சிம்புவால் வெம்பும் பரத்!

அணில்ன்னு நினைச்சு ஓணானைப் புடிச்சிட்டேன்! இப்படிப் புலம்பிக்கொண்டிருப்பவர் சின்னத் தளபதி பரத்! என்ன ஆச்சு பரத்துக்கு?! எல்லாம் ‘வானம்’ படத்தை ஒத்துக்கொண்டதால் வந்த வினை என்கிறாராம் பரத். தெலுங்கு வேடம் படத்தில் மனோஜ் மஞ்சு நடித்த கேரக்டரில் நீங்க நடிச்சாதான் பர்ஃபெக்டா இருக்கும்ன்னு விடாமா ஒரு வாரம் போன்லயே துரத்தித் துரத்தி சம்மதிக்க வெச்சாராம். ஆனால் அதன் பிறகு வானம் பிரஸ் மீட், வானம் ஒரு பாடல் வெளியீடு எதுலயும் சிம்பு கண்டுக்கவே இல்லையாம் பரத்தை. வானம் படத்துல சிம்புவோட அட்டகாசங்களுக்கு வானமே எல்லை என்று நொந்து நூடுல்ஸ் ஆன பரத் சொல்லிவருகிறாராம் தனது நண்பர்களிடம்.

பரத்தின் இந்த கோபம் இப்படித் தலைக்கு ஏறியற்குக் காரணம், சமீபத்தில் நடந்து முடிந்த வானம் படத்தின் பாடல் வெளியீட்டு விழா. அந்த விழாவில் முற்றாக ஓரங்கட்டப்பட்ட பரத், “அதுவாவது பரவாயில்லீங்க. படத்தோட சிடி கவர்ல ஸ்டாம்ப் சைஸ்கூட என்னோட படம் இல்ல. அப்புறம் போஸ்டர்லயும் என்னோட படம் இல்லை. வெறுத்துப்போய் நான் இந்தப் படத்தில இருக்கேனா இல்லையான்னு தயாரிப்பாளர் கணேஷ் கிட்ட கேட்டேன். அவரோ, இந்த போஸ்டர்ஸ், சிடி கவர் டிசைன் இது எல்லாமே சிம்பு பண்ணினது. அவர எதுத்துக்கிட்டா நான் போட்ட காசு திரும்பி வருமான்னு புலம்புறார்” என்று பரத் புலம்பிவருகிறாராம் தனது நண்பர்களிடம்.

பரத்தின் இந்த புலம்பலைக் கேட்ட சிம்பு, நேரே பரத்துக்கே போன் போட்டு “இந்தப் படத்துல உங்க கேரக்டர் ரொம்ப சர்பிரைஸா இருக்கணும் பரத். இந்தப் படத்துக்கு இப்படிதான் புரோமோ குடுக்கணும். உங்க கேரக்டர் சர்பிரைஸ் எலிமெண்ட்டுங்க. இது தெரியாம புலம்புறீங்களே” என்றாராம். சிம்புவா கொக்கா?!

:’|: :’|: