்தல்.
33. இலவசமாக இன்டர்நெட் பெற்றுக் கொடுத்தல். பிரதான இடங்களில் 'வைபை' பெற்றுக்கொடுத்தல்
34. இளைஞர் பாராளுமன்றத்திற்கு பண அதிகாரத்தை பெற்றுக்கொடுத்து இளை ஞர் சமூகம் மற்றும் ஏனைய இளைஞர் அமைப்புக்களினால் முன்வைக்கப்படும் இளைஞர் வேலைத்திட்டங்களுக்கு செலவு செய்வதற்கு 2015 ஆம் ஆண்டுக்கு 250 மில்லியன் ரூபா இளை ஞர் பாராளுமன்றத்திற்கு ஒதுக்குதல்.
35. கடன் தகவல் பிரிவில் (CRIB) பட்டியலில் உள்ளடக்கப்பட்டு கடன் தொல்லையில் சிக்கியுள்ள சிறிய மற்றும் நடுத்தர அளவிலான வியாபாரிகள் மற்றும் கிரடிட் கார்ட் உரிமையாளர்களை அதிலிருந்து மீட்டு சிறிய நிபந்தனையுடனான கடன் செலுத்தும் சந்தர்ப்பத்தை பெற்றுக்கொடுத்தல்.
36. நாட்டின் வளர்ச்சிக்கு அர்ப்பணிக்கும் உள்நாட்டு வியாபார சமூகத்தினரை உருவாக்குவதற்காக சிறிய மற்றும் நடுத்தர அளவிலான கைத்தொழிலாளர்களுக்கு சிறிய நிபந்தனையுடனான இலகு கடன் திட்டத்தை அறிமுகப்படுத்தல்.
37. ஏற்றுமதியை அதிகரித்தல் மற்றும் தொழில் வாய்ப்பை அதிகரித்தலை நோக்காக கொண்டு GSP+ உதவியை மீண்டும் பெற்றுக்கொடுத்தல்.
38. தற்போது நடாத்தப்பட்டுக்கொண்டிருக்கும் நிதி நிறுவனங்கள் மற்றும் வங்கியை ஒன்றிணைக்கும் வேலைத்திட்டத்தை மீண்டும் நடைமுறைக்கு கொண்டு வருதல்.
39. சிறிய கடன் கட்டுப்பாடு செய்தல் மற் றும் அபிவிருத்தி செய்வதற்கு சுயாதீன அதிகார சபையை உருவாக்குதல்.
40. சிறிய முயற்சியாளர்களை பாதுகாப்பதற்காக அரச பணியகத்தை ஸ்தாபித்தல்
41. முச்சக்கர வண்டி துறைக்காக முச்சக்கர வண்டி உரிமையாளர்கள்,வங்கி பிரதிநிதிகள் உள்ளடங்கிய அரச அலுவலகத்தை உருவாக்குதல்.
42. வரவு செலவு திட்டத்தில் இலவச சுகாதாரத்திற்கு தற்போது ஒதுக்கப்பட்டுள்ள 1.8% வரையான தொகையை 3%மாக அதிகரித்தல்.
43. அரச வைத்தியசாலைகளில் சிகிச்சைக்காக வரும் நோயாளிக்கு தேவையான அனைத்து மருந்துகளும் குறைவில் லாமல் வைத்தியசாலைகளிலேயே வழங்குதல்.
44. அரச வைத்தியசாலைகளில் அறுவை சிகிச்சைக்காக பட்டியலில் இணைத்து உள்ள நோயாளிகளினதும் அறுவை சிகிச்சைகளை பூர்த்தி செய்ய அவசர வேலைத்திட்டம் ஒன்றை முன்வைத் தல்.
45. அரச வைத்தியசாலைகளில் வெளி நோயாளர் பிரிவை இரவு 10.00 மணி வைரை திறக்க நடவடிக்கை எடுத்தல்.
46. சிறுநீரக நோய்க்கு மூல காரணி என சந்தேகிக்கப்படும் களைநாசினி வகை, ஏனைய விவசாய இரசாயன பொருட்களுக்கு இடைக்கால தடை விதித்தல் மற் றும் சிறுநீரக நோயை கட்டுப்படுத்துவதற்கு குறுகிய கால மற்றும் நீண்ட கால திட்டத்தை வகுத்து அவற்றை நடைமுறைப்படுத்த நடவடிக்கை எடுத்தல்.
47. உணவு, அழகுசாதன பொருட்கள் மற்றும் சேவை, ஔடதம் போன்ற அனைத்து நுகர்வு பொருட்கள் கொள்வனவுக்காக வலுவான நிறுவகத்தை ஸ்தாபிக்க நடவடிக்கை எடுத்தல்.
48. ஆயுர்வேத வைத்திய சேவையை வலுப்படுத்த நடவடிக்கை எடுத்தல்.
49. அனைத்து மேைலத்தேய, கீைழத்தேய மற்றும் தேசிய வைத்திய முறையை சிறந்த முறையில் ஒன்றிணைத்து ஒன்றி ணைந்த சேவையினை மக்களுக்கு வழங்க தேவையான நடவடிக்கை எடுத் தல்.
50. ஹெரோயின், கேரல கஞ்சா, டெபா உள்ளிட்ட அனைத்து போதைவஸ்தை யும் குறிப்பிட்ட காலப்பகுதிக்குள் முழுமையாக அகற்ற முன்னுரிமை வழங்கு தல் மற்றும் தற்போது போதைப்பொருட்களுக்கு அடிமையாகியுள்ள இளைஞர்களை புனர்வாழ்வளிப்பதற்காக நாடளாவிய ரீதியில் உடனடி செயற்றிட்டத்தை வெளிநாட்டு உதவியுடன் முன்னெடுத்தல்.

by **நேசமுடன் ஹாசிம்** Sat 20 Dec 2014 - 7:52

51. போதைவஸ்து வியாபாரிகளை சுற்றிவளைப்பதற்காக ஒன்றிணைந்த விேஷட படையணியை உருவாக்குதல்.
52. புகையிலை உற்பத்தி பொதிகளில் பட ரீதியான சுகாதார எச்சரிக்கையை 80% வரை அதிகரித்தல்.
53. கெசினோ அனுமதிப்பத்திரத்தை இர த்து செய்தல்.
54. சுங்க வரி செலுத்தாமல் மேற்கொள்ளப்படும் எதனோல் வியாபாரத்தை கட்டுப்படுத்தல்.
55. தற்போது இலவச கல்விக்காக ஒதுக்கப்பட்டுள்ள 1.7% வரையான ஒதுக்கீட்டை 6% வரை இலக்கை நோக்கி நகர்தலை ஆரம்பித்தல்.
56. உயர் கல்வி அமைச்சரினால் கைப்பற்றப்பட்டுள்ள பல்கலைக்கழக அதிகாரத் துவத்தை மானியங்கள் ஆணைக்குழு வின் ஊடாக மீண்டும் பல்கலைக்கழகங்களுக்கு பெற்றுக்கொடுத்து அரசியல் தீர்மானத்திற்கு உட்பட்டுள்ள பல்கலைக்கழகத்தை அதிலிருந்து மீட்டல்.
57. பல்கலைக்கழக மஹாபொல புலமைப்பரிசிலை ரூபா 5000 வரை அதிகரித்தல்.
58. உயர் தரத்தில் மூன்று பாடங்கள் சித்தியடைந்த அனைவருக்கும் உயர் டிப்ளோமாஅல்லது பட்டப்படிப்பு வரை கல்விகற்க தேவையான அவகாசத்தை வழங்குதல்.
59. பாடசாலைகளில் முதலாம் ஆண்டுக்கு பிள்ளைகளை இணைத்துக்கொள்ளும் போது சாதாரண,முறையான திட்டத்தை உருவாக்குதல். முதலாம் ஆண்டுக்கு அனுமதிக்கும் போது தற்போது அசாசாதாரணத்திற்கு ஆளாகியிருக்கும் பிள்ளைக்களுக்கு உதவியளித்தல்.
60. பாடசாலைகளுக்கு மாணவர்களை உள்ளீர்க்கும் போது தற்போது உள்ள தாமதத்தை முற்றாக இல்லாமல் செய்து முதலாம் தவணை ஆரம்பமாகும் போது அனைத்து பிள்ளைகளுக்கும் பாடசாலை அனுமதியினைப் பெற்றுக் கொடுத்தலை சான்றுப்படுத்தல்.
61. பாடசாலைகளில் சமயத்தை போதிக் கும் சுற்றுநிருபத்தை அனைத்து பாடசாலைகளிலும் செயற்படுத்தல். அவ் வேலைத்திட்டத்தை ஆராய்ந்து பார்ப்பதற்கு அனைத்து மத பிரதிநிதிகளையும் உள்ளடக்கியதான குழுவை நியமித்தல்.
62. சர்வதேச பாடசாலைகளை அரச கண்காணிப்புக்கு உட்படுத்தல்.
63. மீன்பிடி படகு, வளை மற்றும் படகு எஞ்சினுக்கு தற்போது விதிக்கப்படும் அதிக வரியை அகற்றுதல்.
64. வெளிநாட்டு மீன்பிடி படகு இலங்கை கடல் எல்லையை கடப்பதை கட்டுப்படுத்தல்.
65. இறைச்சி ஏற்றுமதிக்கு அற்றுப்போயுள்ள ஐரோப்பிய சந்தையை மீண்டும் பெற்றுக்கொள்ளுதல்.
66. காற்று மற்றும் கடலில் ஏற்படும் அசாதாரண நிலை தொடர்பில் சரியான தகவலை உடனடியாக மீனவருக்கு பெற்றுக்கொடுக்க கூடிய காலநிலை அவதான வேலைத்திட்டத்தை தயாரித் தல்.
67. மூடப்பட்டுள்ள கால்வாய் கட்டமைப்பை மீண்டும் புனர் நிர்மாணம் செய்தல்.
68. குளங்களில் உள்ள சேற்றை அகற்றுதலை ஆரம்பித்தல்.
69. தற்போது புல் வெட்ட, வீதிகளை சுத்தப்படுத்த, ஓடைகளை சுத்தப்படுத்த பயன்படுத்தப்பட்டுள்ள இராணுவத்தினரை அதிலிருந்து மீட்டு முப்படையை இராணுவ வேலைக்கு மாத்திரம் ஈடுப்படுத்தல்.
70. அரசியல்மயமாகியுள்ள பொலிஸ் பதிவி உயர்வு வழங்கும் முறையை நீக்கி வினைத்திறன்,இயலுமை,திறமை,அர்ப்பணிப்பு மற்றும் செயற்பாட்டின் பிரகா ரம் பதவிஉயர்வை வழங்கும் வேலைத்திட்டம் ஒன்றை ஆரம்பித்தல்.
71. உப பொலிஸ் சேவையின் அதிகாரிகள் ... சேவைக்கு உள்வாங்கப்படும் போது அது வரை சேவையில் ஈடுபட்டிருந்த அதிகாரிகளுக்கு ஏற்படும் பாதிப்பை நிறைவுசெய்தல் மற்றும். சேவையின் அதிகாரிகளின் சிரேஷ்டத்துவத்தை பாதுகாக்க தேவையான திட்டத்தை முன்னெடுத்தல்.
72. அமைச்சர்கள் மற்றும் அவர்களின் குடும்பத்தினரின் பாதுகாப்புக்காக முப்படையினரை ஈடுபடுத்தலை உடனடியாக நிறுத்துதல் மற்றும் சட்ட முறைமையிலான பொலிஸ் பாதுகாப்பை அவர்களுக்கு வழங்குதல்.
73. தோட்டப்புற மக்கள் தற்போது வாழும் வறுமையான லயன் அறை வாழ்க்கையிலிருந்து மீட்டு அவர்களுக்கு காணி உரிமையுடன் வீட்டு உரிமையை பெற்றுக்கொடுத்தல்.
74. பதுளை, நுவரெலியா, கண்டி, மாத்தளை, கேகாலை போன்ற மாவட்டங்க ளில் தோட்டப்புற மக்களின் பிள்ளைகளுக்கு தமிழ் மொழி மூலம் உயர் கல்வியை தொடரக்கூடிய வகையில் வசதியுடன் பாடசாலைகளை ஆரம்பித்தல்.
75. சட்டவிரோதமான முறையில் தமது வீடுகளில் மற்றும் காணிகளில் பல்வேறு காரணிகளுக்காக வெளியேற்றப்பட்ட மக்களுக்கு நிவாரணம் வழங்கு தல்.
76. கொழும்பு நகரில் வீடு மற்றும் காணி அபகரிக்கப்பட்ட மக்களின் அச் சொத்தை மீள் மதிப்பீடு செய்து அதன் பெறுமதிக்கு தற்போது வழங்கப்படும் வீட்டு கடனில் கழித்தல்.
77. வீட்டு வசதியின்றி வாழும் இலட்சக்கணக்கான மக்களுக்கு வீட்டு வசதி வழங்கும் வேலைத்திட்டம் ஒன்றை ஆரம்பித்தல்.
78. வடக்கிலும் தெற்கிலும் ஜனநாயக ரீதியான சிவில் நிர்வாகத்தை செயற்படுத்தல்.
79. மத ரீதியாக பாகுபாடுகள் மற்றும் மத ரீதியாக வன்முறைகளை கட்டுப்படுத்த சட்ட ரீதியான நடவடிக்கை எடுத் தல்.
80. மத வழிபாட்டு தலங்களுக்கு தேவையான காப்புறுதியினை வழங்குதல்.
81. மத ஒருமைப்பாட்டுக்காக செயற்படும் மற்றும் பிரிவினை வாதத்திற்கு எதிராக நேரடியாக நடவடிக்கை எடுக்கும் மதத் தலைவர்களை உள்ளடக்கிய பிரதேச மற்றும் தேசிய சபையை ஸ்தாபித்தல்.
82. தொல்பொருள் நிலையங்களை பாதுகாத்தலுக்கான வேலைத்திட்டத்தை ஆரம்பித்தல்.
83. ஸ்ரீ தலதா மாளிகை உள்ளிட்ட புண்ணிய பிரதேசங்களை அண்டிய பிரதேசத்தில் நடத்தப்படும் மதுபான சாலை களை அவ்விடத்தில் இருந்து அகற்றுவதுடன் அவ் புண்ணிய பூமியை சுற்றிகார் பந்தய போட்டி நடத்துவதை உடனடியாக நிறுத்துதல்.
84. திட்டமிடப்பட்டுள்ள பௌத்த விகா ரை மற்றும் தேவாலய சட்டமூலத்தில் மாற்றத்தை கொண்டுவருதல்.
85. சம்பிரதாய பிரிவென கல்வியை சர்வதேச மட்டத்திற்கு உயர்த்துதலுக்காக மற்றும் அறிநெறிபாடசாலை ஆசிரியர்களை பயிற்றுவிப்பதற்காக செயற்றிட்டங்களை ஆரம்பித்தல்.
86. சர்வதேச பௌத்த பல்கலைக்கழகத்தை ஆரம்பிப்பதற்கு தேவையான அடித்தளத்தை இடுதல்.
87. மிருக வதையை தடுப்பதற்கு சட்ட ரீதியான நடவடிக்கை.
88. பொருளாதார, சமூக அபிவிருத்தி, மனித உரிமை மற்றும் நல்லாட்சி போன்ற துறைகளுக்கு பொருத்தமான மக்கள் அமைப்புகளுக்கு தமது நடவடிக் கையை மேற்கொள்வதற்கு தற்போது உள்ள கட்டுப்பாட்டை அகற்றுதல்.
89. அனைத்து கலைஞர்களின் படைப்பை மதிக்கும் மற்றும் சுயாதீனத்துவத்தை பாதுகாக்கும் வேலைத்திட்டத்தை ஆரம் பித்தல்.
90. அனைத்து வெகுசன ஊடகவியலாளர் களின் மற்றும் நிறுவனங்களின் சுதந்தி ரத்தை பாதுகாக்கும் குறுகிய மற்றும் நீண்டகால வேலைத்திட்டத்தை ஆரம் பித்தல்.
91. கருத்து தெரிவிக்கும் சுதந்திரத்தை பாதுகாத்தல்.
92. பாராளுமன்ற நிகழ்வுகளை நேரடியாக ஒளிபரப்பு செய்தல்.
93. சர்வதேச யுத்த குற்றச்சாட்டுக்கு நீதிமன் றம் உருவாக்கிய ரோம் ஒப்பந்தத்திற்கு இலங்கை கையெழுத்து இடாததனால் அவ்வாறான குற்றச்சாட்டுக்கள் ஏற்படு மாயின் அதனை தேசிய சுயாதீன நீதி மன்றத்தின் கீழ் மேற்கொள்ளுதல்.
94. முன்னாள் இராணுவ தளபதி சரத் பொன்சேகா மற்றும் 43 ஆவது பிரதம நீதியரசர் ஷிராணி பண்டாரநாயக்க உள் ளிட்ட அரசியல் பழிவாங்கல் மற்றும் தண்டனைக்கு உள்ளானவர்களுக்கு பறி போன பதவிகள் மற்றும் உரிமைகளை மீண்டும் பெற்றுக்கொடுத்தல.
95. கௌரவமிக்க வெளிநாட்டு சேவையை மீண்டும் ஸ்தாபித்தல்.
96. தேசிய வனாந்தரமாக பிரகடனப் படுத்தப்பட்டுள்ள வனாந்தரங்களை பாதுகாத்தல் அதன் எல்லையை பாது காத்தல்.
97. அழிவடைந்து வரும் பிரதேசங்களை பாதுகாத்தல்.
98. அழிவடைந்து வரும் மற்றும் அழி வடைந்த பிரதேசங்களை பாதுகாக்க நவீன விஞ்ஞான முறைமைகளை பயன் படுத்தி அவற்றை மீண்டும் புனருத்தா ரணம் செய்தல்.
99. மிருக சட்டமூலத்தை பயமின்றி மற் றும் கட்சிபேதமின்றி கடுமையாக நடை முறைப்படுத்தல்.
100. அபிவிருத்தி வேலைத்திட்டங்களில் சுற்றாடல் பாதிப்பு தொடர்பாக முன்னு ரிமை வழங்குதல்.

by **நேசமுடன் ஹாசிம்** Sat 20 Dec 2014 - 7:58

100 நாட்களுக்குள் நிறைவேற்று அதிகாரத்தை ஒழித்துவிட மைத்திரியால் முடியாது

பகிரங்க விவாதத்துக்கு நாம் தயார்
தேசிய தொழில் வல்லுனர்கள் அமைப்பின் சட்டத்தரணிகள்

பொது வேட்பாளர் மைத்திரிபால சிறிசேன கூறியதைப் போன்று 100 நாட்களுக்குள் நிறைவேற்று அதிகாரத்தை ஒழிக்கமுடியாது. இது தொடர்பில் பகிரங்க விவாதத்துக்கு வருமாறு பொது எதிரணியினரை அழைப்பதாக தேசிய தொழில் வல்லுனர்களின் அமைப்பை பிரதிநிதித்துவப்படுத்திய சட்டத்தரணிகள் தெரிவித்துள்ளனர்.
நிறைவேற்று அதிகார முறையை ஒழிப்பதாயின் இலங்கையில் தற்பொழுது நடைமுறையிலுள்ள அரசியலமைப்பில் மாற்றத்தைக் கொண்டுவர வேண்டும். அவ்வாறு அரசியலமைப்பில் மாற்றத்தை ஏற்படுத்துவதாயின் பாராளுமன்றத்தில் மூன்றில் இரண்டு பெரும்பான்மை அவசியம். இவை அனைத்தையும் 100 நாட்களுக்குள் செய்ய முடியாது. போலியான உத்தரவாதங்களை வழங்கி மக்களை ஏமாற்றுவதற்கு பொது எதிரணியினர் முயற்சிப்பதாக அவர்கள் குற்றஞ்சாட்டினர்.
தேசிய தொழில் வல்லுனர்களின் அமைப்பு ஏற்பாடு செய்திருந்த ஊட கவியலாளர் சந்திப்பு நேற்றுமுன்தினம் ஸ்ரீலங்கா சுதந்திரக் கட்சியின் தலை மையகத்தில் நடைபெற்றது. இதில் கருத்துத் தெரிவித்த சட்டத்தரணிகளே இவ்வாறு கூறினர்.
100 நாட்களுக்குள் இதனை சாதிக்க முடியாது என்பதை எம்மால் நிரூபிக்க முடியும். முடிந்தால் இது தொடர்பில் பகிரங்க விவாதத்துக்கு வருமாறு பொது எதிரணிக்கு ஆதரவு வழங்கும் சட்டத்தரணிகளுக்கு சவால் விடுப்பதாக இங்கு கருத்துத் தெரிவித்த தேசிய தொழில் வல்லுனர்களின் அமைப்பின் சட்டம் தொடர்பான இணைப்பாளர் சட்டத்தரணி சந்தன அமரசேகர தெரிவித் தார்.
ஆட்சிக்கு வந்ததும் 24 மணித்தியாலங் களுக்குள் நிறைவேற்று அதிகாரம் கொண்ட பிரதமராக ரணில் விக்ரமசிங்கவை நியமிப்பதாக மைத்திரிபால சிறிசேன கூறியுள்ளார். இது சாத்தியமற்றதொன்று.
அரசியலமைப்பில் இதற்கு இடமில்லை. அவ்வாறு பிரதமர் ஒருவருக்கு தனது அதிகாரங்களை ஜனாதிபதி வழங்குவ தாயின், ஜனாதிபதியாகவுள்ள நபர் சுகவீனம் காரணமாக வைத்தியசாலையில் உள்ளவராக இருக்க வேண்டும் அல்லது வெளிநாடு சென்றிருக்க வேண்டும் அல்லது வேறு காரணங்கள் இருக்க வேண்டும். இதில் எந்தவொரு காரணமும் இன்றி பிரதமருக்கு அதிகாரங்களை வழங்கும் அதிகாரம் அரசியலமைப்பில் ஜனாதிபதிக்கு இல்லை என்றும் அவர் குறிப்பிட்டார்.
100 நாட்களுக்குள் அதனைச் செய்வேன் இதனைச் செய்வேன் என போலியான உறுதிமொழிகளை வழங்கி மக்களை ஏமாற்றுவதற்கு அவர்கள் முயற்சிக்கின்றனர். இதில் காணப்படும் போலித் தன்மையை மக்களுக்குப் புலப்படுத்தி அவர்களைத் தெளிவுபடுத்த பல்வேறு வேலைத் திட்டங்களை முன்னெடுக்கவிருப்பதாகவும் அவர் தெரிவித்தார்.
அரசியலமைப்பை மாற்றுவதாயின் பாராளுமன்றத்தில் மூன்றில் இரண்டு பெரும்பான்மை அவசியம். அது மட்டுமன்றி மாற்றப்படவிருக்கும் அரசியலமைப்பின் திருத்தம் தொடர்பில் பொதுஜன வாக்கெடுப்பொன்றை நடத்துவதும் அவசியம். இவ்வாறான நிலையில் 100 நாட்கள் என்ற குறுகிய காலப்பகுதிக்குள் அவற்றை நிறைவேற்றுவது சாத்தியமற்றவிடயமாகும் என்றும் அவர் மேலும் சுட்டிக்காட்டினார். நாட்டில் ஸ்திரமற்ற தன்மையை ஏற்படுத்தும் முயற்சிகளிலேயே பொது எதிரணியினர் இறங்கியிருப்பதாக இங்கு கருத்துத் தெரிவித்த சட்டத்தரணி கெளசல்ய நவரட்ண கூறினார்.

by **நேசமுடன் ஹாசிம்** Sat 20 Dec 2014 - 8:03

அம்பாறை, அக்கரைப்பற்றில் இன்று ஜனாதிபதி : கோலாகல ஏற்பாடு

ஜனாதிபதித் தேர்தல் பிரசாரக் கூட்டத்திற்கென ஜனாதிபதி மஹிந்த ராஜபக்ஷ இன்று சனிக்கிழமை அம்பாறைக்கு வருகிறார். இதனால் அம்பாறை நகரமே அலங்கரிக்கப்பட்டு காட்சியளிக்கிறது.
இன்று (சனிக்கிழமை) காலை அம்பாறை நகருக்கு வருகை தரும் ஜனாதிபதிக்கு வீதியில் திரண்டு நின்று வரவேற்பளிக்கவும் பல விரிவான ஏற் பாடுகள் மேற்கொள்ளப்பட்டுள்ளதாக ஐக்கிய மக்கள் சுதந்திர முன்னணியின் மாவட்ட தேர்தல் செயலகம் தெரிவித்துள்ளது.
அமைச்சர் பீ. தயாரத்ன, பிரதி அமைச்சர் சரத் வீரசேகர ஆகியோரின் நெறிப்படுத்தலில் நடைபெறவிருக்கும் இப்பிரசார மக்கள் கூட்டம் அம்பாறை வீரசிங்க விளையாட்டு மைதானத்தில் நடைபெறவுள்ளது. இந்நிகழ்வில் சுகாதார அமைச்சர் திஸ்ஸ அத்த நாயக்க, அமைச்சர் அதாவுல்லா, அமைச்சர் தினேஷ் குணவர்தன, சிரியாணி விஜேவிக்கிரம உட்பட பல அமைச்சர் களும் கலந்து கொள்ளவிருப்பதும் குறிப்பிடத்தக்கது.
மேலும் பி.ப. 2.00 மணிக்கு அக் கரைப்பற்றில் நடைபெறும் பிரசார கூட்டத்திலும் மஹிந்த ராஜபக்ஷ கலந்து கொள்ளவும் உள்ளார்.

by **நேசமுடன் ஹாசிம்** Sat 20 Dec 2014 - 8:04

யாழ். நலன்புரி நிலையங்களில் உள்ளவர்கள் மிக விரைவில் மீளக்குடியமர்த்தப்படுவார்கள்

* நான் சொன்னதைச் செய்யும் தலைவர் வேறு தலைவர்களை நம்பி ஏமாற வேண்டாம்
* எமது உள்நாட்டு பிரச்சினைகளை சர்வதேச நாடுகள் தீர்க்க முடியாது
* தேர்தல் வெற்றியின் பின் உடனடி தீர்வுகள் காணப்படும்
யாழ். நலன்புரி மக்களை ஜனாதிபதி நேரில் சந்தித்து உறுதி

யாழ்ப்பாணத்தில் கடந்த 24 வருடங்களாக நலன்புரி முகாம்களில் வாழ்ந்து வரும் மக்களை விரைவில் மீளக்குடியமர்த்த நடவடிக்கை எடுப்பதாக ஜனாதிபதி மஹிந்த ராஜபக்ஷ அவர்கள் தெரிவித்தார்.

வடக்கில் இடம்பெயர்ந்தவர்களை மீளக் குடியமர்த்தும் செயற்திட்டத்தின் கீழ் இந்த மக்களையும் மீளக்குடியமர்த்த அரசாங்கம் முயற்சிகளை மேற்கொண்ட போதும் அந்த மக்களின் தலைவர்கள் சிலரின் செயற்பாட்டினால் அம்முயற்சி பயனற்றுப் போனதாகவும் ஜனாதிபதி தெரிவித்தார்.
அந்த தலைவர்கள் இதனை சர்வதேசப் பிரச்சினையாகக் காட்டி செயற்பட்ட போதும், இது சர்வதேசப் பிரச்சினையல்ல, இது ஒரு உள்நாட்டுப் பிரச்சினையே என்பதையும் ஜனாதிபதி தெளிவுபடு த்தினார். எமது உள்நாட்டுப் பிரச்சினையை சர்வதேச நாடுகள் தீர்க்க முடியாது எனக் குறிப்பிட்ட ஜனாதிபதி, இம்முறை ஜனாதிபதித் தேர்தலில் தாம் வெற்றிபெற்று இந்தப் பிரச்சினைக்கு உடனடி தீர்வு காண்பதாகவும் தெரிவித்தார்.
யாழ்ப்பாணத்தில் நலன்புரி முகாமில் வாழ்ந்து வரும் மக்களை நேரில் சந்தித்துக் கலந்துரையாடிய போதே ஜனாதிபதி இவ்வாறு தெரிவித்தார்.
1999 ஆம் ஆண்டிலிருந்து இந்த மக்கள் மீள் குடியமர்த்தப்படாமல் நலன்புரி முகாம்களிலேயே வாழ்ந்து வருகின்ற போதும், அந்த மக்களின் தலைவர்கள் இதில் தலையிட்டு இவர்களின் பிரச்சினைக்குத் தீர்வுகாண்பதில் எந்தவித அக்கறையும் செலுத்தவில்லை.
மழைக்காலங்களில் சம்பந்தப்பட்ட நலன்புரி முகாம் நீரில் மூழ்கி பல்வேறு அசெளகரியங்களுக்கு உள்ளாகி வருவதாக அந்த மக்கள் ஜனாதிபதியிடம் தெரிவித்தனர். உடனடியாக அதனைக் கவனத்தில் எடுத்த ஜனாதிபதி அந்த மக்களுக்கு அதற்குரிய வசதிகளை செய்து கொடுக்குமாறு வட மாகாண ஆளுனர் ஜீ. ஏ. சந்திரசிறிக்கு பணிப்புரை விடுத்தார். தாம் சொல்வதைச் செய்கின்ற தலைவர் என்றும் ஏனைய தலைவர்களை நம்பி ஏமாற வேண்டாம் என்றும் இதன்போது ஜனாதிபதி குறிப்பிட்டார். அமைச்சர் டக்ளஸ் தேவானந்தா உட்பட அரச அதிகாரிகளும் இதன்போது உடனிருந்தனர்.

by **சுறா** Sat 20 Dec 2014 - 9:54

எனக்கு இவையெல்லாம் படிக்க நேரம் கிடையாது. ஆனால் தமிழக மக்களில் ஒருமித்த பிரார்த்தனை என்னவென்றால் மீண்டும் சுனாபானா ரா.ப ஆட்சிக்கு வரக்கூடாது. அவரே எல்லா இடங்களிலும் புலம்புறமாதிரி கரண்டு சேர் தான் அவருக்கு ஹிஹி

by **Nisha** Sat 20 Dec 2014 - 13:16

அடேங்கப்பா! சூப்பர் திரி!

இலங்கை தேர்தல் களம் சேனையிலும் சூடு பிடிக்க ஆரம்பித்து விட்டதா?

ம்ம் பதியுங்கள் பதியுங்கள். அனைத்து தரப்பு செய்திகளையும் பதியுங்கள். நாங்கள் இங்கே வந்து படித்து தெரிந்து கொள்கின்றோம்.

தமிழர் தேசிய கூட்டணி தேர்தலை புறக்கணிக்க சொல்கின்றதாமோ? இருப்பதை எல்லாம் பறித்தது போதாது என ஒட்டு போடும் உரிமையையும் தமிழருக்கு இல்லாமல் போக செய்ய ஏதேனும் துட்டு கிட்டு வாங்கி இருப்பார்களோ?

