தங்க ரத்தினமே!

by **Atchaya** Wed 6 Jul 2011 - 15:44

காடுவெட்டிக் கல்பொறுக்கிக்
கம்புச் சோளம் தினைவிதைத்து
காலைமாலை காட்டைக் காக்க - தங்க ரத்தினமே
கண்விழித்திருந்தாளாம் - பொன்னுரத்தினமே !

அள்ள அள்ள விதைத்த
ஆழ முத்தினை சாகாதடி
மொள்ள மொள்ள விதைத்த - தங்க ரத்தினமே
மொந்தத் திணை சாகாதடி - பொன்னுரத்தினமே!

கறுப்பானை ஓடிவரக்
கள்ளரெல்லாம் தினைவிதைக்க
வெள்ளானை ஓடிவரத் தங்கரத்தினமே
வேடரெல்லாம் தினைவிதைக்கப் பொன்னுரத்தினமே!

சின்னச்சின்ன வெற்றிலையாய்
சேட்டுக் கடை மிட்டாயாம்
மார்க்கட்டு மல்லிகைப்பூ -தங்கரத்தினமே
(உன்) கொண்டையிலே மணக்குதடி பொன்னுரத்தினமே!

சாலையிலே ரெண்டுமரம்
சர்க்காரு வெச்சமரம்
ஓங்கி வளர்ந்ததாம் தங்கரத்தினமே
உனக்கேத்த தூக்கமாம் பொன்னுரத்தினமே!

மூத்தண்ணன் பொண்டாட்டிய
மூணுமாசம் காவல் வைப்போம்
ஏழையண்ணன் பொண்டாட்டிய - தங்கரத்தினமே
ஏழுமாசம் காவல்வைப்போம் பொன்னுரத்தினமே!

நீ சாய்ந்திருந்து கிளிவிரட்ட
சாய்மானமும் பொன்னாலே
உட்கார்ந்து கிளிவிரட்ட - தங்கரத்தினமே
முக்காலியும் பொன்னாலே வாங்கிதாரேன் பொன்னுரத்தினமே!