நீண்ட இடைவேளைக்குப் பின் மீண்டும் நடிக்கும் ரவீனா டாண்டன்

பாலிவுட்டில் கிட்டத்தட்ட காணாமல் போன நடிகைகள் பட்டியலில் நடிகை ரவீனா டாண்டனும் ஒருவர்.
நீண்ட இடைவெளிக்கு பின்னர், இப்போது மீண்டும் நடிக்க வருகிறார்.

"பதர் கீ பூல்" எனும் படத்தின் மூலம் அறிமுகமானவர் நடிகை ரவீனா டாண்டன். முதல் படத்திலேயே விருது வாங்கிய ரவீனா, 1990 களில் முன்னனி நடிகையாக திகழ்ந்தார். தமிழில் கமல்ஹாசனுடன் "ஆளவந்தான்" உள்ளிட்ட படங்களிலும் ஜோடி போட்டுள்ளார்.

திருமணத்திற்கு பிறகு நடிக்காமல் இருந்த ரவீனா, இப்போது மீண்டும் நடிக்கத் துவங்கியுள்ளார். சஞ்சய் தத் நடிக்கும் ஆக்ஷன் நிறைந்த த்ரில்லர் படம் ஒன்றில் ரவீனா நடிக்கிறார். இதுகுறித்து தனது டுவிட்டர் வலைதளத்தில் ரவீனா கூறியிருப்பதாவது, சஞ்சய்யுடன் 1994 ல் "ஆதிஸ்" என்ற படத்தில் நடித்தேன். அதன்பிறகு இப்போது மீண்டும் அவருடன் நடிக்க இருக்கிறேன்.

சஞ்சய் தத்துடன் மீண்டும் நடிப்பது மகிழ்ச்சியாக இருக்கிறது. இந்தப் படம் முற்றிலும் வித்தியாசமானது. இளம் இயக்குனர் சந்தோஷ் இப்படத்தை இயக்குகிறார். சந்தோஷ் புதுமுகம் என்றாலும் அவரிடம் புதிய விடயங்கள் நிறைய இருக்கிறது.

மீண்டும் சினிமாவில் நடிப்பது சந்தோஷமாக இருக்கிறது என்று ரவீனா தெரிவித்தார். சஞ்சய் தத் தவிர அமிதாப் பச்சனுடன் "புத்தா ஹோகா டெர்ரா பாப்" என்ற படத்திலும் ரவீனா நடிக்க இருக்கிறார்.