5 வருட ஜனாதிபதி ஆட்சியை நீக்கி விட்டு சுவிஸ் போல் ஒரு வருட ஜனாதிபதி ஆட்சி யை கொண்டு வாங்கப்பா! நாடும் வளரும் நாமும் வளர்வோம்.

அதுக்கு முன்னாடி.. புலம் பெயர்ந்தவர்களுக்கான வாக்களிக்கும் உரிமையை நிறுத்த இரட்டை குடியுரிமையை நிறுத்தி இருக்கும் மகிந்தவை என்னன்னு நாலு வார்த்தை நச்சுன்னு கேளுங்க?

இப்போதைய நிலையில் நானும் என் பசங்களும் இலங்கையர் இல்லைப்பா!

by **நேசமுடன் ஹாசிம்** Sat 20 Dec 2014 - 13:32

ஆமாம் அக்கா ஒரு வருட ஆட்சிமுறையில் கண்டிப்பாக திறமையானவர்கள் தேர்வு செய்யப்பட வாய்ப்பிருக்கிறது காரணம் கிடைக்கின்ற ஒரு வருடத்தில் சிறப்பாக இருந்தால்தான் அடுத்த வருடம் ஆட்சி செய்யலாம் என்ற பயம் இருக்கும்.
மாறும் அத்தனையும் மாறும் என்று நம்ப முடிகிறது. பொறுத்திருந்து பார்ப்போம்.

by **Nisha** Sat 20 Dec 2014 - 16:05

இது எப்படி இருக்கு?

by **நேசமுடன் ஹாசிம்** Sun 21 Dec 2014 - 7:48

ராஜபக்ஷவின் தேர்தல் கொள்கை பிரகடனம் நாளை.!
அரசியல் களம் - இலங்கை (தேர்தல் முடிவுகள் உடனுக்குடன்) 10845901_10152413876761467_6989383274636789674_n_0

ஜனாதிபதி மஹிந்த ராஜபக்ஷவின் தேர்தல் கொள்கை பிரகடனம் நாளை 22ம் திகதி திங்கட்கிழமை வெளியிடப்பட உள்ளது
மஹிந்த சிந்தனை முக்கால நோக்கு என்ற தொனிப் பொருளில் இம்முறை கொள்கைப்பிரகடனம் வெளியிடப்பட உள்ளது.
கொழும்பு பண்டாரநாயக்கா சர்வதேச மாநாட்டு மண்டபத்தில் ஜனாதிபதி மஹிந்த ராஜபக்ச தலைமையில் முற்பகல் 11 மணியளவில் தேர்தல் கொள்கைப்பிரகடனம் வெளியிடப்படவுள்ளது.
பெளத்த மகாநாயக்க தேரர்கள் அமைச்சர்கள் உள்ளிட்ட பல்வேறு முக்கிய பிரமுகர்கள் இந்த நிகழ்வில் பங்கேற்க உள்ளனர்.
2005 ம் ஆண்டில் மஹிந்த சிந்தனை 2010 ம் ஆண்டில் மஹிந்த சிந்தனை எதிர்கால நோக்கு இம்முறை 2015 ஆண்டில் மஹிந்த சிந்தனை முக்கால நோக்கு என்ற அடிப்படையில் கொள்கை பிரகடனம் வெளியிடப்பட உள்ளது
பொது வேட்பாளர் மைத்திரி பால சிறிசேன வியாழனன்று விகார மகாதேவி பூங்காவில் வைத்து தனது தேர்தல் கொள்கை பிரகடனத்தை வெளியிட்டார் என்பது குறிப்பிடத்தக்கது.

by **நேசமுடன் ஹாசிம்** Sun 21 Dec 2014 - 7:49

நாமல் ராஜபக்ஷ உப ஜனாதிபதி போல் செயற்படுகிறார் : ஹிருணிகா
ஜனாதிபதியின் புதல்வரும் பாராளுமன்ற உறுப்பினருமான நாமல் ராஜபக்ஷ உப ஜனாதிபதி போன்று செயற்படுவ தாக குற்றம் சாட்டியுள்ள மேல்மாகாணசபை உறுப்பினர் ஹிருணிகா பிரேமச்சந்திர அமைச்சர்கள் பலர் அவரை "சேர்" என அழைத்த சந்தர்ப்பங்களும் உள்ளதாக குறிப்பிட்டுள்ளார்.
அரசியல் களம் - இலங்கை (தேர்தல் முடிவுகள் உடனுக்குடன்) Hirunika-premachandra

அரசியல் களம் - இலங்கை (தேர்தல் முடிவுகள் உடனுக்குடன்) Hirunika-premachandra

எதிர்க்கட்சித் தலைவர் காரியாலயத்தில் நேற்று இடம்பெற்ற ஊடகவியலாளர் மாநாட்டில் கலந்து கொண்டு உரையாற்றுகையிலேயே மேற்கண்டவாறு தெரிவித்தார். அவர் மேலும் தெரிவிக்கையில்,
தற்போது சமூக வலைத்தளங்களை பார்க்கும் போது இளைஞர், யுவதிகள் அரசியல் ரீதியாக தெளிவான நிலையில் இருக்கின்றார்கள் என்பது வெளிப்படையாகின்றது. கடந்த ஜனாதிபதி தேர்தலை விடவும் இம் முறை 95சதவீதத்திற்கும் அதிகமான இளைஞர், யுவதிகளுக்கு உண்மை நிலைமை புரிந்துள்ளது. அத்துடன் அவர்கள் அரசாங்கத்தின் மாயைக்குள் வீழ்ந்திருக்கவில்லை என்பது புலப்பட்டுள்ளது.
அரசாங்கம் என்பது வேறு. அரச நிறுவனங்கள் என்பது வேறு. அரச நிறுவனங்கள் மக்கள் சார்பாக செயற்படுவதற்காக உருவாக்கப்பட்டதே தவிரவும் மாறும் அரசாங்கங்களுக்கேற்ப செயற்படுவதற்கு உருவாக்கப்படவில்லை.
ஆனால் தற்போது பொருளாதார அபிவிருத்தி அமைச்சர் அரசாங்க நிறுவனங்களின் பிரதான கணக்காளர்களுடன் விசேட சந்திப்பொன்றை ஏற்பாடு செய்து அமைச்சுக்கள், திணைக்களங்களுக்கான செலவீனத்தைக் குறைத்து திறைசேரி நிதி யை ஜனாதிபதி தேர்தலுக்கென மீதப்படுத்துமாறு கூறியுள்ளார். இவ்வாறான செயற்பாடொன்று கடந்த காலங்களில் இடம்பெற்றிருக்கவில்லை. பல வருடங்களாக ஸ்ரீலங்கா சுதந்திரக்கட்சியில் செயற்பட்ட அமைச்சர்கள், பாராளுமன்ற உறுப்பினர் கள் 2010ஆம் ஆண்டு தெரிவு செய்யப்பட்ட அமைச்சரின் கீழ் இருக்கும் பொரு ளாதார அமைச்சிடம் வேலைத்திட்டங்களுக்காக கோரவேண்டிய சோக நிலைமை காணப்படுகின்றது.
இம்முறை தேர்தல் அறிவிப்பைச் செய்தபின்னர் ஜனாதிபதி எம்முடன் அலரிமாளிகையில் கலந்துரையாடினார். தேர்தல் தொடர்பாக கூறியபோது எந்த ஒரு அமைச்சரும் வாய்திறக்காது மௌனமாகவே இருந்தனர். தொடர்ந்து எனது அருகிலிருந்த ராஜித சேனாரட்ன கடந்த தேர்தல் அறிவிக்கப் பட்ட போது அனை த்து அமைச்சர்களும் மகிழ்ச்சியை வெளிப்படுத்தி ஆரவாரித்திருந்ததாக கூறினார்.
ஜனாதிபதியே உங்களுடைய பிரச்சினையை கூறுங்கள் எனக்கோரிய போதும் அவருக்கு முன்னால் தமது கருத்துக்களை முன்வைக்காது இருந்தனர். காரணம் அவர் கள் அச்சத்துடன் இருக்கின்றார்கள்.
இன்று இளைய சமுதாயம் பற்றி நாம் சிந்தித்தால் இந்த நாட்டில் ஒரேயொரு இளைஞர் மட்டுமே இருக்கின்றார். அவர் வேறு யாருமல்ல நாமல் ராஜபக்ஷ. இவர் பல்வேறு தீர்மானங்களை எடுப்பார். ஜனாதிபதி எடுக்க வேண்டிய முடிவைக் கூட எடுப்பார். ஏறக்குறைய உப ஜனாதிபதி போன்றே செயற்படுகின்றார். பல அமைச்சர்கள் அவரை "சேர்" என அழைத்த சந்தர்ப்பங்களை நான் நேரில் கண்டுள்ளேன் என்றார்.

