இந்தியாவிற்கு உதவிய பாகிஸ்தான்

by **நேசமுடன் ஹாசிம்** Sat 25 Jun 2011 - 12:39

சோமாலி‌ய கடற்கொள்ளையர்களிடம் சிக்கி பின்னர் பாகிஸ்தான் படையினரின் உதவியால் மீட்கப்பட்ட
இந்திய பயணிகள் இன்று புதுடெல்லி வந்து சேர்ந்தனர். 10 மாதம் கடலில் அல்லாடிய இவர்கள் மீட்பு நடவடிக்கைக்கு பெரும் உதவிபுரிந்த பாகிஸ்தான் கடற்படைக்கு மத்திய அமைச்சர் எஸ்.எம்., கிருஷ்ணா நன்றி தெரிவித்துள்ளார் . கடந்த சில நாட்களுக்கு முன்னர்எகிப்து நாட்டிற்கு சொந்தமான எம்.வி.சூயிஸ் கப்பலில் பாகிஸ்தானியர்கள், இந்தியர்கள், எகிப்தியர்கள் மற்றும் கப்பல் பணியாளர்கள் என மொத்தம் 22 பேர் வரை பயணம் செய்தனர். அப்போது சோமாலிய கடல்கொள்ளையர்களால் சூயிஸ் கப்பல் பிடிக்கப்பட்டு கப்பலில் பயணம் செய்தவர்கள் பிணையக்கைதிகளாக வைக்கப்பட்டனர் .தொடர்ந்து இந்திய அரசு நடத்திய பேச்சுவார்த்தைக்குபின்னர் பெரும் பணம் கைமாறி பின்னர் விடுவிக்கப்பட்டனர்.

மேற்கொண்டு தொடர்ந்த கப்பல் பயணம் ஓமன் நாட்டிற்கு அருகே வரும் போது டீசல் தீர்ந்து போனது. இதனையடுத்து அப்பகுதிக்கு வந்த பாகிஸ்தானிற்கு சொந்தமான பி.என்.எஸ்.,பாபர் கப்பல் சூயிஸ் கப்பலில் இருந்த அனைவரையும் பத்திரமாக மீட்டு கராச்சிக்கு அழைத்து வந்தது. அதன்பின்னர் விமானம் மூலம் துபாய் வழியாக இந்தியர்கள் அனைவரும் இன்று காலை 9.15 மணியளவில் டில்லி விமானம் வந்தடைந்தனர். இதன்மூலம் கடந்த 10 மாதங்களாக துயரத்தில் இருந்த இந்திய குடும்பத்தினர் மன நிம்மதியடைந்தனர்.