ஈரானில் தற்காலிக திருமண கலாசாரம்!

மேற்கு உலக நாடுகளில் தற்காலிக திருமணங்கள் இடம்பெற்று வருகின்றன. ஆண்கள், பெண்கள் ஒப்பந்த அடிப்படையில் தற்காலிக திருமணங்கள் செய்து கொள்ளலாம்.


குறைந்தது ஒரு மணித்தியாலம் வரை இத்தற்காலிக திருமணங்கள் நீடிக்க முடியும். அதிக பட்சம் 99 வயது வரை நீடிக்கலாம்.


முஸ்லிம்களின் புனித நூலான குர் ஆனில் தற்காலிக திருமணங்கள் பற்றி குறிப்பிடப்பட்டு இருக்கவில்லை. ஆனால் ஈரான், ஈராக் போன்ற நாடுகளில் ஷியா முஸ்லிம்கள் மத்தியில் ஒரு வகையான தற்காலிக திருமண கலாசாரம் நிலவி வருகின்றது.


திருமணம் ஆன அல்லது திருமணம் ஆகாத ஆண்கள், கன்னிமையான அல்லது விவாகரத்துப் பெற்ற அல்லது விதவையான பெண்கள் இங்கு தற்காலிக திருமணங்கள் செய்து கொள்ளலாம். பொதுவாக sigheh அல்லது nekah-e-monghate'e என்கிற பெயர்களால் இத்தற்காலிக திருமணங்கள் அழைக்கப்படுகின்றன.


இத்தற்காலிக திருமணங்களை பதிய தேவை இல்லை. சாட்சிகள் தேவை இல்லை.


பாலியல் சீர்கேடுகள், விபச்சாரங்கள், கள்ளத் தொடர்புகள் ஆகியவற்றை கட்டுப்படுத்துகின்ற மார்க்கமாக தற்காலிக திருமணம் காணப்படுகின்றது.


ஆண்கள் எத்தனை பெண்களை வேண்டுமானாலும் தற்காலிக மணங்கள் செய்து கொள்ளலாம். ஆனால் பெண்கள் ஒரு தற்காலிக திருமண பந்தத்துக்குள் நுழைந்து விடுவார்களானால் அப்பந்தம் முடிவடைகின்ற வரை வேறு திருமண பந்தங்களில் ஈடுபடுகின்றமை முடியாது.


தற்காலிக திருமண தம்பதிகள் இடையில் வேறு ஒப்பந்தங்களுக்குள் நுழைகின்றமையில் மட்டுப்பாடுகள் இருக்கின்றன. குறைந்தது மூன்று மாத காலங்கள் அல்லது இரு மாத விடாய் சக்கர காலங்கள் வரை காத்திருக்க வேண்டும். இக்காத்திருப்புக் காலம் எட்டா என்று அழைக்கப்படுகின்றது.


படித்த மற்றும் நடுத்தர குடும்பங்களைச் சேர்ந்தவர்களுக்கு தற்காலிக திருமண கலாசாரத்தில் பெரிய அளவில் நாட்டம் கிடையாது. மத குருமார் இத்தற்காலிக திருமணங்கள் மூலம் பெண்களை அனுபவிக்கின்றார்கள்.தற்காலிக திருமண கலாசாரத்தை சட்டரீதியான விபச்சாரம் என்று சில பெண்கள் நம்புகின்றனர்.


ஆனால் விவாகரத்துப் பெற்ற அல்லது கணவனை இழந்த பெண்கள் இத்தற்காலிக திருமண கலாசாரம் மூலம் பயன் அடைகின்றார்கள்.