by **நேசமுடன் ஹாசிம்** Sun 21 Dec 2014 - 7:52

மைத்திரியின் பிரச்சார மேடை மீது தாக்குதல்! 4 பேர் காயம்: ரணில் செல்வதற்கு 10 நிமிடங்களுக்கு முன்னர் சம்பவம்

பதுளை மாவட்டம் ஹப்புத்தளையில் பொது வேட்பாளர் மைத்திரிபால சிறிசேன கலந்து கொள்ளவிருந்த தேர்தல் பிரச்சாரத்தின் மீது தாக்குதல் நடத்தப்பட்டுள்ளது.
எதிர்க்கட்சித் தலைவர் ரணில் விக்ரசிங்க அந்த இடத்திற்கு செல்வதற்கு 10 நிமிடங்களுக்கு முன்னர் இந்த தாக்குதல் நடந்துள்ளது.
கூட்டத்தை ஊவா மாகாண எதிர்க்கட்சித் தலைவர் ஹரின் பெர்னாண்டோ ஒழுங்கு செய்திருந்தார்.
ஹப்புத்தளை நகர சபையின் தலைவரது சகோதரர்களும் அவரது ஆதரவாளர்களும் இந்த தாக்குதலை நடத்தியதாக ஹரின் பெர்னாண்டோ கூறியுள்ளார்.
கூட்டத்திற்காக வைக்கப்பட்டிருந்த கொடிகள் அகற்றப்பட்டு மேடை சேதமாக்கப்பட்டது.
தாக்குதலை நடத்திய உள்ளூர் அரசியல்வாதிகளின் அழுத்தம் காரணமாக பொலிஸார் தாக்குதலை வேடிக்கை பார்த்தனர்.
இந்த தாக்குதலில் ஐக்கிய தேசியக் கட்சியின் மாகாண சபை உறுப்பினர் செனரத் ஜயசூரிய உட்பட 4 பேர் காயமடைந்து வைத்தியசாலையில் அனுமதிக்கப்பட்டுள்ளனர் எனவும் ஹரின் பெர்னாண்டோ குறிப்பிட்டுள்ளார்.

அரசியல் களம் - இலங்கை (தேர்தல் முடிவுகள் உடனுக்குடன்) Sl_20122014_1

அரசியல் களம் - இலங்கை (தேர்தல் முடிவுகள் உடனுக்குடன்) Sl_20122014_2

அரசியல் களம் - இலங்கை (தேர்தல் முடிவுகள் உடனுக்குடன்) Sl_20122014_3

by **நேசமுடன் ஹாசிம்** Sun 21 Dec 2014 - 7:55

மைத்திரிபாலவுக்கான ஆதரவை விலக்கிக் கொள்ளுமாறு பேராசிரியர் கோரிக்கை!
அரசியல் களம் - இலங்கை (தேர்தல் முடிவுகள் உடனுக்குடன்) Dr.Kumar-David1

மைத்திரிபாலவின் தேர்தல் விஞ்ஞாபனத்தில் நிறைவேற்று ஜனாதிபதி முறை ஒழிக்கப்படும் என்ற வாக்கியம் நேரடியாக சேர்க்கப்படாவிட்டால், மைத்திரிபாலவுக்கு வழங்கும் ஆதரவை விலக்கிக் கொள்ள வேண்டும் என்று கோரப்பட்டுள்ளது.
பேராசிரியர் குமார் டேவிட், இந்தக் கோரிக்கையை சமூக நீதிக்கான தேசிய இயக்கத்தினரிடமும் மைத்திரிபாலவை ஆதரிக்கும் ஏனைய தரப்பினரிடமும் விடுத்துள்ளார்.
மைத்திரிபால சிறிசேனவின் தேர்தல் விஞ்ஞாபனத்தில் நிறைவேற்று அதிகார ஜனாதிபதி முறையை ஒழிப்பதாக உறுதி வழங்கப்படவில்லை. என்பதை அவர் சுட்டிக்காட்டியுள்ளார்.
இதனை ஒரு காட்டிக் கொடுப்பாகவே தாம் கருதுவதாக குமார் டேவிட் குறிப்பிட்டுள்ளார்.
இதேவேளை குறித்த விடயம் தொடர்பில், மைத்திரிபாலவுக்கு ஆதரவு வழங்கும் தரப்புக்கள் மத்தியில் இணக்கமின்மை நிலை தோன்றியுள்ளதாக தகவல்கள் வெளியாகியுள்ளன.

by **நேசமுடன் ஹாசிம்** Sun 21 Dec 2014 - 9:11

முஸ்லிம் கட்சிகள் !சரியான நேரத்தில் பிழையான முடிவு

ஜனாதிபதித் தேர்தல் சூடுபிடித்துள்ள நிலையில் கட்சித் தாவல்களும் பேரம் பேசல்களும் நாளுக்குநாள் அதிகரித்துக்கொண்டு போகிறது. இம்முறை புதிய ஜனாதிபதியை தீர்மானிக்கின்ற சக்தியாக சிறுபான்மையினர் காணப்படுகின்றனர். இதில் சிறுபான்மைக் கட்சிகளான தமிழ்த் தேசியக் கூட்டமைப்பும் முஸ்லிம் காங்கிரஸும் பிரதான பங்குதாரர்களாக உள்ளனர். அதனால்தான் இரு பிரதான வேட்பாளர்களும் இவ்விரு கட்சிகளுக்கும் தொடர்ச்சியான அழைப்பு விடுக்கின்றனர். இவ்விருவரில் யாரை ஆதரிப்பது என்பதில் இரு கட்சிகளும் இதுவரையில் சரியான தீர்வெடுக்காத ஒரு நிலையில் தமிழ்த் தேசியக் கூட்டமைப்பு மாற்றத்திற்கான அழைப்பினை பகிரங்கமாக விடுக்கின்ற அதேவேளை, தமிழ் மக்கள் பட்ட இன்னல்களுக்கு தற்போது கிடைத்துள்ள சந்தர்ப்பத்தை சரியாகப் பயன்படுத்த வேண்டும் என்ற கருத்தினை தமிழ் மக்களை சந்தித்து காய்நகர்த்தி வருகின்றமை ஊடகங்கள் வாயிலாக அறியக்கிடைக்கின்றது. இச்சந்தர்ப்பத்தில் முஸ்லிம் காங்கிரஸ் கூடுவதும் கலைவதும் வாக்குவாதப்படுவதும் இறுதியில் முடிவுகள் எட்டப்படாத நிலையில் கலைந்து செல்வதுமான செய்திகள் அண்மைக்காலமாக பத்திரிகைகளை அலங்கரிக்கின்ற அதேவேளை, கட்சித் தொண்டர்களையும் அபிமானிகளையும் ஆத்திரமூட்டுகின்ற விடயமாகவும் மாறியுள்ளது. இது முஸ்லிம் காங்கிரஸின் முதுகெலும்பில்லாத தன்மையைக் காட்டுகின்றது. தேர்தல் வியாபாரத்தில் டொலர்கள் பரிமாறப்படுவதும் பாராளுமன்ற உறுப்பினர்கள் விலைபோவதும் ஆசியாவின் ஆச்சரியமான நாட்டில் புதிய விடயமல்ல. ஆனால் இதில் வரலாற்றில் இடம்பிடித்த கட்சியாக மு. காங்கிரஸ் சாதனை படைத்துள்ளது. அவ்வாறு கட்சித் தாவியவர்கள் மக்களை ஏமாற்றுவதற்காக முதலைக் கண்ணீருடன் தனது பிரதேச அபிவிருத்தி பற்றிப் பேசுவது இன்று நேற்றுள்ள கதையல்ல. மறைந்த தலைவர் அஷ்ரப் காலத்திலிருந்து வருகின்ற ஒரு மரபாகும். வாழையடி வாழையாக நடந்துவரும் இந் நிகழ்வுதான் இன்று கட்சிக்குள் சிக்கலைத் தோற்றுவித்துள்ளது. இதனை நன்கு உணர்ந்து கொண்ட தலைமைப்பீடம் கட்சித் தாவலை தடைசெய்யும் முகமாக உலமாக்கள் முன்னிலையில் பாராளுமன்ற, மாகாண, நகர, பிரதேச சபை உறுப்பினர்களிடம் சத்தியப்பிரமாணம் எடுத்துக் கொண்டது மாத்திரமல்லால் யாரும் யாரையும் தனிப்பட்டமுறையில் சந்திப்பதும் பேட்டிகொடுப்பதும் தவிர்க்கப்பட வேண்டும் என கண்டிப்பான உத்தரவும் பிறப்பிக்கப்பட்டது. இதனை மீறியும் கட்சிக்குள் இருந்து கொண்டு கட்சியை கருவறுக்கின்ற நிலை இல்லாமல் இல்லை. இவர்களுக்கான பதிலை வாக்காளப் பெருமக்கள் சரியான நேரத்தில் சரியான முடிவை வழங்குவார்கள் என்பதில் சந்தேகமில்லை. முஸ்லிம் காங்கிரஸின் நிலை இவ்வாறு இருக்க ஆளும் கட்சியில் முடிசூடா மன்னர்களாக வலம் வரும் ஏனைய முஸ்லிம் தலைமைகள் அரசியல் சாணக்கியம் பற்றிப் பேசுகின்றனர். அற்ப சுகபோக வாழ்கைக்காக நான் முந்தி நீ முந்தி என போட்டி போட்டுக் கொண்டு முட்டிபோட்டு ஜனாதிபதி துதிபாடும் படலத்தில் ஊது குழலாக நகர்வலம் வருகின்றனர். இதுதான் இவர்களது சாணக்கியம். இவர்கள் பாராளுமன்றத் தேர்தல் மிக விரைவில் வரும் என்பதை மறந்துவிட்டார்கள் போல. அகில இலங்கை மக்கள் காங்கிரஸ் எப்பவும் போல தனது ஆதரவாளர்களை கூட்டி நடனமாடிவிட்டு ஜனாதிபதியிடம் சென்று கை கூப்புவது ஒன்றும் புதிய விடயமல்ல அதைத்தான் இம்முறையும் செய்திருக்கிறார்கள். தனக்கு நெருக்கமானவர்களை மட்டும் அழைத்து மஹிந்த துதி பாடிவிட்டு நாம் யாரை ஆதரிப்பது என வினவிவிட்டு மஹிந்தவுக்கு ஆதரவானவர்கள் கையை உயர்த்துங்கள் என தனது கையையும் உயர்த்திக் கொண்டார். அங்கிருந்தவர்கள் மன்னர் எவ்வழியே அவ்வழியே நாமும் என ஆமா சாமி போட்டனர். அதிலும் சுவாரஷ்யமான விடயம் சினிமாக்களில் வருவது போன்று ஒரு நாள் முதல்வர் அல்லது மந்திரி என்ற பாணியில் ஒரு குறுகிய கால பாராளுமன்ற உறுப்புரிமையை தனது கட்சியைச் சார்ந்த கிழக்கு மாகாண சபை உறுப்பினர் அமீர் அலிக்கு பெற்றுக் கொடுத்திருப்பதுதான். கல்குடா மக்கள் விரும்பாத போதும் ஒரு சிறுபிள்ளைத்தனமான செயல் என்பதை அறிந்தும் அமீர் அலி பதவியை ஏற்றிருப்பது தலைமை விசுவாசமா? அல்லது பொக்கட் சாணக்கியமா? என அவருக்கு வாக்களித்த மக்கள் வெறுப்புக்குள்ளாகியுள்ளனர். மறுபக்கத்தில் தேசிய (பிரதேச) காங்கிரஸின் தலைவர் எப்போதும் அமைதி காக்கும் அற்புத மனிதர். எத்தனை பள்ளிகள் உடைக்கப்பட்டாலும் முஸ்லிம்களின் உரிமை மறுக்கப்பட்டாலும் உயிர்கள் காவுகொள்ளப்பட்டாலும் சொத்துகள் சேதமாக்கப்பட்டாலும் தனது முடிவில் எந்த மாற்றமும் மேற்கொள்ளமாட்டார். காரணம் தானும் ஒரு குட்டி குடும்ப ஆதிக்கத்தின் குறுந்தலைவரல்லவா? அதனால் மக்கள் நலனை விட குடும்ப நலனே மேலானது என நினைப்பதில் தவறில்லை. அரசில் இருக்கும் ஏனைய முஸ்லிம் பிரதிநிதித்துவத்தைப் பற்றிப் பேசுவதில் அர்த்தமில்லை என்பதால் நேரடியாக விடயத்துக்கு வருவோம். இவர்கள் அனைவரும் மக்களை ஏமாற்றி பிழைப்பு நடத்துபவர்கள் என்பதை மக்கள் நன்கு விளங்கி வைத்துள்ளார்கள் என்பதை மறந்துவிட்டார்கள். ஆனால் மக்கள் இவர்களை விட அரசியல் சாணக்கியம் மிக்கவர்களாக உள்ளார்கள். இவர்கள் கூட்டிக் கழித்துப் பார்ப்பதற்கு முன்னர் இவர்கள் அடையப்போகும் வரப்பிரசாதத்தை மக்கள் எடைபோட்டுவிட்டனர். அரசியல் தலைமைகளது இந்நடவடிக்கைகளைப் பார்க்கும் போது மறைந்த தலைவர் மர்ஹூம் அஷ்ரப்பின் வார்த்தை நினைவுக்கு வருகிறது. "சரியான நேரத்தில் எடுக்கின்ற பிழையான முடிவும் பிழையான நேரத்தில் எடுக்கின்ற சரியான முடிவும் கட்சியையும் சமூகத்தையும் பிழையாக வழிநடத்திவிடும்'. உண்மையில் இவ்வாசகத்துக்கு உரித்தான மு.கா. ஏனைய முஸ்லிம் தலைமைகளும் இதனைத்தான் செய்து கொண்டிருக்கிறார்கள். இன்று அரசில் இருக்கக்கூடிய சிங்களத் தலைவர்கள் அரசாங்கத்தின் ஊழல், மோசடி, அடக்கு முறை, இன விரோதப்போக்கு என்பவற்றை சுட்டிக்காட்டி அரசாங்கத்திலிருந்து வெளியேறி பொது எதிரணியில் ஒன்றிணைந்து ஆட்சிமாற்றம் வேண்டி நிற்கின்றபோது, முஸ்லிம் கடும் போக்கு, பள்ளிகள் உடைப்பு, முஸ்லிம் பெண்கள் பர்தா விடயம், முஸ்லிம் வர்த்தகம் சூறையாடப்படல், முஸ்லிம் தனியார் சட்டம் கேள்விக்கு உட்படுதல், வடக்கு முஸ்லிம்களின் மீள் குடியேற்றம் கருத்தில் கொள்ளப்படாமை, முஸ்லிம்களின் இருப்புக்கு அச்சுறுத்தல், உயிர்ச் சேதம், ஏன் அல் குர்ஆனையே கேவலப்படுத்துகின்ற பொதுபலசேனா போன்ற அமைப்புகளை அரவணைத்து ஊக்கமும் சக்தியும் கொடுக்கின்ற அரசாங்கத்தை தொடர்ந்தும் ஆதரிக்கிறார்கள் என்றால் முஸ்லிம் தலைமைகளிடத்தில் எங்கோ கோளாறு இருக்கின்றது என்றுதானே அர்த்தம். இன்று இலங்கையிலுள்ள பெரும்பான்மையான அரசியல் கட்சிகளும் சிங்களம், தமிழ், முஸ்லிம் என்ற இன, மத, பேதத்திற்கு அப்பால் அனைத்து மக்களும் ஆட்சி மாற்றத்தை எதிர்பார்த்துக் கொண்டிருக்கின்றவேளையில் முஸ்லிம் தலைமைகள் மட்டும் அரசியல் சாணக்கியம் பற்றிப் பேசுவது எந்தவகையில் நியாயமானது? இவர்கள் யாரை ஏமாற்றப் பார்க்கிறார்கள்? இன்னும் எத்தனை காலம் தான் ஏமாற்றுவார்கள்? ஆனால் இம்முறை மக்கள் தகுந்த பாடம் புகட்டுவார்கள்.

