கைத்தொலைபேசி கோபுரங்களின் அருகே வசித்தால் புற்றுநோய் அபாயம்

கைத்தொலைபேசி கோபுரங்களின் அருகே வசித்தால் புற்றுநோய் அபாயம்
மேற்கு வங்கத்தில் நிபுணர்கள் ஆய்வு

கையடக்கத் தொலைபேசி கோபுரங்கள் அமைக்கப்பட்டுள்ள இடங்களைச் சுற்றி கதிர்வீச்சு அபாயம் உள்ளதா என்பது பற்றி ஆய்வு நடத்த நிபுணர் குழுவை மேற்கு வங்க அரசு அமைத்துள்ளது.

இது தொடர்பாக மேற்கு வங்க சுற்றுச் சூழல் துறை அமைச்சர் சுதர்சன் கோஷ் கூறியதாவது :

கையடக்க தொலைபேசி கோபுரத்தில் இருந்து 50 முதல் 300 மீற்றர் தூரம் வரையிலும் மின் காந்த கதிரியக்கம் அதிகளவில் இருக்கும் என்பதால், அங்கு வசிக்கும் மக்களுக்கு அபாயம் ஏற்படும் என்ற அச்சம் எழுந்துள்ளது. எனவே கையடக்கத் தொலைபேசி கோபுரங்களில் இருந்து வெளியாகும் கதிர்வீச்சு குறித்து, விஞ்ஞான பூர்வமாக ஆய்வு செய்யவும், கண்காணிக்கவும் முடிவு செய்யப்பட்டுள்ளது.

மும்பையில், புற்றுநோயால் பாதிக்கப்பட்ட நான்கு பேரிடம் தீவிர பரிசோதனை மேற்கொண்டதில் அவர்கள் வசித்த வீடுகள் கையடக்க தொலைபேசி கோபுரங்களை நோக்கி இருந்தது கண்டுபிடிக்கப்பட்டது. அவர்களுக்கு இக் கோபுரத்திலிருந்து வந்த மின் காந்த கதிர்வீச்சால் பாதிப்பு ஏற்படடிருக்குமோ என்று அச்சம் ஏற்பட்டுள்ளது. இதன் காரணமாக இந்த விவகாரத்தில் மேற்கு வங்க சுற்றுச் சூழல் துறை தீவிர கவனம் செலுத்தத் தொடங்கியுள்ளது.

இது தொடர்பாக ஆய்வுநடத்த கோரக்பூர் மற்றும் மும்பை ஐ. ஐ. டி. யைச் சேர்ந்த சுற்றுச் சூழல்துறை பேராசிரியர்கள் அடங்கிய மூவர் குழு அமைக்கப்பட்டுள்ளது.

இக் கோபுரங்களில் இருந்து வெளியாகும் மின்காந்த அலைகளின் தன்மை மற்றும் கோபுரத்தைச் சுற்றியுள்ள நிலத்தின் அமைப்பு குறித்த விவரங்களையும் தெரியப்படுத்த வேண்டும். இவ்வாறு சுதர்சன் கோஷ் கூறினார்.

இது எனக்கு மிகவும் அதிர்ச்சியான தகவல்..நானும் ஒரு தொலைபேசி கோபுரத்தின் அருகில் தான் வசிக்கிறேன்..சிறந்த தகவல்..இதை எம்முடன் பரிமாறிக் கொண்டமைக்கு நன்றி.. :];: