300 ஈழத்தமிழர்களின் நாடுகடத்தலை பிரித்தானியா நிறுத்த வேண்டும்: ஐ.த.பே _

300 ஈழத்தமிழர்களை எதிர்வரும் 16ஆம் திகதி ஒரே விமானத்தில் ஏற்றி நாடு
கடத்தவிருக்கும் பிரித்தானியா அரசின் மனிதாபிமானமற்ற நடவடிக்கையை
வன்மையாகக் கண்டிப்பதோடு இந்த நாடு கடத்தலை நிறுத்துமாறு ஐரோப்பிய தமிழர்
பேரவை கோரிக்கை விடுத்துள்ளது.


இந்த எண்ணிக்கையில் எந்தவொரு நாடும் இந்த நூற்றாண்டில் நாடுகடத்தப்படவில்லை.
பிரித்தானிய அரசின் காலனித்துவக் கொள்கை தான் தற்போது இலங்கையில் காணப்படுகின்றது.


நிர்வாக நலனுக்காக தமிழர்களையும் சிங்களவர்களையும் ஒற்றை ஆட்சியின் கீழ்
கொண்டுவந்த ஆட்சியர்கள் விட்டுச் செல்லும் போது தமிழர்களை சிங்களவர்களின்
ஆட்சிப் பொறுப்பில் விட்டுச் சென்றுள்ளதன் பலனை தமிழ் மக்கள் இன்றுவரை
அனுபவிக்கின்றனர்.


தனது வரலாற்றுத் தவறை மறந்த இப்போதைய பிரிட்டிஷ் அரசு நாடுகடத்தலை மேற்கொண்டு எமக்கு மேலதிக துன்பச் சுமையைத் தருகிறது.


யாழ் குடா நாட்டில் மாத்திரம் 57,000 பொது மக்கள் மீள்குடியேற்றம்
செய்யப்படாமல் முகாம்களில் வாழ்கின்றனர். வவுனியா தடுப்பு முகாம்களில்
30,000 வரையிலானோர் முடக்கப்பட்டுள்ளனர். திருகோணமலை, மட்டக்களப்பு அம்பாறை
ஆகிய பகுதிகளில் பெருந்தொகையான உள்நாட்டு தமிழர்கள் நிட்சயமற்ற வாழ்க்கை
நடத்துகின்றனர்.



ஐநா நிபுணர் குழு அறிக்கைப்படி இலங்கை அரச உயர்மட்டத்தினரும்
இராணுவத்தினரும் போர்க் குற்றங்கள், மனிதநேயச் சட்ட மீறல்கள்
மனிதகுலத்திற்கு எதிரான குற்றங்கள் ஆகியவற்றைப் புரிந்துள்ளனர் நீதித்துறை
அரசியல் மயப்படுத்தப்பட்டதையும் அறிக்கை சுட்டிக்காட்டுகிறது.


இலங்கை அரசு வழங்கிய உறுதிமொழியின் அடிப்படையில் 300 அப்பாவித் தமிழர்களை நாடுகடத்துவது பாராதுராமான விளைவுகளை ஏற்படுத்தும்.


நாடுகடத்தல் நடைபெறும் பட்சத்தில் இந்த 300 பேரின் உயிருக்கும்
பாதுகாப்பிற்கும் உத்தரவாதம் வழங்க பிரிட்டிஷ் அரசு முன்வருமா? என கேள்வி
எழுப்பியுள்ளது

தனது வரலாற்றுத் தவறை மறந்த இப்போதைய பிரிட்டிஷ் அரசு நாடுகடத்தலை மேற்கொண்டு எமக்கு மேலதிக துன்பச் சுமையைத் தருகிறது.