by **நேசமுடன் ஹாசிம்** Mon 22 Dec 2014 - 13:11

ரிஷாத் மைத்திரிக்கு ஆதரவு
அகில இலங்கை மக்கள் காங்கிரஸின் தலைவரும் அமைச்சருமான ரிஷாத் பதியுதீன், பொது எதிரணியின் ஜனாதிபதி வேட்பாளர் மைத்திரிபால சிறிசேனவிற்கு ஆதரவு வழங்க தீர்மானித்துள்ளதாக தெரிவிக்கப்படுகின்றது.
அரசியல் களம் - இலங்கை (தேர்தல் முடிவுகள் உடனுக்குடன்) Rishad-Bathiudeen1

அரசியல் களம் - இலங்கை (தேர்தல் முடிவுகள் உடனுக்குடன்) Rishad-Bathiudeen1

பாராளுமன்ற உறுப்பினர் அமீர் அலி பொது எதிரணியின் ஜனதிபதி வேட்பாளர் மைத்திரிபால சிறிசேனவிற்கு ஆதரவு வழங்க தீர்மானித்துள்ளார்.
இவர்கள் தற்போது எதிர்கட்சித் தலைவர் அலுவலகத்திற்கு வருகை தந்து தமது ஆதரவினை தெரிவிததுள்ளனர்.
அரசியல் களம் - இலங்கை (தேர்தல் முடிவுகள் உடனுக்குடன்) Rishath

அரசியல் களம் - இலங்கை (தேர்தல் முடிவுகள் உடனுக்குடன்) Rishath

அரசியல் களம் - இலங்கை (தேர்தல் முடிவுகள் உடனுக்குடன்) Rishad-Bathiudeen2

அரசியல் களம் - இலங்கை (தேர்தல் முடிவுகள் உடனுக்குடன்) Rishad-Bathiudeen3

அரசியல் களம் - இலங்கை (தேர்தல் முடிவுகள் உடனுக்குடன்) Rishad-Bathiudeen

by **Nisha** Mon 22 Dec 2014 - 14:24

பதிவுகளை கவனியுங்கள் ஹாசிம்.

பதிவு பந்தியாய் மொத்தமாய் குவிவது போல் இருப்பது படிக்க ஆர்வம் தரவில்லைப்பா. அதை விட படங்கள் தெரியவில்லை... வெறும் பெட்டி பெட்டியாய் தான் தெரியிது.

by **நேசமுடன் ஹாசிம்** Mon 22 Dec 2014 - 14:49

படம் எனக்கு நன்றாக தெரிந்தது அதனால் கவனிக்கவில்லை பந்திகளைக் கவனிக்கிறேன் அவசரப் பதிவு அதனால் திருத்த முடியவில்லை

by **Nisha** Mon 22 Dec 2014 - 14:56

ம்ம் எனக்கு படம் தெரியல்லை. நேற்றும் அந்த வெள்ளப்பதிவில் தெரியாமல் தான் இருந்தது.

by **நேசமுடன் ஹாசிம்** Mon 22 Dec 2014 - 17:03

Nisha wrote:ம்ம் எனக்கு படம் தெரியல்லை. நேற்றும் அந்த வெள்ளப்பதிவில் தெரியாமல் தான் இருந்தது.

அப்படியா எனக்கும் வேறுசிலர் போடும் படங்கள் தெரிவதில்லை ஆனால் றூமுக்கு சென்று பார்த்தால் நன்றாக தெரியும் அதனால்தான் கவனிக்க வில்லை

by **Nisha** Tue 23 Dec 2014 - 2:48

மைத்ரியின் தேர்தல் அறிக்கையில் ஏழைகள் வாழ்வுக்கு என்ன இருக்கிறது? பார்வையில் பட்டவை!
-------------------------------------------------------
- அத்தியாவசிய 10 உணவு பொருட்களுக்கான விலைக் குறைப்பு.
- சமுர்தி வழி கிடைக்கும் பணம் இரட்டிப்பாக கிடைக்க செய்வது
- அரசு ஊழியர்களது ஊதியம் ரூபா 5'000- 10'000 வரை உயர்த்துவது
- விவசாய கடனை 50 சதவீதம் இல்லாமல் செய்வது.
- அரச வைத்தியசாலை ஓபீடீக்களை இரவு 10 மணி வரை திறக்க வைப்பது.
- குழந்தை பிறப்பொன்றின் போது குடும்பத்துக்கு ரூபா 20'000 சன்மானமாக வழங்குவது.
- பாடசாலை குழந்தைகளை சேர்ப்பதில் உள்ள சிக்கல்களை கழைவது.
- உயர்தர மாணவர்களை பாதுகாக்க ஒரு முறைமையை ஏற்படுத்துவது
- வெளிநாடுகளில் பணி புரிவோருக்காக ஓய்வுதிய திட்டம் ஒன்றை வழங்குவது.
- அரச ஊழியர்கள் அனைவரையும் நிரந்தரமாக்குவது.
- எண்ணை விலையை குறைப்பது
- ஊடகவியல் சுதந்திரத்தை உண்டாக்குவது.
- அனைத்து நகரங்களிலும் வைபை இணைய வசதியை இலவசமாக வழங்குவது.
- அனைத்து மக்களது இன - மத - கலாச்சாரங்களை தம் விருப்பம் போல பேண வழி செய்வது ஆகியன கண்ணில் படுகின்றன. ( எனவே இலங்கை வாழ் அனைவருக்கும் எனும் போது - ஒவ்வொரு மத - இனம் என பிரிக்காமல் விட்டுள்ளார்கள்)
இன்னும் உண்டு. இவை இறுகிப் போயுள்ள முழு சமூகத்தின் மூச்சு விடுவதற்கு எனக் கொள்ளலாம்.

பேஸ்புக்கில் அஜீவன்

நான் ஏழைகளுக்கான விடயங்களை மட்டுமே மொழி பெயர்த்தேன். ஊழல்கள் தொடர்பாக ஒரு இலாகாவை உருவாக்கி தண்டனை அளிக்க இருப்பதாக நேற்றைய 'சட்டன' நிகழ்ச்சியில் சம்பிக்க தெளிவுபடுத்தினார். இன -மத - நல்லணக்கம் ஒன்று குறித்தும் பேசினார். அனைத்து மக்களும் என சொல்லும் போது பாகுபடுத்த தேவையில்லை என்பதை சொன்னார்.

by Sponsored content

அரசியல் களம் - இலங்கை (தேர்தல் முடிவுகள் உடனுக்குடன்)