கேரள நாயகிகளுக்கு தமிழ் சினிமா ரசிகர்கள் ஆதரவு

”யுவன் யுவதி” படத்தின் கதை, திரைக்கதையை எழுத்தாளர் எஸ்.ராமகிருஷ்ணன் எழுதியுள்ளார்.
படத்தை ”நினைத்தாலே இனிக்கும்” இயக்குனர் குமாரவேல் இயக்கியுள்ளார்.

நாயகன், நாயகியாக பரத், ரீமா களிங்கல் இருவரும் இணைந்து நடித்துள்ளார்கள். ஒளிப்பதிவாளர் கோபி, எடிட்டர் பிரபாகர், கலை இயக்குனர் இளையராஜா மற்றும் பலர் பணியாற்றியுள்ளார்கள். பரத், சம்பத் இருவரும் கொலிவுட்டில் நாயகியாக நடிக்கும் ரீமாவுக்கு வாழ்த்து தெரிவித்து உற்சாகப்படுத்தியுள்ளார்கள்.

”கண்டேன் காதலை” படம் வெளியான பிறகு, இயக்குனர் குமாரவேலை சந்தித்தேன். அவர் கூறிய இளமையான நாயகன் கதாபாத்திரத்தில் நடிக்க துடித்தேன். என் விருப்பம் ”யுவன் யுவதி” படத்தின் மூலம் நிறைவேறியுள்ளது என்று பரத் கூறியுள்ளாராம்.

இந்த படத்தில் ரீமா களிங்கல் நாயகியாக நடித்துள்ளார். தமிழ் சினிமா ரசிகர்கள், கேரளாவிலிருந்து வந்து கொலிவுட்டில் நடிக்கின்ற நாயகிகளின் நடிப்பை விரும்பி ரசிக்கின்றார்கள் என்றாராம் படத்தயாரிப்பாளர் ராமதாஸ்.

இந்த படத்தின் மென்மையான பாடல்கள் ரசிகர்களின் மனதை நிச்சயம் ஈர்க்கும். இதில் நான், இரண்டு பாடல்களை பாடியுள்ளேன். ”ஓ மை ஏஞ்சல்” பாடல் வெற்றி அடையும் என்கிறார் இசையமைப்பாளர் விஜய் ஆண்டனி.